Për të pasur sukses aty ku dështoi Joe Biden, Kamala Harris do të tentojë mbrëmjen e 10 shtatorit në Filadelfia, gjatë debatit të parë me kundërshtarin e saj Donald Trump.
Debati i 27 qershorit Trump-Biden ishte një katastrofë për liderin demokrat në largim. Nuk do të ishte ekzagjerim të thuhet se atë natë të qershorit të kaluar në Atlanta, kandidatura presidenciale e Joe Biden u “shemb” në thelb.
Rreth tre muaj më vonë, është radha e 59-vjeçares Harris të përballet me 78-vjeçarin Trump.
Debate i parë mes dy kandidatëve presidencialë është planifikuar për të martën në mbrëmje në Filadelfia dhe do të transmetohet drejtpërdrejt në rrjetin ABC News.
Debati i nesërm është i pari mes dy kandidatëve dhe aktualisht është e paqartë nëse do të ketë një të dytë.
Basti për Harrisin do të jetë të lërë përshtypje kur ajo të prezantohet para votuesve amerikanë (shumë prej të cilëve nuk i dinë qëndrimet e saj për një sërë çështjesh) të martën mbrëma, duke mbajtur gjallë vrullin që shoqëroi shpallja e kandidaturës së saj.
“Kamala Harris është nën presion për të bërë më të mirën pasi sondazhet sugjerojnë se momenti i saj mund të jetë në rënie,” shkruan FT, duke cituar sondazhe nga CBS Neës/YouGov, New York Times/Siena, disa tregojnë se epërsia e Harris zvogëlohet apo edhe zhduket plotësisht (Trump është përpara me një diferencë prej 1%) dhe disa të tjerë zbulojnë se dyshja Harris-Trump tani janë “kokë më kokë”.
/abcnews.al
