Familjet e prekura nga termeti në Manëz: Nuk kemi marrë asnjë ndihmë nga shteti, veç konteniereve dhe çadrave

schedule20:10 - 6 Janar, 2020

schedule20:10 - 6 Janar, 2020

ABC News ishte ne Manez dhe pa nga afër situatën e familjeve të prekura nga tërmeti i 26 nëntorit që jetojnë në kontenierë dhe çadra në këto ditë të ftohta janari. Përveç kontenierëve dhe çadrava, banorët thonë se nuk kanë marrë asnjë ndihmë tjetër nga shteti.

Një pjesë e madhe e familjeve te mbetura pa shtëpi nga tërmeti i 26 nëntorit në Manëz, si strehë të vetme kanë kontenierët në këto ditë të ftohta janari

Disa të moshuar shprehen se jetesa në kontenierë është tejet e vështirë dhe gjithçka po e përballojnë vetë me lekët e pensionit.

Ka nga ata që thonë se në kontenierë është më mire seç jetonin në çadra dhe rrinë me shpresën se një ditë do t’u ofrohet një strehë për të jetuar me familjen.

“Si me çadër nuk jemi, por kemi shpresa të na japin një hyrje, vetëm këtë”, thotë një banor.

Festat e fundvitit I kanë kaluar në kushte të vështira dhe askush nuk është kujtuar për ta thotë kjo e moshuar

“Asgjë me tonat, strehim nuk duam gjë tjetër”, shprehet e moshuara.

Pak më larg zonës ku ndodhen kontenierët në Manëz jeton edhe familja Lasku me 7 anëtarë të cilët pavarësisht kryefamiljarit të sëmurë, askush nuk ka ardhur për t’I parë nga afër

Pranë Manzës ndodhet Kulla, fshat në të cilin tërmeti I 26 nëntorit nxori të pabanueshëm këtë pallat 5-katësh dhe dhjetëra banesa të tjera

Familja Shehu që prej ditës që shtëpia e tyre u shpall e pabanueshme vijojnë të jetojnë në këtë strehë të improvizuar pavarësisht temperaturave të ulëta

Kryefamiljari shprehet se deri më tani asnjë ndihmë nuk i është ofruar përveç kësaj çadre para pak ditësh, se të kërkosh një kontenier sipas tij konsiderohet “luks”.