Albin Kurti fitoi bindshëm zgjedhjet e 14 shkurtit në Kosovë. Fehmi Mujota, anëtar i Kryesisë së PDK-së në një intervistë për emisionin “Ballkan” në ABC i kërkoi kreut të Lëvizjes Vetëvendosje që të kërkojë falje për shkeljen e parimeve politike.
“Nëse do me ecë përpara dhe me përdorë drejt besimin që i kanë dhënë qytetarët e Kosovës, nuk do të ishte ligësi që të kërkonte falje. Është e pabesueshme, po nuk ishte krejt disponimi i të gjithë qytetarëve të Kosovës i njëjtë në momentin kur dikush thirret në Hagë për t’u përgjigjur për luftën e UCK-së, për të drejtën e Kosovës ose për pretendimet e një gjykate që ne nuk kemi të drejtë as të ndërhyjmë, por as të japim një vendim të prerë” tha ai./ db/ Abcnews.al
