Në Meksikë përmes rrjeteve sociale janë shpërndarë foto të ndryshme q ëkanë të bëjnë me fëmijë që stërviten në përdorimin e armëve.
Mbrojtësit e të drejtave të njeriut kanë shprehur shqetësimin, ku mes imazheve shihen se si të miturit, në mesin e të cilëve kishte edhe pesëvjeçar, janë shfaqur me fytyra gjysmë të mbuluara, ndërsa mbanin në duar armë të gjata, në regjionin e njohur si Guerrero, ku niveli i dhunës në vitet e fundit ka qenë mjaft i lartë.
Ndërkohë presidenti meksikan menjëherë pas publikimit të këtyre pamjeve ka theksuar se edhe kartelet e drogës janë duke rekrutuar fëmijë për nevoja të njëjta.
Presidenti Andrés Manuel López Obrador, ka thënë se për shkak se programet sociale po u japin më shumë mundësi të rinjve për të studiuar ose punuar, kartelet e drogës po kanë probleme për të gjetur njerëz të aftë për sulme, andaj ata po rekrutojnë fëmijë.
Shpërndarja e disa imazheve, tregojnë se si fëmijët ushtronin për të qenë mbrojtës rrugor të një grupi kriminal, ka pasur kërkesa të mëdha ndaj autoriteteve që ta ndalojnë këtë fenomen./abcnews.al
