partitë
ger ta15:32 | 03/03/2020
Partia Demokratike hoqi dorë nga kërkesa e saj për financim 100% të fushatave zgjedhore nga shteti. Në tryezën politike të reformës zgjedhore, demokratët dorëzuan draftin e tyre të fundit për financimin e partive politike dhe fushatave zgjedhore, ku pavarësisht se u la sërish hapësirë për financimet private, një sërë sanksionesh pritet të jenë barriera për të ndalur sponcorizimet e dyshimta.
“Propozimi që bën opozita e bashkuar është një reduktim drastik i financimit që merret nga burimet private duke e cuar në standarte ndërkombëtare”, tha Bylykbashi.
Në draftin e propozuar nga demokratët, kërkohet që fondi për financimin e partive në zgjedhjet e ardhshme për Kuvendin dhe qeverisjen vendore, të jetë jo më pak se trefishi i buxhetit aktual nga ai i zgjedhjeve të vitit 2017.
Edhe vetë socialsitët janë për një sistem miks të financimit të fushatave zgjedhore, ndonëse nuk e kanë dhënë dakordësi të plotë për masën e financimeve mes privatitt dhe shtetit.
“Çështja që diskutohet është se sa kontribut do ketë nga buxheti i shtetit dhe sa fonde të pavarura. Këtu je i në diskutim dhe po marrim edhe mendimet e ndërkombëtarëve. Ne jemi të një parimi miks siç ka qenë deri tani, duke lënë edhe një tavan të pranueshëm”, deklaroi Gjiknuri.
Demokratët propozojnë kufizime të forta mbi donacionet që vijnë në drejtim të kandidatëve dhe forcave politike nga privatët. Sipas propozimit të tyre, nuk do të lejohen të dhurojnë para për kandidatët apo partitë politike, individë që kanë përfituar nga kontratat shtetërore 4 vitet e fundit me vlerë mbi 10 milionë lekë. E njëjta pengesë do të vlejë edhe për këdo që do të dhurojë para në zgjedhje. Këta individë do të përjashtohen nga marrja e fondeve publike me vlerë mbi 10 milionë lekë për 4 vite.
“Ata nuk mund të financojnë dhe gjithashtu kush financon subjektet politike, nuk mund të marrë për një periudhë të caktuar tendera nga shteti”, tha Bylykbashi.
Një tjetër koncept i ri i futur si risi në draftin e opozitës është “ Pavlefshmëri e mandatit” dhe përfundim i parakohshëm i mandatit nga KQZ-ja për të zgjedhurin ose subjektin zgjedhor, kur shkelja e dispozitave për financimin e partive politike përbën vepër penale.
Në 6 mars, aktorët politikë do të ulen sërish për të disktuar mbi propozimet e ndryshimit të sistemit zgjedhor, të kërkuar me insistim nga opozita parlamentare. Por a do të arrijnë palët të përmbyllin draftin në 15 mars, datën e përcaktuar prej tyre finalizimin e reformës.
Këtë të martë palët u njohën edhe me listat zgjedhore, një shqetësim të hershëm të demokratëve. Kur mijëra mjete identifikimi janë drejtë skadimit, demokratët kanë bindjen se shumë qytetarë nuk do të mund të votojnë dot për shkak të pamundësisë për të pasur mjetet e tyre të identifikimit. /abcnews.al
ger ta15:37 | 03/02/2020
Tryeza e Komisionit Qëndror të Zgjedhjeve nuk ka qenë kurrë më e qetë dhe pa debate se kjo e hënë kur në rendin e ditës kishte çështjen e shpërndarjes së fondeve vjetore.
5 anëtarëve në tryezën e Komisionit i mjaftuan vetëm 5 minuta mbledhje për të ngritur duart dhe për të shpërndarë 140 milionë lekë partive politike, përfshirë edhe 3 forca politike të opozitës të cilat janë jashtë parlamentit.
Sipas vendit të marrë në mbledhjen e të hënës, KQZ vendosi që të shpërbleje me 63.417.047 lekë, Partinë Socialiste të Shqipërisë, e cila fitoi e vetme zgjedhjet e vitit 2017, duke fituar 74 mandate parlamentare.
Nga buxheti i shtetit të ardhura do të përfitojë edhe Partia Demokratike, Lëvizja Socialiste për Integrim dhe Partia për Drejtësi Integrim dhe Unitet pavarësisht se liderët e tyre politikë dhe deputetët që dolën nga zgjedhjet e qershorit 2017 vendosën të braktisin Parlamentin.
Forcat kryesore në opozitë do të marrin në total një shumë prej 663 milionë lekë të vjetër, ku përkatësisht PD do të përfitojë rreth 390 milionë lekë , LSI rreth 200 milionë, ndërsa PDIU 74 milionë lekë.
Ndarja e fondeve sipas relacionit të KQZ është përpjestuar 70% sipas nurmit të deputeteve te fituar ne zgjedhjet e fundit parlamentare, 20% ne menyre te barabarte ndermjet partive politike qe kane perfituar mbi 10 mije vota ne zgjedhjet e fundit parlamentare dhe 10% sipas perqindjes se fituar ndermjet partive politike qe kane marre pjese ne zgjedhjet e fundit parlamentare dhe kane fituar 1 per qind te votave ne shkalle vendi. Pas tërmetit të 26 nëntorit, u reduktuan me me 500 milionë lekë.
/abcnews.al
ent ela16:22 | 05/11/2019
Grupi i ekspertëve të opozitës që po punojnë për hartimin e një drafti për reformën zgjedhore kërkojnë që shteti të financojë 100% partitë politike dhe fushatat e tyre zgjedhore. Për mbi dy orë përfaqësuesit e opozitës kanë diskutuar mbi mënyrën e financimit të partive, duke dhënë edhe alternativat e tyre mbi uljen e kostove të fushatave dhe shmangjen e financimeve të dyshimta.
Partia Demokratike dhe aleatët e saj do të kërkojnë financim nga buxheti i shtetit për partitë politike dhe fushatat zgjedhore. Grupi i ekspertëve të opozitës që po punojnë për reformën zgjedhore kanë diskutuar për mbi 2 orë në selinë blu mbi çështjen e financimit të partive politike dhe përdorimin e elektronikës në zgjedhje. Për kreun e grupit të punës që po merret me formulimin e vullnetit politik të opozitës, Oerd Bylykbashi fushatat zgjedhore nuk duhen trajtuar si gjë e shenjtë dhe financimet e dyshimta duhen dënuar.
Burime nga mbledhja me dyer të mbyllura nga grupi i punës që ka diskutuar mbi këto ndryshime sqarojnë për ABC Neës se qëllimi i propozimeve të PD në lidhje me financat është garantimi i financimit të ligjshëm, të mjaftueshëm dhe transparent.
Për këtë arsye opozita kërkon:
-Financim të partive politike dhe zgjedhjeve 100% nga buxheti i shtetit
-Kriminalizim i financimeve private
– Raportimin i shpenzimeve dhe burimeve të financimit edhe nga kandidatët veç forcave politike.
-Ndalim të financimit të partive apo kandidatëve nga subjekte që kanë përfituar nga fonde publike nëpërmjet tenderash dhe koncensionesh
-Kufizim drastik i numrit të aktiviteteve që transmetohen live që përfshin kosto për transmetim mediatik
-Forcimin e rregullave për ndalimin e plotë të çdo financimi të huaj për subjektet politike/ kandidatët/ fondacionet politike.
Kur vjen fjala për miratimin e draftit final të reformës zgjedhore, Bylykbashi i kujtoi maxhorancës se vulën nuk mund ta vendos një komision ilegjitim dhe komik si ai i reformës zgjedhore në Kuvend.
Për më shumë se 3 javë, PD dhe aleatët e saj në opozitë janë duke punuar në mënyrë paralele me Komisionin e Reformës Zgjedhore në Kuvend për hartimin e një drafti të tyre për ndryshimet në Kodin Zgjedhor. /abcnews.al
nev ila14:46 | 07/10/2019
Reagimet e para në Maqedoninë e veriut nga politikanë të partive shqiptare, për zgjedhjet në Kosovë, kanë qenë në formë urimi për mbarëvajtjen e zgjedhjeve në vend. Ata e cilësojnë fitoren e opozitës si një frymë të re shqiptare.
Krerët e partive politike shqiptare në Maqedoninë e Veriut kanë zgjedhur rrjetet sociale për të bërë komentet e para për rezultatet zgjedhjeve të djeshme në Kosovë. Lideri i BDI-së Ali Ahmeti në një postim në Facebook ka shkruar se Qytetarët e Republikës së Kosovës si dhe partitë e tyre politike demonstruan standarde evropiane në mbarëvajtjen e zgjedhjeve, si gjatë fushatës ashtu edhe në ditën e votimeve, por edhe në pranimin e vullnetit të sovranit.
“Mbrëmë fitoi Kosova, ndërsa në pritje të rezultateve përfundimtare, uroj të gjithë fituesit e besimit të qytetarëve” – shkruan Ali Ahmeti.
Kryetari i Aleancës për Shqiptarët Ziadin Sela gjithashtu ka uruar qytetarët e Kosovës për mënyrën demokratike të mbarëvajtjes së zgjedhjeve, por ka uruar edhe liderin e Vetëvendosjes Albin Kurtin për fiotoren në këto zgjedhje.
“Shqiptarët në Kosovë sot u përcaktuan për vlerën themelore të demokracisë, Ndryshimin. Urime Vetëvendosje, urime Albin.. Erdhi dita të mbash mbi supet e tua peshën e zhvillimit dhe progresit të Kosovës, të kthesh shpresën”, shkruan lideri i ASH-së në Facebook.
Edhe Kryetari i lëvizjes Besa Bilall Kasami ka përshëndetuar, sic thotë, vlerat evropiane në organizimin e zgjedhjeve. Por, mes tjerash Kasami paralajmëron një frymë të re ndër shqiptarët.
“Fitorja bindëse e forcave opozitare në Kosovë tregoi se po vjen një frymë e re ndër shqiptarët, e cila besoj të vazhdojë edhe me një fitore të tillë të opozitës shqiptare në Maqedoninë e Veriut në zgjedhjet e ardhshme!” , ka shkruar kreu i Besës Bilall Kasami në Facebook.
“Kjo mund të jetë fitore “e vogël” e VV-së, por është fitore “e madhe” e shqiptarëve të Kosovës” – ka qenë urimi i kreut të Alternativës Afrim Gashit, duke shfaqur shpresën për konstituimin sa më shpjet të institucioneve të reja në Kosovë.
“Zgjedhjet e mbrëmshme në Kosovë e patën edhe një porosi tjetër – po ndërrohen gjeneratat dhe po vjen një kohë e re me shpresë për të rinjtë dhe për vatrat tona. Fryma e këtij ndryshimi do të reflektohet edhe matanë kufijve” , ka shkruar kreu i Alternativës Afrim Gashi në Facebook./abcnews.al
nev ila23:39 | 04/10/2019
I ftuar në emisionin Provokacija me gazetarin Mustafa Nano ka qenë i ftuar koordinatori i Partisë Bindja Demokratike, Astrit Patozi.
Në bisedën e zhvilluar me gazetarin Mustafa Nano Patozi komentoi situatën politike në vend.
Sipas Patozit Shqipëria duhet të zgjidhë mënyrën si ndërtohen partitë politike në Shqipëri, si ndërtohen dhe si financohen ato, si bëhen zgjedhjet brenda një partie.
Nëse kjo nuk bëhet, sipas tij, nuk mund të pretendohet që të zhvillohen zgjedhje të lira e të ndershme.
“Shqipëria nëse nuk zgjidh problemin e partive, si zgjidhen ato, si ndërtohen, si funksionojnë si financohen dhe si bëhen zgjedhjet brenda një partive në sigurisht nuk mund të shkojmë te rezultati që të mund të kemi zgjedhje të lira e të ndershme. partitë tona arrogante nuk shlyejnë detyrimin më minimal që të raportojnë në gjykatë, sipas detyrimit ligjor që kanë, çdo ndryshim lidershipi apo statusor. Partitë politike janë institucione publike dhe e kanë detyrim ligjor të raportojnë dhe të tregojnë ndryshimet që bëjnë“, tha Patozi./abcnews.al
ent ela15:30 | 03/10/2019
Të dielën e 6 tetorit në Kosovë mbahen zgjedhjet e parakohshme. Ndërkohë partitë politike në vend kanë rritur ndjeshëm numrin e aktiviteteve duke shënuar dhe shkeljet e para të rregullave zgjedhore.
Ka mbetur edhe një ditë deri në përfundimin e fushatës zgjedhore. Me tu afruar data e zgjedhjeve janë shtuar aktivitetet zgjedhore të partive politike ndërsa gjuha e tyre është ashpërsuar.
As kjo fushatë nuk ka kaluar pa shelje të rregullave zgjedhore. Deri më tash PaneliZgjedhor për Ankesa dhe Prashtresa ka shqiptuar dënime për partitë politike që nuk kanë respektuar këto rregulla.
Shuma e përgjithshme e këtyre dënimeve është 150 mijë euro.
Deri më tani janë gjobitur kryesisht partitë e mëdha, siç janë PDK 59.200 euro, LDK me 32,700 euro, Koalicioni AAK –PSD 28.800.
Në këtë fushata janë paraqitur 104 ankesa.
Prej tyre deri më tash janë shqyrtuar 67, prej të cilave 20 janë cilësuar si të pa bazuara. 40 ankesa ende janë duke u shqyrtuar.
Ndërkohë Prokuroria Themelore në Prishtinë, ka nisur hetimet ndaj ish deputeti Ramiz Kelmendi pasi deklaratave të tij se ka kërkuar votat për një subject të caktuar politik nga të punësuarit në kompaninë e tij.
Sipas prokurorisë rasti është iniciuar rastin lidhur me veprën penale “Cenim i përcaktimit të lirë të votuesve”.
Ndërsa në Gjilan policia ka arrestuar dy persona pasi të njëjtin kërcënonin qytetarët serb duke ua kërkuar votën për listën serbe.
Zgjedhjet e parakohshme parlamentare në Kosovë do të mbahen këtë të dielë. /ABC News Albania 24/7
nev ila22:21 | 30/09/2019
Koalicioni qeverisës në Itali ka mbështetur idenë për reduktimin e moshës së votimit për të rinjtë. Pas protestave globale kundër ndryshimeve të klimës, ulja e moshës shihet si një mundësi për të dëgjuar kërkesat e 16-vjeçarëve.
Partitë e koalicionit qeverisës në Itali deklaruan të hënën se ishin në favor të reduktimit të moshës së votimit në 16 vjeç, një lëvizje e cila sipas analistëve vendas do të rrisë elektoratin me 1 milion persona.
Nëse bëhet, Italia do të jetë vendi i dytë në BE pas Austrisë që ul moshën minimale për të marrë pjesë në zgjedhjet kombëtare nën 18 vjeç.
Ish-kryeministri Enriko Leta nxiti debatin ditën e hënë kur bëri thirrje për uljen e moshës, pasi të rinjtë në mbarë botën mbushën rrugët e qyteteve për të kërkuar aksion politik ndaj ndryshimeve të klimës.
“Është një mënyrë për t’iu thënë këtyre të rinjve se i marrim seriozisht kërkesat e tyre”, deklaroi Leta, aktualisht akademik dhe anëtar i partisë bashkëqeverisëse Demokratike.
Aktualisht italianët duhet të mbushin 18 vjeç për të zgjedhur përfaqësuesit në dhomën e ulët të Parlamentit dhe të jenë 25 për të votuar në zgjedhjet për Senatin.
Thirrja e ish-kryeministrit u mbështet nga kreu i Partisë Demokratike, Nikola Xingareti dhe ai i Lëvizjes 5 Yjet, Luixhi Di Maio.
“Të rinjtë duhet të respektohen, dëgjohen dhe të jenë në qendër të politikës”, shkroi Di Maio në profilin e tij në Facebook.
Vende të ndryshme të BE-së, përfshirë Gjermaninë dhe Skocinë, u lejojnë 16-vjeçarëve të votojnë në zgjedhjet lokale, por Italia do të ishte shteti i parë i madh i Europës për të lejuar këtë grupmoshë në zgjedhjet parlamentare./ABC News Albania 24/7
ent ela23:10 | 29/08/2019
Ndonëse ishin zotuar që më parë të hartonin programin qeverisës, në zyrat politike të Romës kanë nisur bisedimet për emrat që do të drejtojnë dikasteret kryesore të qeverisë së re të formuar nga Lëvizja 5 Yjet dhe Partia Demokratike. Sipas raportimeve të mediave italiane, e gjithë vëmendja është kthyer tek Ministria e Ekonomisë dhe ajo e Punëve të Brendshme, për të cilat qarkullojnë më tepër emra teknicienësh sesa të klasës politike. Shumë do të varet edhe nga pretendimet e kryetarit të 5 Yjeve, Luixhi Di Maio, i cili nëse nuk do të jetë zevendeskryeministër ka gjasa të kërkojë drejtimin e një dikasteri kyç, si atë të Punëve të Brendshme, të Punëve të Jashtme, të Punës ose të Mbrojtjes. Ndërkohë, lideri i Ligës së Veriut, Mateo Salvini ka paralajmëruar mbajtjen e protestave kundër qeverisë së re, që shmangu mbajtjen e zgjedhjeve të parakohshme të kërkuara prej tij. Përmes një video-mesazhi të publikuar në Fejsbuk, Salvini ka thirrur një protestë më 19 tetor. /ABC News Albania 24/7
nev ila15:40 | 14/08/2019
Kur duhet rreth një javë nga seanca që do të shpërndajë parlamentin, partitë politike kosovare duken të prirura të shkojnë në zgjedhje të vetme. Megjithatë, në vartësi të zhvillimeve, ato nuk i përjashtojnë koalicionet zgjedhore.
Tashmë kur kanë mbetur edhe më pak se një javë për tu mbajtur seanca e thirrur për shpërndarjen e parlamentit kanë nisur edhe negociatat si dhe deklaratat e ndryshme për koalicione të mundshme parazgjedhore ndërmjet partive politike.
Partia Demokratike e Kosovës, sipas nënkryetarit të saj Envej Hoxhaj, programin e saj nuk do ta përziej me askënd. Ai thotë se është e pamundur të ketë koalicion parazgjedhor me patitë e mëdha.
“Ne do të shkojmë në zgjedhje të vetëm. Nuk e përjashtojmë mundësinë për koalicion me ndonjë parti të vogël, por jo me ato të mëdha parlamentare”, tha Enver Hoxhaj nënkryetar i PDK-së.
Deputeti nga radhët e LDK-së, Arben Gashi tha se do të ishte mirë që secila parti të garojë e vetme në zgjedhje që të shihet forca politike e secilit subject. Sipas tij, nëse partitë e tjera vendosin të shkojnë në garë me koalicione, atëherë kjo parti nuk përjashton mundësinë e një koalicioni me VV-në.
“Nëse do të kemi koalicione prej partive parlamentare, si AAK-ja, apo PDK-ja që vendosin të bëhen bashkë, normalisht ne kemi mendimin tonë strategjik dhe preferojmë koalicion opozitar”, tha Arben Gashi, LDK.
Derisa AAK-ja nuk ka vija të kuqe për askënd, por më e përafërt është me Nismën Social Demokrate dhe PSD-në.
“Do bashkëpunojmë me ata që janë për shtetin, që bëjnë 100 për qind shtet”, tha Ahmet Isufi, nënkryetar i AAK-së.
Shikuar nga praktika e zgjedhjeve të kaluara partitë e mëdha politike presin gjithmonë momentin e fundit për tu certifikuar në KQZ si koalicione parazgjedhore apo të garojnë të vetme./ABC News Albania 24/7
ad min17:45 | 08/08/2019
Partitë politike në Kosovë vazhdojnë të dorëzojnë firmat e deputetëve të tyre për shkrirjen e parlamentit, me qëllim mbajtjen e zgjedhjeve të parakohshme. Ndërkohë, Komisioni Qendror i Zgjedhjeve ka deklaruar se është gati në çdo moment për zhvillimin e procesit elektoral.
Partitë politike janë duke dorëzuar nënshkrimet për seancën e thirrur për shpërbërjen e parlamentit. Partia Socialdemokrate sot dorëzoi nënshkrimet e 12 deputetëve të saj për seancën e 22 Gushtit.
Shefi i Grupit Parlamentar të PSD-së, Dardan Sejdiu, deklaroi se zgjedhjet janë rruga përpara dhe në zgjedhje zgjidhja që duhet ofruar është programore. Ndërsa para dy ditësh edhe Lëvizja Vetëvendosje ka dorëzuar nënshkrimet e 19 deputetëve të saj.
Ndërsa Këshilli Drejtues i LDK-së ka diskutuar për përgatitjet për zgjedhje të jashtëzakonshme.
Derisa kryetarja e Komisionit Qendror të Zgjedhjeve ka thënë se janë të përgatitur dhe të gatshëm për zgjedhje të jashtëzakonshme kurdo që vendoset të mbahen ato.
Valdete Daka, kryetare e KQZ-së: “Ne jemi të gatshëm që kurdoqoftë ato të shpallen, t’i organizojmë”.
Në mbledhjen e sotme KQZ-ja ka marrë vendim në mbledhjen e radhës që të miratojë kërkesën e tri partive politike për regjistrim./ABC News Albania 24/7
ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.
NUIS/NIPT K01711004FKontaktTelefono
