“Passaggi Festival” do të presë prezantimin e parë italian të romanit Flama të shkrimtarit Tom Kuka , fitues i Çmimit të Bashkimit Evropian për Letërsinë 2021. Ky prezantim do të bëhet në edicionin e dhjetë të eventit kulturor të planifikuar në Fano, nga data 20 deri më 26 qershor.
Romani do të dalë në shitje në Itali në muajin maj nga “Besa Muci” dhe do të jetë një nga titujt kryesorë të revistës “Europa/Mediterraneo” kushtuar letërsisë së huaj. Enkel Demi ka qenë i lidhur me “Passaggi” që nga botimi i fundit, kur ai prezantoi L’ora del male , veprën e tij të parë të botuar në Itali në Fano.
“Në libër – shpjegon Tom Kuka – tregoj për qytetin tim, Tiranën , të shndërruar në një lloj Sodome: e goditur nga mëkati, ajo dënohet me një sëmundje , me një flamë. Në mes të kësaj fatkeqësie, dikush vret sepse vesi është i pangopur. E vetmja zgjidhje mbetet virtyti, tejkalimi i gabimit. Ndaj për të dytën herë do të jem në Festivalin Passaggi në Fano, sepse, me ujërat e Adriatikut, përpiqem të përfundoj pagëzimin e botimit të romanit në italisht. Dua të zgjidh nyjën e mëkatit në Festivalin Passaggi”.
Historia e Flamës zhvillohet në Tiranën e viteve 30 të shekullit të kaluar dhe rrëfen fatkeqësitë e çuditshme që tronditin kryeqytetin shqiptar, të mbërthyer në një sërë ngjarjesh të pashpjegueshme dhe enigmatike. /abcnews.al/
