Ulsi Manja

ulsi-manja-1280x688.jpg
ger ta21:06 | 19/02/2020

Zëdhënësi i Presidentit Ilir Meta, Tedi Blushi, ka paralajmëruar fakte edhe më tronditëse, se dosja  “184” e vjedhjes së votave në Dibër.

Blushi fton deputetin socialist, Ulsi Manja, të cilin e cilëson si zëdhënës të dosjes së Dibrës, të marrë nesër pjesë në konferencën për shtyp të Presidentit Meta.

Po ashtu, Blushi i bën me dije Manjës se Meta e pret nesër në Presidencë për t’i dëgjuar nga afër këshillat e tij.

Reagimi i Blushit:

Ftohet zëdhënësi i Dosjes së Dibrës të marrë pjesë nesër në konferencën e radhës për shtyp në Presidencë, e madje të bëjë pyetje dhe debat para gazetarëve, jo vetëm si kryetar i Komisionit të Ligjeve dhe lider i reformës në drejtësi, por dhe si filozof i paparë që u shfaq sot. Me qetësi dhe drejtësi!

Deri në 2 mars jemi të bindur se do bashkohesh me mbarë popullin kundër grushtit të shtetit. Se faktet e reja tronditëse do bëjnë të harrohet dhe Dosja 184. Presidenti të pret nesër në Presidencë, t’i dëgjojë këshillat e tua nga afër. Ai do të trajtojë me më shumë përulësi, se sa e trajtove ti në Komisionin Parlamentar. Të presim!

/abcnews.al

manjaaaaa.jpg
ger ta10:00 | 18/02/2020

Në një prononcim për mediat nga Korça kreu i Komisionit të ligjeve, Ulsi Manja ka komentuar deklaratën e djeshme të presidentit të Republikës Ilir Meta.

Teksa Meta paralajmëroi se nuk do t’i dekretojë ndryshimet në ligjin për Gjykatën Kushtetuese, Manja tha se Presidenti me një deklaratë të tillë kërkoi të eklipsonte një konferencë të jashtëzakonshme për shqiptarët duke iu referuar konferencës së donatorëve. Ai theksoi se nëse Presidenti ia kthen sërish Kuvendit, Kuvendi do e rrëzojë dekretin.

“Për presidentin e kam të qartë përgjigjen, kjo mazhorancë do të zbatojë kushtetutën, ligjet e vendit dhe rregulloren e kuvendit. Nëse presidenti në vazhdën e shumë ligjeve që nuk i dekreton dhe ia kthen përsëri kuvendit, kuvendi do të rrëzojë dekretin e presidentit.

Nisma për ndryshime në ligjin e Gjykatës Kushtetuese është depozituar në Kuvendin e Shqipërisë më 6 dhjetor të vitit 2019, Kuvendi u shpërnda në 18 dhjetor të vitit 2019 sepse u mbyll sesioni i vjeshtës dhe rifilloi punën sipas rregullores së Kuvendit më 20 janar dhe projektligji që ne miratuam në Kuvendin e Shqipërisë, kaloi në të gjitha filtrat dhe procedurat parlamentare dhe ishte një ndryshim normal, ishte një mekanizëm për zhbllokimin e një situate konfliktuale siç është rasti i betimit të anëtarëve të Gjykatës Kushtetuese”, tha Manja.

Më tej deputeti socilaist shprehet se Presdenti po luan rolin e opozitës.

“Presidenti mund të këtë parasysh shumë gjëra por duhet t’i referohet nenit 1 të Kushtetutës së Shqipërisë. Shqipëria është Republike Parlamentare. Presidenti është një institucion kushtetues që buron nga Kuvendi i Shqipërisë dhe është i detyruar si çdo institucion tjetër t’i bindet kushtetutës dhe ligjeve të vendit. Ilir Meta sot është opozita e vendit, me sjelljen e vet politike po luan rolin e opozitës. Ne si mazhorancë për sa kohë do të jetë në atë funksion do e respektojmë si president i vendit por kjo nuk do të thotë që kuvendi mos analizojë dhe të trajtojë sjelljen e presidenti të republikës shkeljen e kushtetutës”, ka deklaruar ai./abcnews.al

ulsi-manja-1280x688.jpg
nev ila15:52 | 31/01/2020

Institucionet e reja po hasin vështirësi në zbatimin e reformës në drejtësi dhe kërkojnë ndërhyrjen e Kuvendit që ligjet bazë të korrigjohen, në mënyrë që këto organe të funksionojnë.

Vettingu ka zbrazur gjykatat e prokuroritë, ndaj duhet të ndërhyhet në ligj që të delegohen magjistratë të rinj për çështje të caktuara.

Kryetari i Komisionit të Ligjeve, Ulsi Manja njofton se Kuvendi do të veprojë për të dhënë shpejt ndihmën e tij.

“Ndryshimet që kërkon Këshilli i Lartë Gjyqësor dhe i prokurorisë lidhur me qartësimin e disa dispozitave lidhur me skemën e delegimit të gjyqtarëve dhe prokurorëve janë diktuar edhe nga vetingu. Ndryshimet konsistojnë në shkurtimin e afateve kohore për ta bërë më fleksibël skemën e delegimit të gjyqtarëve dhe prokurorëve për të mos krijuar problem në gjykimin e çështjeve.”

Një tjetër ndërhyrje do të bëhet për të mundësuar ndëshkimin e prokuroreve e gjyqtareve qe shkelin ligjin. Mazhoranca është tërhequr nga ideja që këto kompetenca ti marrë përkohësisht KLGJ dhe KLP, e ka vendosur që të ndihmojë të sapo zgjedhurin Artur Metani, Inspektorin e Lartë të Drejtësisë  të ngrejë skuadrën e tij.

 “Në ligj është përcaktuar ngritja brenda 6 muajve e këtij institucioni, por ka lindur nevoja të kemi një dispozitë tranzitore konkrete lidhur me skemën e delegimit të magjistratëve pranë Inspektorit të Lartë të Drejtësisë për të filluar një orë e më përpara inspektimet në gjykata dhe prokurori pasi në këtë fazë mungon llogaridhënia e sistemit.”

Por pavarësisht këtyre ndërhyrjeve, Manja thekson se thelbi i 7 ligjeve bazë të reformës në drejtësi nuk do të preket.

“Ligjet e reformës nuk mund të preken përveçse kur nevoja e ndryshimit vjen nga këto institucione dhe në konsultim të plotë me partnerët tanë ndërkombëtarë, Euralius dhe Opdat.”

Këto ndryshime ligjore do të miratohen bashkë me nismën e mazhorancës për të hequr nga duart e presidentit betimin e gjyqtarëve dhe prokurorëve./abcnews.al

lefteri.jpg
in a14:38 | 23/01/2020

Pas videos së publikuar ku kryebashkiaku i Bulqizës, Lefter Alla shihet duke pirë lëndë narkotike, duket se socilaistët kanë zgjedhur të distancohen.

Por ajo që bie edhe më shumë në sy është fakti se pavarësisht qëndrimit mohues të Allës dhe faktit se SPAK tashmë i ka nisur hetimet, socialistët janë shprehur se përgjegjësia nuk është kolektive, por individuale.

I pyetur nga gazetarët kryetari i Komisionit të Ligjeve Ulsi Manja është shprehur, se PS ka qenë dhe mbetet e qartë për të tilla raste.

“PS është e qartë për vullnetin e saj, që prej momentit kur ka votuar dekriminalizimin, përgjegjësia për këtë çështje është individuale”, tha Manja.

Ndërkohë një tjetër deputet i PS-së, Adnor Shameti tha se nuk e ka parë videon dhe për këtë arsye nuk ka preferuar të japë asnjë koment.

Edhe pse pati shumë këmbëngulje për të marrë një përgjigje duket se Pandeli Majko ka qëndruar stoik duke mos dhënë asnjë koment në lidhje me videon e publikuar.

Pjerin Ndreu një tjetër kryebashkaik i Lezhës nuk ka pranuar të japë asnjë mendim për videon ndërsa u shpreh se PS është familje e madhe dhe nëse video vërtetohet se i përket pikërisht Allës, atëherë do të mbahet një qëndrim.

“Unë skam komente, s’jam në gjendje të jap opinion se kush ishte personi në fjalë. Nuk është etike të jap asnjë lloj opinioni. Nëse është e vërtetë, nuk është dinjitoze.  Është njëlloj si në familje, nëse devijon dikush nga pjestarët e familjes, s’mund të njolloset gjithë familja. Nëse vërtetohet PS mban qëndrimin e vet, s’mund të njolloset nga kjo.”-tha Ndreu.

voltana-ademi.jpg
ger ta12:17 | 20/11/2019

Kryebashkiakja në detyrë e Shkodrës, Voltana Ademi ka reaguar për mospjesëmarrjen e saj në mbledhjen e Komisionit të Ligjeve, ku është diskutuar sot buxheti për bashkitë.

Ademi është shprehur se nuk është ftuar në mbledhjen e Komisionit, duke hedhur poshtë deklaratën e Ulsi Manjës i cili tha se kryebashkiakja ishte ftuar por nuk mori pjesë për shkak të angazhimeve.

Ademi sqaron më tej se pavarësisht se nuk ka patur asnjë ftesë për kryetaren, Shoqata e Bashkive të Shqipërisë ka dërguar shqetësimet dhe objeksionet e saj lidhur me projektbuxhetin.

Reagimi i Voltana Ademit:

E vërteta është një dhe e vetme: Voltana Ademi nuk është ftuar në mbledhjen e Komisionit të Ligjeve! Nuk ka patur asnjë komunikim, të asnjë lloji në formën e ftesës për të marrë pjesë në mbledhje as si kryetare e Bashkisë Shkodër dhe as si kryetare e Shoqatës së Bashkive të Shqipërisë.
Por pavarësisht se nuk ka patur asnjë ftesë për kryetaren, Shoqata e Bashkive të Shqipërisë ka dërguar shqetësimet dhe objeksionet e saj lidhur me projektbuxhetin.
Deklaratat e z. Manja janë thjesht gënjeshtra e rradhës, demagogji për të dizinformuar mediat dhe publikun. Nuk kanë asnjë lidhje me të vertetën.
Por, personalisht nuk çuditem aspak, sepse kjo mazhorancë edhe vetë Ulsiu e kanë të provuar tashmë se qëllimin e vetëm kanë gllabërimin e të gjitha pushteteve, institucioneve, duke përdorur edhe dizinformimin e publikut dhe mediave./abcnews.al

majkomanjabrace-1280x720.jpg
Autor E12:43 | 15/11/2019

Presidenti Ilir Meta ka njoftuar një konferencë të jashtëzakonshme për shtyp në orën 14:00, ndërkohë që gjatë paradites kishte folur ndër të tjera edhe për mundësinë e shpërndarjes së Parlamentit apo të rënies së qeverisë.

Fill pas kësaj deklarata mundësia e shpërndarjes së Parlamentit është rikthyer në vëmendjen e publikut në një ditë kur Kuvendi miratoi rezolutën që parashikon si veprim final kufizimin e kompetencave të Presidentit.

I pyetur për mundësinë e shpërndarjes së Parlamentit, Pandeli Majko tha se shpresonte që kjo të mos ndodhte pasi vendi i duhej stabiliteti politik, “ashtu siç e kërkojnë edhe partnerët ndërkombëtarë”.

Uroj që kjo të mos ndodhë sepse ka disa nene të Kushtetuës, të cilat duhen respektuar në mënyrë rigoroze. Mendoj se Presidenti duhet të jetë protagonist i dialogut dhe sigurisë kombëtare“, tha Majko.

Ndërkohë, zv.kryeministri Braçe tha se kjo nuk mund të ndodhë pasi e ndalon Kushtetuta.

Kurse, kreu i Komisionit të Ligjeve, Ulsi Manja tha se nuk çuditet nëse Meta shpërndan sot Parlamentin, pasi sipas tij, kjo do të vinte në vazhdën e absurditeteve të deritanishme të Presidentit të Republikës. “Sovranin e ka zgjedhur populli dhe jo Presidenti, është populli ai që zgjedh sovranin jo Presidenti. Nuk ka asnjë shans të shpërndajë Parlamentin“, tha Manja. /abcnews.al

manja1.jpg
ent ela11:21 | 11/11/2019

Arsyetim dashakeq me qëllim bllokimin e Gjykatës Kushtetuese e ka konsideruar kreu i komisionit të ligjeve Ulsi Manja reagimin e presidentit Ilir Meta në lidhje me ngritjen e Gjykatës Kushtetuese.

Nga foltorja e Kuvendit Manja sqaroi se nëse zbatojmë radhën, ajo i shkon Gjykatës së lartë, por në kushtet kur nuk ka Gjykatë të Lartë funksionale, bllokohet edhe për një vit Gjykata Kushtetuese.

“Radha është përcaktuar edhe për një arsye tjetër. Ka pasur në konsideratë ripërtëritjen e Gjykatës Kushtetuese. Ne nuk jemi në situatë normale, se vettingu e spastroi Gjykatën Kushtetuese,  vetëm një anëtar u konfirmua nga vettingu.

Çfarë ndodh? Kemi Gjykatën e lartë.

Një pyetje kam për juristët e Presidentit. E supozjmë që do zbatojmë radhën të parin Presidenti, të dytin ne sot, po radha i shkon Gjykatës së lartë, ne nuk e kemi funksionale, atëherë çfarë do bëjmë? Do bllokojmë Gjykatën Kushtetuese  edhe për një vit tjetër? Arsyetimi i presidentit është dashkeq, se me këtë formë synohet bllokimi i Gjykatës Kushtetuese?.

Kreu i Komisionit të Ligjeve, ftoi deputetët të votojnë dy emrat për anëtarët e rinj të Gjykatës Kushtetuese.

“Sot është momenti të dëshmojmë seriozitetin e vullnetin politik për ta bërë funksionale kushtetuesen. Duhet të bëjmë detyrën tonë, kandidatët që na ofrohen për votim janë dy zonja që i bëjnë nder gjykatës Kushtetuese. Kemi një debat me Presidentin, si përherë na paraqetitet si debat kushtetues po në thelb është konfliktik i pastër politik, që kur Presidenti e lexon kushtetutën politikisht e jo si garant i saj. Në rastin e kushtetueses duhet të çlirohet nga mentaliteti i konfliktit politik dhe të bashkëpunojë për plotësimin e vakancave në Gjykatën Kushtetuese”./abcnews.al

 

manja.jpg
ger ta15:29 | 08/11/2019

Për Kuvendin e Shqipërisë, Arta Vorpsi është nga sot, automatikisht Gjyqtare Kushtetuese. Ajo është e renditur e para në vakancën e dytë të Presidentit, vakancë për të cilën Meta kërkoi të pezullohej.

Kryetari i Komisionit të Ligjeve kundërshton argumentin e Presidentit, ku sipas Kushtetutës, gjyqtarët duhet të zgjidhen me radhë, i pari nga Presidenti, i dyti nga Kuvendi, dhe i treti nga Gjykata Kushtetuese.

Socialistët e kanë një mesazh për Ilir Metën, të cilin e kanë në procedurë shkarkimi.

Kuvendi do të zgjedhë të hënën në seancë plenare dhe gjyqtare të reja Kushtetuese: Elsa Toskën dhe Fjona Papajorgjin. Bashkë me Besnik Mucin dhe Vitore Tushën gjykata bëhet më 5 anëtarë, por ende nuk është funksionale pasi shqyrtimi i cështjeve kërkon 6 gjyqtarë. Ndërsa të martën, Besnik Muci që u dekretua gjyqtar nga Meta, do të marrë  përgjigjen nga Kolegji i Apelimit nëse do t’i mbijetojë ose jo  vettingut./abcnews.al

ulsi-manja-per-meten.jpg
ad min14:26 | 19/10/2019

Komisioni Hetimor për shkarkimin e Presidentit do të mbyllë punën përpara 8 dhjetorit. Kryesuesi i hetimit, Ulsi Manja thotë për ABC Neës se mazhoranca do të japë një votë politike për shkarkimin e Ilir Metës, ndërsa vlerësimin kushtetues do ta bëjë vetëm Gjykata Kushtetuese kur të jetë funksionale.

Opinioni përfundimtar i Komisionit të Venecias nuk i ka bindur socialistët të pushojnë hetimin parlamentar për shkarkimin e presidentit. Përkundrazi.

“Brenda afatit të ri që morëm nga Kuvendi, komisioni hetimor do ta përfundojë punën e vetë. Do të zbatojmë planin përfundimtar të hetimit të miratuar nga Komisioni”.

Ulsi Manja që drejton komisionin hetimor, shpjegon për ABC News se çfarë ka ngelur ende për t’u bërë nga hetimi.

“Do të administrohen provat shkresore, dhe këtu e kam fjalën për opinionin paraprak dhe final të Komisionit të Venecias, do të administrohet dhe shkresa e ardhur nga Presidenti i Republikës lidhur me arsyet që e shtynë të anulojë 30 qershorin, duke respektuar tërësisht klauzolat ligjore për informacionin e klasifikuar “sekret shtetëror””.

Komisionit i përfundon mandati hetimor në 8 Dhjetor.

“Komisioni është i detyruar të mbyllë punë që i ka ngarkuar Kuvendi me vendimin nr 84 të vitit 2019. Është një komision që i kërkohet  një vlerësim në aspektin ligjor nëse Presidenti e ka shkelur ose jo Kushtetutën, dhe raporti i këtij komisioni hetimor i tillë do të jetë. Më pas seanca plenare vendos politikisht për shkarkimin e Presidentit të Republikës”.

Dhe pse janë të bindur që Meta e ka shkelur Kushtetutën duke çdekretuar 30 qershorin si datë zgjedhjesh, Ulsi Manja nuk është gati të pohojë votën e tij pro shkarkimit.

“Nuk kam asnjë arsye të paragjykoj votën time e as qëndrimin tim. Unë qëndrimin tim do ta shpreh në komisionin hetimor që unë drejtoj dhe votën time do ta shpreh në seancë plenare së bashku me gjithë kolegët e mi të mazhorancës”.

Socialistët do të votojnë shkarkimin, por topi do të ngelet në derën e Gjykatës Kushtetuese.

“Votimi në parlament është votim politik, ndërsa Gjykata Kushtetuese është institucioni i vetëm kushtetues që do të japë një vlerësim në aspektin kushtetues dhe ligjor për këtë procedurë shkarkimi”.

Teksa kjo gjykatë nuk është ende funksionale e plotësimi duket i largët, Ilir Meta do të vazhdojë të jetë në krye të shtetit./ABC News Albania

ilir-metaa.jpg
nev ila16:27 | 22/06/2019

Presidenti i Republikës nuk do të shkojë përpara Komisionit të Ligjeve për t’u mbrojtur në procedurën e nisur për shkarkimin e tij. Në një letër drejtuar Ulsi Manjës, Presidenca e konsideron këtë proces të rremë, verbërisht politik dhe një përpjekje e shfrenuar për thellimin e krizës.

Ilir Meta nuk priti të hënën, për të marrë mungesë në mbledhjen e Komisionit të Ligjeve, që ishte caktuar si dita kur Presidenti mund të mbrohej përpara socialistë që e kanë ndarë mendjen ta shkarkojnë.

Me një letër drejtuar Ulsi Manjës, Presidenca e konsideron këtë procedurë të rreme dhe verbërisht politike.

“Presidenti i Republikës vlerëson se gjithë veprimtaria aktuale parlamentare që përpiqet të godasë veprimtarinë e Presidentit të Republikës, por pa mundur të rrëzojë përmbajtjen e dekretit të tij, është një proces i rremë, i pambështetur në argument kushtetues, por vetëm i orientuar verbërisht politikisht”.

Kreu i shtetit e sheh shkarkimin e tij si rrëzimin e një ure që mund të mundësonte dialogun ndërpartiak.

“Ky proces i rremë dhe verbërisht politik, nuk i shërben aspak zgjidhjes së krizës së thellë në të cilën ndodhet vendi, por përkundrazi e rëndon më tepër atë, si një përpjekje e shfrenuar për të thelluar ndasitë mes palëve, dhe për të asgjësuar çdo mundësi për krijimin e klimës së dialogut e bashkëpunimit, që Presidenti i Republikës prej kohësh po ju kërkon palëve”.

Duke përsëritur se dekreti i tij që anuloi 30 Qershorin shmangu konfliktin civil, Ilir Meta thekson se në tavolinën e tij ka ende gurë shahu pa lëvizur.

“Presidenti i Republikës garanton Kuvendin e Shqipërisë se është në detyrë, i gatshëm që me përgjegjësi të plotë të ndërmarrë të gjitha veprimet e rëndësishme që do të diktojë situata dhe interesi më i lartë i vendit”.

Pa e shmangur ironinë, në fund të letrës, duke ju uruar gjykim më të shëndoshë deputetëve socialistë, Presidenca i dërgon një kopje të dekreti Komisionit, duke pandehur se ligjvënësit nuk e kanë lexuar atë./ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono