unaza e re

klevis-balliu-1-1280x791.jpg
ger ta11:07 | 18/11/2019

Demokratët janë të bindur se projekti i Unazës së Re është i mbuluar me hije të forta skandali e korrupsioni. Ish-deputeti demokrat Klevis Balliu denoncoi nga selia blu atë që e cilësoi si skandalin e rradhës pas atij të D-H Albania dhe që lidhet me mungesën e një leje ndërtimore për lotin ku po kryhen punimet.

Kompania që ka hartuar sponcoriazuar projektin nuk ka drejtues teknik në fushën e gjeodezise dhe këtë fakt demokratët e mbështetën në dokumentat që vetë Ministria e Infrastrukturës ka firmosur.

Balliu kërkesën e ka për organin e akuzës, të cilit krahas hetimeve i kërkoi ndalim të menjëhershëm të punimeve.

Prej më shumë se 1 jave, IKMT ka nisur prishjen e ndërtesave në lotin e parë të Unazës së Re, ku një pjesë e banesave kanë përfituar kompesim nga qeveria ndërkohë që pjesa tjetër e objekteve janë skualifikuar në procesin e legalizimit nga ALUIZNI.

Deklarata e plotë:

Projekti korruptiv i Unazës së Re, që po shkatërron shtëpitë e  qindra familjeve për vjedhjen e disa milionë eurove dhe ndërtimin e  disa komplekseve me pallate në të njëjtin vend është pa një leje të vlefshme ndërtimore.

Që prej një viti, Partia Demokratike ka publikuar dokumenta dhe të dhëna që tregojnë se projekti i Unazës së Re u nis si një projekt për të vjedhur, duke shkelur disa nga rregullat kryesore për ndërtimin e një vepre të tillë.

Rol kyç në skemën e vjedhjes me projektin e Unazës së Re ka Agjencia e Rrugëve, e cila, në kundërshtim me ligjin e sponsorizimeve, ka pranuar si dhuratë një projekt të gatshëm mbi 1 milionë euro nga kompania AVE CONSULTING.

Dokumentat provojnë se projekti teknik eshte jo i plotë. Atij i mungon studimi topografik, gjë që vërtetohet nga shkresa e 16 Tetorit 2018 e Autoritetit Kombëtar të Rrugëve.

Një shkresë tjetër, e 11 Dhjetorit 2018 e Ministrisë së Infrastrukturës, tregon kompania “AVE CONSALTING” ,që ka sponsorizuar projektin, në kundërshtim me ligjin, nuk ka drejtues teknik në fushën e gjeodezise. Ky është një fakt shtesë për mungesën e studimit topografik, pa të cilin nuk mund të projektohen detajet e zbatimit të projektit.

Mungesa e këtij studimi sjell pasoja juridike në pavlefshmërinë e lejes së ndërtimit të projektit që kushton 20 milionë euro për 1 kilometër. Duke mos patur një studim të fazes së parë të projektit, shkaktohet edhe një dëm i madh ekonomik, pasi volumet e punës llogariten keq, aksi i rrugës zhvendoset sipas interesave korruptivë të momentit dhe rritet kostoja e punimeve.

Përveç anës teknike, që bën të pavlefshëm lejen e ndërtimit, në këtë çështje ka edhe një konflikt të pastër interesi të kompanisë që gjoja i ka falur qeverisë një projekt 1.2 milionë euro. Nga njëra anë, Ave consulting, që ka projektuar shkatërrimin e qindra shtëpive tek Unaza e Re, ka fituar tenderin per të permbyllur procedurat e legalizimit te objekteve informale.

Parti Demkoratike i kërkon Prokurorisë të hetojë pa vonesë këtë aferë të rëndë korruptive, duke mos e zvarritur atë siç po bën me rastin e DH Albania, për të cilën, akoma pas një viti nuk ka asgjë konkrete.

Partia Demokratike do t’i dorëzojë Prokurorisë te gjitha dukementat e nevojshme për të nxjerrë në dritë këtë aferë korruptive, ku një grusht njerëzish duan të shtojnë pasuritë duke shkatërruar jetën e qindra familjeve.

Një prokurori e pavarur, që nuk sakrifikon drejtësinë për t’ia hedhur vetingut, ka në dorë të kërkojë pezullimin e menjëhershëm të zbatimit të këtij projekti korruptiv dhe të pavlefshëm juridikisht tek Unaza e Re!

Kur shqiptarët t’i besojnë Partisë Demokratike qeverisjen e vendit, zyrtarët apo privatet e përfshirë në këtë aferë do të përgjigjen para ligjit. Me ligjin tonë të ri Antimafia dhe me programin tonë “Ndiq paranë”, ata do të paguajnë çdo dëm që i është shkaktuar shtetit shqiptar dhe banorëve të Unazës së Re nga projekti korruptiv  20 milion euro për 1 km./abcnews.al

Afrim Qendro deklaron se është bërë studimi i gjeodisë nga kompania e tij, por nuk pranon ta publikojë këtë studim.

Përgjigjia e Ministrisë së Infrastrukturës e cila pohon se kjo kompani nuk ka gjeodet (topograf) duke hedhur poshtë Afrim Qendron që pretendon se ka një studim teknik për Unazën e Re.

daci-1-1280x633.jpg
in a17:32 | 16/11/2019

Ka nisur mbrëmjen e sotme protesta te “Unaza e Re”, ku banorët janë bashkuar sërish për të protestuar në mbrojtje të kauzës së tyre.

“Ne shtëpitë tona do t’i mbrojmë, do të vazhdojmë rezistencën, kriminelët që dhunuan banorët duhet të dalin para drejtësisë”, shprehen banorët.

I pranishëm në protestë është edhe Sekretari i Përgjithshëm i LSI-së, Endrit Braimllari . Braimllari shprehet se Edi Rama e ka shkatërruar sistemin e drejtësisë.

“Edi Rama nëpërmjet ushtarëve të tij kërkon të kapë Gjykatën Kushtetuese sepse kështu nuk do të ketë hetim për Unazën e Re dhe do të thellojë më tej projktligjet e tij kriminale”, tha Braimllari.

Protesta po zhvillohet e qetë, banorët shprehen se nuk do të heqin dorë dhe do të dënojnë rëndë dhunën e ushtruar, gjithashtu i bëjnë thirrje qeverisë dhe kryebashkiakut Veliaj se nuk do të heqin dorë nga e drejta e tyre.

Sipas banorëve 83 banesa pritet që të shemben nga IKMT në ditët në vijim, raporton për abcnews.al gazetarja Glidona Daci.

/abcnews.al

andi-4.jpg
in a14:43 | 15/11/2019

Dy godina të tjera u shembën sot në zonën e Unazës së Re, duke lënë në qiell të hapur 20 persona. Qarkullimi i automjeteve u bllokua për gati dy orë, ndërsa policia kishte zbarkuar me forca të shumta në zonën e “Astirit”. Familjarët, Shima dhe Kraja treguan për abcnews.al se banesat u prishën në kohë rekord nga IKMT, duke mos i lënë mundësi të largonin orienditë dhe sendet e tyre me vlerë. Policia, FNSH dhe ajo bashkiake ishin në mbështetje të Inspektorëve të IKMT-së, përgjatë gjithë aksionit.

Shqetësimi më i madh për uniformat blu ishte prania grupit të xhirimit të “ABC News”. Në të njëjtën kohë në këtë aks qarkullimi i automjeteve u bllokua nga të dy anët e rrugës, “Todor Keko” dhe në Unazën e Re, nga ora 06:00 deri në 08:00.

Një nga banorët, Ilir Katiraj ka treguar se familjarët nuk janë njoftuar për aksionin blic të ndërrmarë mëngjesin e sotëm nga Policia.

Aksioni i IKMT është vazhdimi atij të së martës ku u shembën 33 objekte dhe u angazhuan më shumë se 500 forca policore. Këta të fundit për të shpërndarë banorët e Unazës së Re përdorën gaz lotsjellës dhe disa prej tyre mbetën të lënduar. Të hënën pritet të këtë përsëri shëmbje të banesave të re nga IKMT-ja, pasi nurmi në total i objekteve për t’u shëmbur në Lotin e parë është rreth 85. Banorët shprehen se nuk janë kundër projektit të Unazës së Madhe, por kërkojnë më parë të dëmshpërblehen me vlerën e tregut dhe të strehohen diku tjetër nga instancat qeveritare, më pas të fillojë shëembja e godinave./abcnews.al

banor.jpg
ent ela09:29 | 15/11/2019

Ka vazhduar  edhe sot aksioni i IKMT-së te zona e Astirit në kryeqytet për shembjen banesave që preken nga projekti i unazës së re.

Në një lidhje të drejpërdrejtë gazetari i ABC News Andi Qosja deklaroi se sot janë shembur 3 banesa që ishin projektuar për t’u prishur, ndërsa mëngjesi i gjeti banorët  në “shtetrrethim”, pasi u bllokuan të dyja anët e rrugës nga forca të shumta policie.

Ilir Katerja, një nga banorët që preken nga shembja e ndërtesave deklaroi për ABC News se njoftimin e ka marrë në orën 6 të mëngjesit, kur policia rrethoi zonën.

“Njoftimin e kam marrë rreth orës 6 që ka rrethuar policia vendin, sot punë nuk ka të paguash qira e të gjitha . Ajo banesa e verdhë është e legalizuar ka dy ditë që thonë boshatise, aty po mbledhin plaçka në rrënoja që mund të kenë besim se nuk janë prishur. Kanë qenë 5 familje në qiell të hapur mbi 20 persona një grua me lot në sy nuk tregonte dot”.

Por i pyetur sesi do të vijojë protesta ai shprehet se duhet gjetur një mënyrë ndryshe e të protestuarit.

“Si të jetë mendimi që të bëjmë një protestë më ndryshe, jo si ajo që kemi bërë. Të kishim dhënë duartrokitje se gjoja sikur na mbrojnë na futën në dhe të gjallë, na morën jetën.

Akoma nuk është dhënë një projekt se çfarë kap e çfarë jo, ka dy ditë që ka thënë boshatis plaçkat”. abcnews.al

banoret.jpg
in a07:38 | 15/11/2019

Policia ka rrethuar mëngjesin e sotëm zonën e Unazës së Re tek “Astiri”, ndërkohë që mësohet se në Lotin 1 po punojnë mjete të rënda të IKMT-së.

Forca të shumta policore kanë krijuar një kordon në perimetrin e rrugës duke mos lejuar qarkullimin e njerëzve dhe të makinave. Qytetarët dhe banorët e zonës janë të tensionur për shkak të vonesave që po u shkaktohet për të shkuar në punë./abcnews.al

andi-3.jpg
in a12:59 | 14/11/2019

Përplasja mes banorëve dhe policisë në protestën e Unazës së Re çoi në shoqërimin e disa banorëve. Gazetari Andi Qosja në një lidhje direkte raporton për abcnews.al se Gjykata cilësoi të paligjshëm ndalimin e Shkëlzen Sadikaj.

Sot  u dha masa për Shkëlzen Sadikajn. Ky i fundit u arrestua për protestën në “Unazën e Re”, pasi ishte i kërkuar për pjesëmarrjen në protestën e zhvilluar gjatë muajit korrik.

Më herët ish-deputeti i PD, Klevis Balliu deklaroi se janë ndaluar më shumë se 300 persona, ku disa prej të cilëve kanë marrë masë arrest shtëpie.

“Kjo qeveri nuk ka zgjidhje, se ndryshe nuk do ti kishte sulmuar qytetarët e saj”, u shpreh një nga banorët.

Gjithashtu banorët thanë se rezistenca do te jetë nga më të ndryshmet, do të qëndrojmë të bashkur dhe me të fortë se kurrë. Kujtojmë se prej muajsh, banorët e zonës së Astirit kanë kundërshtuar projektin e Unazës së Madhe./abcnews.al

 

klevis-balliu-deklarata-1280x631.jpg
nev ila10:09 | 14/11/2019

Ish deputeti Klevis Balliu në një deklaratë për median bashkë me avokatin e tij Genc Gjokutaj, pas daljes së tij nga Prokuroria e Tiranës, deklaroi se nuk shqetësohet për akuzat që i bëhen. Balliu Ishte thirrur nga Prokuroria e Tiranës, për tu njohur me akuzat për “kundërshtim të punonjësve të policisë” dhe “grumbullim i paligjshëm”.

“Ata që kanë dhunuar banorët e unazës së re do të shkojnë në kokërr të burgut. Për sa i përket këtyre akuzave nuk më shqetësojnë aspak. Ajo që na shqetëson sot është që disa qytetarë aty mbetën pa shtëpi, dhe dhuna që u ushtrua mbi ta nga policia. Gjatë gjithë kohës qeveria ka gënjyer kur ka thënë se nuk preken pronat, faktet tregoi se preken të gjithë. Ky projekt është fantazmë, aty thjesht do të zgjerohet rruga dhe do të ndërtojnë kulla oligarkët. Policia ka hedhur gaz lotsjellës brenda banesave të tyre dhe i ka dhunuar.

Gjithsesi, sot në darkë do të shihni disa dokumente se kush janë hajdutët e pronave. Ne sot do të paraqesim disa prova ku do të faktojnë se cilët janë hajdutët e vërtetë të pronave”, deklaroi Balliu./abcnews.al

andi-1-1.jpg
in a10:56 | 13/11/2019

Një ditë pas përplasjes së banorëve të Unazës e Re me policinë kanë mbetur të shembura 33 banesa.

Policia e Tiranës ka proceduar 26 banorë të Astirit për sulmin me gurë, sende të forta dhe bomba molotov ndaj punonjësve të Policisë.

Zona e Astirit u gjend dje në rrethimin e policisë që prej mëngjesit. Edhe pse banorët rezistuan përgjatë gjithë natës nuk mundën të ndalonin ndërhyrjen. Përplasja nisi me hedhjen e shisheve me benzinë. Brenda 12 orëve IKMT shembi të 33 banesat e përcaktuara në planin paraprak.

Në lidhje direkte për “ABC News” gazetari Andi Qosja raporton nga vendi i ngjarjes se banorët konfirmojnë se policia ka ndërhyrë pa komunikuar me ata.

Lokali i cili konsiderohet si lokali qëndresë i banorëvë të unazës ka qënë objekti i parë i sulmuar nga forcat e policisë.

Një nga të intervistuarit Gëzim Sadikaj, shprehet se ka kërkuar negocim me policinë, por kjo e fundit nuk i është përgjigjur kërkesës së tij.

Kam jetuar në  Europë, kam parë se si ka luftuar policia serbe me shqiptarët në Kosovë, por nuk kam menduar kurrë se shteti im do sillej në këtë mënyrë. Na kanë provokuar, na kanë sulmuar në mënyrën më brutale. Nuk na kanë sjellë asnjë shkresë, nuk kemi parë asnjë civil të IKMT-së , por vetëm forca speciale. Vetëm banditët dhe kriminelët veprojnë në atë mënyrë”, u shpreh banori.

Banorët tregojnë se janë detyruar të strehohen tek familjarët e tyre./abcnews.al

policia-unaza-ere-1280x711.jpg
nev ila16:36 | 12/11/2019

IKMT prishi sot 24 objekte në zonën e Unazës së re, nga 33 të parashikuara në total. Aksioni, që nisi në orët e para të mëngjesit u mbështet nga policia, që u përball edhe me zemërimin e banorëve. Nga përplasja mes tyre 13 persona, përfshirë 8 banorë dhe 5 policë, u lënduan dhe u dërguan në spital.

Qindra forca policie zbarkuan në orët e para të së martës në zonën e Unazës së Re në mbështetje të Inspektoriatit Kombëtar të Mbrojtjes së Territorit që nisi aksionin e shembjeve të disa banesave në atë zonë.

Ishte ora 5 e 30 e minuta kur Forcat e Ndërhyrjes së Shpejtë sulmuan një lokal ku ndodheshin më shumë se 200 banorë të Unazës që qëndronin të ngujuar nga dita e hënë në shenjë revolte ndaj uniformave blu.

Banorët dëshmojnë se policia përdori gaz lotsjellës duke shkaktuar shumë të asfiksuar dhe të lënduar ndërmjet tyre.

Disa banorë Unazës së Re nuk pranuan të shkonin për të marrë ndihmën e parë te Spitali i Traumës pasi i frikësoheshin një ndalimi të mundshëm nga policia. Sipas të dhënave zyrtarem, kërkuan ndihmën mjekësore ne spitalin e traumës  13 persona, 5 prej të cilëve ishin punonjës të policisë ndërsa të tjerët protestues.

IKMT ka njoftuar se, në lotin e parë janë projektuar për t’u shembur 33 objekte të zonës së Unazës së Re që fillon nga sheshi “Shqiponja” deri te mbikalimi i shkollës Teknologjike. Vetëm këtë të martë u shembën 24 banesa dhe biznese ne total.

Pavarësisht se banorët kundërshtuan aksionin e Fadromave të Inspektoriatit Kombëtar të mbrojtjes së territorit, ndërhyrja e FNSH nuk i lejoi ata të pengonin aksionin.

Pas kundërshtimit të policisë në aksionin te zona e Unazës së re, sipas të dhënave jo zyrtare 12 protestues u shoqëruan në policinë e Tiranës dhe 10 të tjerë janë shpallur në kërkim./abcnews.al

 

monika-kryemadhi-11-1280x712.jpg
ger ta16:15 | 12/11/2019

Kryetarja e LSI, Monika Kryemadhi dënon ngjarjen e sotme te Unaza e Re, ku pati përplasje të fortë mes protestuesve dhe policisë.

Kryemadhi e cilëson dhunë shtetërore atë që ka ndodhur, ndërsa përgjegjës për gjithë këtë bën kryeministrin Edi Rama.

“Në solidaritet të plotë me banorët e Unazës së Re, ju jap fjalën e zemrës me gjithë dashurinë e nënës, por edhe si Kryetare e LSI-së, se do të marrin një më një të gjithë kompensimin për dëmin e shkaktuar dhe se Edi Rama dhe e gjithë banda e tij do të përgjigjen para drejtësisë së ligjit!”, shkruan Kryemadhi mes të tjerash.

E plotë:

Dhuna shtetërore e ushtruar sot në mëngjes me të gjithë barbarinë antinjerëzore e në tejkalim të plotë të kompetencave të ligjit ndaj banorëve të Unazës së Re, është dëshmia e radhës së pushtetit të Edi Ramës në ortakëri me krimin dhe korrupsionin, është prova e qartë se makineria qeverisëse është vënë në shërbim të klaneve kriminale, për interes të të cilave nuk kursen as dhunën ndaj qytetarëve, ndaj grave e fëmijëve të pa mbrojtur, ndaj të moshuarve dhe gjithë të tjerëve pa dallim.

Është gjithashtu edhe treguesi më i qartë se e gjithë retorika e tij për “Drejtësinë e Re” është një mashtrim, pasi drejtësia atij i duhet për të mbrojtur krimet dhe korrupsionin, ndërsa për qytetarët e pa mbrojtur dhe në nevojë ka zgjedhur dhunën dhe paligjshmërinë.

Po ndërkaq, skena e krimit, e ideuar dhe urdhëruar nga Edi Rama, parathotë fundin e tij të pashmangshëm, që do të jetë i njëjtë me fundin që meritojnë të gjithë ata që i kundërvihen popullit të tyre, të gjithë ata që u shërbejnë interesave të krimit në dëm të interesave kombëtare.

Dhimbja dhe lotët e nënave dhe fëmijëve që mbetën pa shtëpi dhe e baballarëve të dhunuar në sy të fëmijëve, për të ushqyer metastazat kanceroze të korrupsionit dhe krimit të maxhorancës së votave të vjedhura nga bandat e krimit, do të bëhen shumë shpejt, mallkimi dhe ndëshkimi mbi Edi Ramën dhe bandën e tij të pushtetit!

Në solidaritet të plotë me banorët e Unazës së Re, ju jap fjalën e zemrës me gjithë dashurinë e nënës, por edhe si Kryetare e LSI-së, se do të marrin një më një të gjithë kompensimin për dëmin e shkaktuar dhe se Edi Rama dhe e gjithë banda e tij do të përgjigjen para drejtësisë së ligjit!

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono