Dy persona janë vrarë dhe 20 persona janë plagosur pas sulmeve ruse në Kryvyi Rih. Ministria e Punëve të Brendshme, tha se është goditur një ndërtesë katërkatëshe dhe një institucion arsimor duke theksuar se shumë persona kanë mbetur të bllokuar në rrënoja.
Volodymyr Zelensky postoi një video në rrjetet sociale nga sulmi në Kryvyi Rih.
Monday morning. Regions of Ukraine are being shelled by the occupiers, who continue to terrorize peaceful cities and people. Kryvyi Rih, Kherson. Residential buildings, a university building, a crossroads were hit. Unfortunately, there are dead and wounded. There may be people… pic.twitter.com/goMVBbCN1B
— Володимир Зеленський (@ZelenskyyUa) July 31, 2023
“Rajonet e Ukrainës po bombardohen nga pushtuesit, të cilët vazhdojnë të terrorizojnë qytetet dhe njerëzit paqësorë.
Në Kryvyi Rih, Kherson janë goditur ndërtesa banimi dhe një godinë universiteti. Fatkeqësisht ka të vdekur dhe të plagosur. Mund të ketë njerëz nën rrënoja. Ngushëllimet e mia për të gjithë ata që kanë humbur të dashurit e tyre për shkak të terrorit rus.
Ekipet e shpëtimit dhe të gjitha shërbimet e nevojshme janë në terren dhe po punojnë.
Ne po përpiqemi të shpëtojmë sa më shumë njerëz. Ditët e fundit, armiku ka sulmuar qytete, qendra të qyteteve, duke bombarduar objekte civile dhe banesa. Por ky terror nuk do të na trembë dhe nuk do të na thyejë. Ne po punojmë dhe po shpëtojmë njerëzit tanë,” tha presidenti ukrainas.
/abcnews.al
