prokurori
in a15:25 | 14/12/2019
Policia e Shtetit ka njoftuar ditën e sotme se janë lëshuar 17 urdhëra ndalimi, 9 janë ekzekutuar dhe vijon puna për të tjerë të implikuar.
Mes të arrestuarve janë zyrtarë, pronarë, ndërtues e specialistë. Pas një pune 2 javore, në bazë të provave siguruar nga prokuroria, sipas deklaratës së drejtorit të Policisë së Durrësit, Lorenc Shehu, është konstatuar se dëmet kanë ardhur si shkak i ndërtimeve pa respektuar rregullat.
Gazetarja Glidona Daci raporton për abcnews.al se në kërkim është shpallur një pronar firme për të cilin Prokuroria refuzon të japë detaje. Mësohet se ai është larguar jashtë vendit. Prokurori po punon për të ngritur akuzat dhe për të faktuar dyshimet.Gjithashtu Prokuroria njofton se ka proceduar vetëm ata persona për të cilët ka prova të pakundërshuteshme për të gjitha akuzat e ngritura.
Ndër personat e shpallur në kërkim janë:
1- Arben Qato pronar i Vila Palma
2- Dëshira Qato-shefe e urbanistikës në Kavajë (Gruaja e Arben Qatos)
3- Aldo Dakovelli, shef sektori në Kadastrën e Durrësit
4-Artemis Malko punonjës terreni në Kadastrën e Durrësit
5-Artur Cela, ish-drejtori i INUV
6-Flamur Gjuzi, ish-drejtori i ALUIZNIT Durrës
7- Ndërtuesi i banesës së familjes Lala në Kënetë
/abcnews.al
in a10:39 | 13/12/2019
Kryetarja e Gjykatës Kushtetuese Vitore Tusha dëshmoi në Prokurori për kallëzimin e bërë nga presidenti i Republikës Ilir Meta ndaj kreut të KED Ardian Dvorani.
Kryetarja në detyrë e Gjykatës Kushtetuese Vitore Tusha ka dëshmuar në Prokurori për kallëzimin e bërë nga presidenti i Republikës Ilir Meta ndaj kreut të KED, Ardian Dvorani. Mësohet se Tusha ka dhënë shpjegimet e saj mbi mbledhjet e KED, për të cilat kreu i shtetit ka ngritur akuzë ndaj Dvoranit.
Kryetarja në detyrë e Gjykatës Kushtetuese, është larguar nga organi i akuzës së kryeqytetit pa dhënë shpjegime të mëtejshme për mediat. Sipas burimeve nga organi i akuzës kryetarja në detyrë e gjykatës Kushtetuese ka sqaruar edhe proçedurën se si duhet të përzgjidhen antarët e rinj të kësaj gjykate, por nuk ka dhënë shumë detaje. Gjykata u ka dhene prokuroreve te ceshtjes vendimin për të sekuestruar të gjitha proces-verbalet dhe regjistrimet audio të mbledhjes se zhvilluar nga Këshilli i Emërimeve në Drejtësi. Më anë të ketyre dokumentave prokuroria pritet që të faktojë nëse janë kryer ose jo shkelje kushtetuese nga Ardian Dvorani.
Kreu i shtetit Ilir Meta kishte kërkuar më herët që të bëhet sekuestrimi i këtyre dokumentave. Kjo cështje do të kalojë nga prokuroia e Tiranës të Prokuroria e Posacme kundër korrupsionit hde Krimit të Organizuar, pasi është në kopetencë të saj duke qënë se Ardian Dvorani është funksionar i lartë.
Gjate kesaj jave është marrë në pyetje presidenti Ilir Meta si palë paditëse, si dhe Ardian Dvorani, si person nën hetim. Gjithashtu, dëshmi ka dhënë edhe Avokatja e Popullit Erinda Ballanca si palë vëzhguese e këtij procesi. Presidenca akuzon Dvoranin për mungesë transparence, qëllimi i së cilës ishte manipulimi i procesit te perzgjedhjes se anëtarëve të gjykatës Kushtetuese. Pas dëshmisë së Vitore Tushës në prokurori do të thirren për të dhënë dëshminë e tyre edhe anëtarët e KED.
/abcnews.al
R D13:37 | 12/12/2019
Avokatja e Popullit Erinda Ballanca është peytur në Prokurorinë e Tiranës për mbi 2 orë e gjysëm lidhur me çështjen “Dvorani”. Gazetarja e Abc News që ndjek zhvillimet në prokurori, Glidona Daci raporton se znj. Ballanca është larguar pa pranuar të japë prononcim për mediat, që pryeste në dyert e akuzës. Ballanca është thirrur nga prokurororët si person që mund të ketë dijeni për rrethanat e ngjarjes, pasi Avokati i Popullit, në bazë të ligjit duhet të jetë vëzhgues i punës së Këshillit të Emerimeve në Drejtësi. Në një raport që ka nxjerr ky institucion para pak kohës thuhet se Kreu i KED, Ardian Dvorani i ka zhvilluar mbledhjet në mungesë të transparencës dhe në disa raste nuk ka lejuar përfaqësuesit e Avokatit të Popullit.
Kujtojmë se lidhur me këtë çështje, prokurorët pyetën si fillim Presidentin Meta i cili ka bërë një padi penale kundër kreut të KED, Dvorani. Meta e akuzon Dvoranin se ka shkelur Kushtetutën për listimin e kandidatëve të Gjykatës Kushtetuese.
Ndërsa nesër radhën për tu paraqitur në prokurori e ka gjyqtarja, Vitore Tusha. /abcnews.al
nev ila18:00 | 11/12/2019
Një ditë pas presidentit, Prokuroria e Tiranës ka thirrur për të marrë në pyetje kreun e KED Ardian Dvorani. Pas tre orësh, i padituri nga kreu i shtetit tha se nuk është në garë për kallëzime, por ironizoi Presidentin për videon e publikuar për të.
Me dorën në xhep dhe i buzëqeshur kreu i Këshillit të Emërimeve në Drejtësi Ardian Dvorani është paraqitur në prokurorin e Tiranës. Për më shumë se 3 orë Dvorani u është përgjigjur pyetjeve të prokurorëve, në lidhje me kallëzimin e bërë nga Presidenti Ilir Meta.
Pas daljes nga organi i akuzës gjyqtari i Gjykatës së Lartë u shpreh se ka dhënë shpjegime të detajuar, me vlerë për procedimin. Dvorani tha se nëse merret i pandehur nga prokuroria do të përballet me ligjin.
Dvorani u pyet nga gazetarët nëse do të bënte kallëzim penal për presidentin, por kreu i KED tha se kjo nuk është garë.
Kreu i Këshillit të Emërimeve në Drejtësi tha se hetimet nuk kryhen duke dalë në media dhe se nuk kishte nevojë për publicitet. Nuk e ka kursyer ironinë ndaj Presidentit që ka paralajmëruar për video përvëluese.
Nuk ka vonuar reagimi i presidentit për këto deklarata. Përmes zëdhënësit Tedi Blushi, Presidenca shprehet se nuk pret asnjë reflektim publik nga ai që e quan dhunues me dashje i Kushtetutës dhe i ligjit, i mirëdokumentuar, i provuar dhe përsëritës në shkeljen e tyre.
Kreu i shtetit e ka kallëzuar Ardian Dvoranin për dy vepra penale, “Shpërdorim detyre” dhe “Përvetësim të titullit shtetëror”.
Në ditët e ardhshme, prokuroria do marrë në pyetje 10 anëtarët e Këshillit të Emërimeve në Drejtësi për padinë e kreut të shtetit ndaj kreut të KED, Ardian Dvorani./abcnews.al
R D10:07 | 11/12/2019
Kryetari i Këshillit të Emerimeve në Drejtësi është paraqitur sot në Prokurorinë e Tiranës, ku po merret në pyetje lidhur me padinë e Metës.
Z. Ardian Dovrani shkon në organin e akuzës një ditë pas Presidenti Meta, i cili ndër të tjera tha se ka prova të mjaftueshme për të fajësuar kreun e KED.
Në padinë e hartuar nga institucioni i Presidences thuhet se Dvorani ka shpërdoruar detyrën dhe ka pervetesuar titullin shteteror.
Konflikti mes tyre lindi rreth një muaj më parë për zgjedhjen e anëtarëve të Gjykatës Kushtetuese.
Abcnews.al publikon pamjet e mbërritjes, ku shihet qartë se Dvorani sillet në mënyrë miqësore, dhe u buzëqesh gazetarëve, që gjë nuk është verejtur në aktivitetet e tjera publike. /abcnews.al
Lexo edhe:
“Dvorani”, Meta: Kjo është provë e madhe, prokuroria s’duhet të jetë në presion politik
“Ndiqeni me vëmendje”, Meta publikon videon: Si u përdor Dvorani në kapjen e Kushtetueses
R D11:27 | 10/12/2019
Presidenti Ilir Meta do të paraqitet sot në orën 12:00 në Prokurorinë e Tiranës. Burimet thanë se Presidenti Meta do të pyetet lidhur me kallëzimin që ka bërë ndaj kreut të KED-it, Ardian Dvorani.
Meta është thirrur nga Prokuroria e Tiranës për të dhënë sqarime për këtë çështje. Prokurori që po heton çështjen dhe do marrë në pyetje Presidentin është Alket Mersini, raporton gazetarja e Abc News Glidona Daci.
Kujtojmë se Meta paditi afro një muaj më parë kreun e KED pas përplasjes për zgjedhjen e anëtareve të Gjykatës Kushtetuese. Në kallëzimin e bërë nga Presidenca, thuhet se Dvorani ka shpërdoruar detyren dhe ka falsifikuar dokumentet shteterore./abcnews.al
Lexo edhe:“Kushtetuesja”, Meta kallëzon në prokurori kreun e KED, Dvorani: S’kam shkelur Kushtetutën
in a16:53 | 05/12/2019
Riaktivizimi i sulmeve dhe fyerjeve nga Spartak Braho dhe Fatos Tarifa përmes artikujve të një të përditshme ka bërë që Avokati i Agron Tufës, Kujtim Cakrani të depozitojë në Gjykatën Penale të Tiranës, padinë ndaj deputetit socialist Spartak Braho dhe ish-ambasadorit Fatos Tarifa.
Avokati i Agron Tufës Kujtim Cakrani bën me dije se ka depozituar në Gjykatë Penale të Tiranës, padinë ndaj deputetit socialist Spartak Braho dhe ish-ambasadorit Fatos Tarifa.
Cakrani tha se shkak është bërë riaktivizimi i sulmeve dhe fyerjes ndaj zotit Tufa përmes një artikulli të 4 dhjetorit në një gazete të përditshme, pikërisht 24 orë pas lajmit që ky i fundit ka kërkuar azil politik në një vend të BE-së.
Përgjegjësia e botimeve te Institutit të Krimeve dhe Pasojave të Komunizmit Luljeta Lleshanaku tha se Agron Tufa u largua pasi iu kërcënua familja.
Duke ju referuar artikullit të gazetës, Spartak Braho e ka kërcënuar dhe fyer edhe në distancë zotin Tufa.
Largimi i zotit Tufa është komentuar edhe nga drejtori i fondacionit “Konrad Adenauer” në Shqipëri gjate një aktiviteti të zhvilluar nga instituti për keqtrajtimin e grave gjatë regjimit komunist në Shqipëri.
Në mbledhjen e së hënës bordi drejtues do të marrë një vendim për drejtuesin e ri të Insitutit të Krimeve dhe Pasojave të Komunizmit./abcnews.al
in a22:04 | 02/12/2019
Në rrethinat e Napolit në Itali vetëm një vit më parë u shkatërrua një grup kriminal në fushën e trafikut të drogës. Si pjesë e operacionit, janë arrestuar gjithsej 13 persona, italianë dhe shqiptarë.
Prokurori publik italian Dda D’Alessio ka lexuar akt-akuzën për anëtarët e klanit La Torre, drejtuar nga Tiberio La Torre, djali i bosit të njohur të drogës Augusto La Torre, shkruajnë mediat italiane.
Të dyshuarit akuzohen për pjesëmarrje në organizatë që synojnë trafikun e lëndëve narkotike, posedim dhe tregtim të drogës, pastrim parash dhe akuza të tjera. Prokuroria italiane kishte zhvilluar hetime për këtë grup dhe kishte arritur në përfundimin se anëtarët e grupimit zhvillonin tregti të paligjshme droge.
Sipas hetimeve, ky grup bënte tregti droge në komunën Mondragone, të sasive të konsiderueshme të drogave të tipit kokainë e hashash, me furnizime nga zona e Napolit, ku ndër të tjera ka edhe bashkëpunëtorë shqiptarë./abcnews.al
nev ila15:00 | 08/11/2019
Policia e Shtetit ka zgjeruar hartën e kërkimeve për kapjen e autorëve të dyshuar të atentatit të tipit mafioz, ku mbetën të plagosur, prokurori Arjan Ndoj e miku i tij Pëllumb Muharremi, ndërsa ndërroi jetë Andi Maloku.
Pas kërkimeve të zhvilluara mbrëmjen e së enjtes në Lushnje e Vlorë, Forcat e Ndërhyrjes së Shpejt dhe ato të RENEA-s nuk kanë rënë ende në gjurmë të autorëvë të dyshuar të ngjarjes.
Zyrtarisht është shpallur në kërkim policor si person që mund të ketë dijeni për ngjarjen ose i përfshirë në atentat, Julian Sula me origjinë nga Thanasaj e Lushnjes.
Ai nuk iu është përgjigjur kërkesës së policisë për të sqaruar rrethanat në atentatin e së premtes të datas 1 nëntor, teksa ka dyshime se janë gjetur gjurmë papilare të tij në automjetin e sekuestuar në Shkafan të Ishmit.
Dyshimet janë se Juli i “Pashkos” siç njihet ndryshe mund të fshihet në zonën e kenetës, ku u kotrollua edhe një banesë që dyshohet se përdorej si bazë nga persnat me rekorde kriminale. Ka dyshime se pak para të së zhvillohej kontrolli i FNSH-së, shtëpia ishte pastruar, duke larguar të gjitha mjetet që shërbejnë për kryerjen e një atentati.
Ndërkohë në orët e parë të së premtes, Forcat Operacionale zhvilluan një aksin blic në qytetin e Peqin. Nga qelizat telefonike ka rezultuar se dy persona të tjerë që vijojnë të qëndrojnë në arrati të jenë lokalizuar në atë zonë por operacioni rezultoi pa sukses.
Zona që mbahet në vëzhgim 24 orë është Nikla. Në atë lokalitet dyshohen se fshihen persona me rokorde të theksuara kriminla nga qyteti i Shkodrës. Policia gjatë kontrollit të ushtruar nuk gjeti ndonjë provë të fortë përveç disa jelekëve antiplumb, thika dhe një automjet të binduar.
Zonat të tjera të nxehta ku kryen operacione të njëpasnjëshme ndodhen Durrës dhe Shkodër. Në total janë angazhuar më shumë se 500 forca policie por, ende nuk ka të arrestuar përveç Redjan Rrajën, i cili ishte në tentativë për të ikur nga vendi yne, drejt Malit të Zi.
Gjatë padites së djeshme, në një ndërhyrje live në Abc News, Julian Sula mohoi të kishte gisht në ndonjë atentat, ndërsa në lidhje me breshëritë ndaj makinës së prokurorit Ndoj ai tha se ka qenë jashtë shtetit kur ka ndodhur ngjarja dhe nuk ka lidhje me të.
“Nuk e di se sot erdha, kam qenë vizitë në Turqi se jam keq nga mushkëritë, flas me avokatin i thashë pse më kërkojnë dhe foli avokati me shefin e komisariatit dhe drejtorin dhe ata i thanë nga ne nuk ka gjë. I pyeti pse i keni vajtur kontroll. Unë s’jam as i kërkuar, nuk di pse më lidhin me ngjarjen, sa erdha në shtëpi nga Turqia në Kosovë nga Kosova në shtëpi”.
Sula thekson se në ditën që ka ndodhur atentati ishte në Kosovë duke ikur për në Turqi.
“Në datë 1 kam qenë në Kosovë duke ikur për në Turqi. Nuk di pse mi kanë bërë këto gjëra”.
Ai mohon të ketë njohje me Redjan Rrajën, prokurorin Ndoj apo Pëllumb Muharremin.
“Nuk e njoh Redjan Rrajën. Nuk e njoh prokurorin Ndoj. Hera e parë që e dëgjoj .Jo fare as Pëllumb Muharremin”.
Julian Sula shprehu gatishmërinë për t’u paraqitur në polici që nesër në mëngjes, pasi kjo situatë po shqetëson familjen e tij dhe sidomos vajzën.
Kush është Julian Sula?
Në pranverën e vitit 2010 Julian Sula me shokë kanë grabitur nën kërcënimin e pistoletës makinën e një shtetas në rrugën Fier-Lushnje. Së bashku me dy të tjerë, Sula i ka drejtuar armën pronarit të makinës duke i kërkuar që të ndiqnin udhëzimet e tyre. Ata kanë ecur disa kilometra duke e zbritur pronarin e mjetit për të vazhduar pastaj vetë me fuoristradën.
Ndërkohë, në qershorin e vitit të shkuar, Sula është goditur 10 herë me thikë në një lokal bastesh nga Arjan Aliço, i njohur si person i afërt me bandën e Aldo Bares .
Gjithashtu emri i tij është përmendur edhe në masakrën e Lushnjës një vit më parë ku mbetën dy të vrarë, Jurgen Hoxha dhe Zamir Latifi (në foto) dhe dy të plagosur. Dyshohet se personi i tretë që ishte në makinë me Laert Haxhiun dhe Orges Bilbilin ka qenë pikërisht Julian Sula.
Sula u godit me thikë nga Aliço pas sherrit me djalin e këtij të fundit gjatë ndeshjes, Shqipëri-Zvicër në një lokal bastesh. Ai mbeti i plagosur rëndë duke u sjellë me urgjencë në spitalin e Traumës në Tiranës në gjendje kritike për jetën.
Pas ngjarjes Sula u vetëdorëzua në polici dhe më pas u la i lire./abcnews.al
nev ila12:40 | 08/11/2019
Avokati i Redjan Rrajës, Besnik Çerekja ka ankimuar në Gjykatën e Apelit për Krime të Rënda vendimin e masës së sigurisë “arrest me burg” të dhënë nga Gjykata e shkallës së parë për klientin e tij.
Sipas gazetares së ABC News Glidona Daci, Redjan Rraja përmes avokatit të tij, ka kërkuar ndryshimin e masës së sigurisë “arrest në burg”, pasi pretendon pafajësinë.
Rraja është i vetmi i arrestuar , si i dyshuar për atentatin ndaj Arjan Ndojt dhe dy miqve të tij./abcnews.al
ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.
NUIS/NIPT K01711004FKontaktTelefono
16:08 | 28/03/2020
15:56 | 28/03/2020
