Ukraina i ka hedhur poshtë garancitë e Rusisë për eksportin e grurit duke i cilësuar “fjalë boshe” pasi ministri i jashtëm rus tha se vendi nuk do ta përdorë situatën në avantazhin e tij, shkruan skynews.
“Fjalët e Lavrov janë boshe. Ukraina e ka bërë të qartë pozicionin e saj për portet: nevojiten pajisje ushtarake për të mbrojtur vijën bregdetare dhe një mision për të patrulluar rrugët e eksportit në Detin e Zi”, tha zëdhënësi i ministrisë së jashtme të Ukrainës.
Lavrov’s words are empty. Ukraine has made its position on the sea ports clear: military equipment is required to protect the coastline and a navy mission to patrol the export routes in the Black Sea. Russia cannot be allowed to use grain corridors to attack southern Ukraine. pic.twitter.com/sWlNNrjTFj
— Oleg Nikolenko (@OlegNikolenko_) June 8, 2022
“Rusia nuk mund të përdorë korridoret për eksportin e grurit për të sulmuar Ukrainën jugore.”
Komentet e Oleg Nikolenkos vijnë pasi Sergei Lavrov, ministri i jashtëm i Rusisë, u takua me homologun e tij turk për të diskutuar një plan për rifillimin e eksporteve të grurit nga portet e Ukrainës.
Ai tha se e vetmja mënyrë është që Ukraina të çminojë të gjitha rrugët ujore. Ai shtoi se Moska nuk do të përdorë situatën për të vazhduar “operacionin e saj special ushtarak”, për sa kohë që Ukraina i lejon anijet të largohen të sigurta.
“Këto janë garanci nga presidenti i Rusisë”, tha Lavrov.
/abcnews.al
