opozite
eri Ida09:54 | 15/02/2020
Kryedemokrati Lulzim Basha ka kujtuar sot Kryengritjen antikomuniste të Kelmendit në 75-vjetorin e saj, ku thekson se ndokush mund të përkundë të njëjtat ëndrra për likuidimin e çfarëdolloj opozite por këto ëndrra mbeten iluzione.
Kryedemokrati përmes një postimi në rrjetin social Facebok, shkruan se misioni i shenjtë i mbrojtjes me çdo kusht dhe me çfarëdo çmimi i lirisë dhe dinjitetit, na bashkon sot nën hijen e rëndë të shkabës dykrenare dhe bijve të saj, martirë të lirisë kombëtare.
Lideri i opozitës ndër të tjera është shprehur se demokratët dhe të gjithë qytetarët e lirë dhe të ndershëm, do t’i kujtojmë përjetë me nderim Prek Calin dhe kelmendasit e tjerë patriotë, kalorës të lirisë e të atdheut, si mbrojtës të vlerave për të cilat qëndrojmë dhe që i kemi në themel të identitetit tonë
Postimi i plotë:
75 vjet më parë, malësorët e Kelmendit u ndeshën ballasi me forcat e diktaturës komuniste, të cilat kishin marrë urdhër të nënshtronin me vrasje dhe terror të gjitha zonat e Shqipërisë. Kryengritja e Kelmendit, nga të parat më të mëdha në të gjithë Europë e saporënë nën thundrën e komunizmit, jehoi mesazhin se shqiptarët nuk e pranonin diktaturën dhe nuk do ta pushonin luftën kundër saj.
Malësorët e Kelmendit udhëhiqeshin nga legjenda Prek Cali, emri i të cilit për gjysëm shekulli ishte sinonim në të gjitha trojet shqiptare me qëndresën kundër çdo pushtuesi që herë pas here kishte ardhur në Malësi me trupa ushtarake, por ishte larguar prej andej me turp.
Dhuna e ushtruar nga skuadronet e vdekjes së diktaturës ishte e pashoqe. Pasi kishin arrestuar qindra banorë në rrethinat e Shkodrës, klika që kishte marrë pushtetin në Tiranë kishte shpallur operacion spastrimi për të gjitha zonat e veriut, një aksion dhune thellësisht antikombëtar.
Kundër këtyre skuadroneve u ngritën malësorët me prijës Prek Calin. Kryengritja e Kelmendit u shtyp me terror stalinist. Nga popullsia civile u vranë 44 veta, ndërkohë që në gjyqin e marsit, regjimi mori vendimin e pushkatimit të prijësit 70 vjeçar Prek Cali, të bashkëmoshatarit të tij Ded Lulash Smaili, si dhe të 7 malësorëve të tjerë.
75 vjet më vonë, kjo faqe legjendare e rezistencës shqiptare kundër diktaturës, stigmatizohet nga historiografia fallsifikatore e regjimit, ngjarja fshihet nga librat e shkollës dhe dëshmitë e prijësit Prek Cali, me gjithë kullën e tij, rrafshohen, në një përpjekje të mjerë për të zhbërë atë që dot s’zhbëhet, kryengritjen e Kelmendit, që i jep dinjitet dhe lavdi të gjithë Shqipërisë.
Këto përpjekje janë tregues të panikut të pasardhësve të skuadroneve të vdekjes, që erdhën në Kelmend me misionin antikombëtar të spastrimit të territorit nga elementët opozitarë.
Edhe sot ndokush mund të përkundë të njëjtat ëndrra për likuidimin e çfarëdolloj opozite, në mënyrë që banda që ka zaptuar shtetin të mund të lavdërohet se mund të bëjë ç’të dojë në kurriz të vendit dhe shqiptarëve pasi s’i jep llogari askujt.
Por këto ëndrra mbeten iluzione, sa kohë kombi ka dhënë prova legjendare të dinjtetit dhe të dashurisë për lirinë, siç është Kryengritja e Kelmendit.
Ne demokratët dhe të gjithë qytetarët e lirë dhe të ndershëm, do t’i kujtojmë përjetë me nderim Prek Calin dhe kelmendasit e tjerë patriotë, kalorës të lirisë e të atdheut, si mbrojtës të vlerave për të cilat qëndrojmë dhe që i kemi në themel të identitetit tonë. Misioni i shenjtë i mbrojtjes me çdo kusht dhe me çfarëdo çmimi i lirisë dhe dinjitetit, na bashkon sot nën hijen e rëndë të shkabës dykrenare dhe bijve të saj, martirë të lirisë kombëtare./abcnews.al
So Nila14:02 | 03/02/2020
Kryetarja e grupit demokrat Rudina Hajdari në interpelancë me kreun e Grupit Parlamentar Tauland Balla këtë të hënë në seancën plenare ka akuzuar qeverinë dhe shumicën për paketën.
Hajdari ka theksuar se nëse vërtet maxhoranca kërkon të luftojë korrupsionin dhe krimin e organizuar le ta nisë nga deputetët në sallë, të cilët sipas saj nuk e justifikojnë pasurinë e tyre.
“Nuk e di kush u ka ndaluar për të luftuar krimin. Ai ligj është parë dhe riparë, pasi ishte anti-kushtetues, dhe ishte gati të luftonte cdokënd për të mbrojtur disa persona të caktuar. Ju e dini kush janë ata që nuk e justiifkojnë pasurinë, duke filluar nga deputeti, disa nga ata që janë në sallë apo qeveritarë, pasurinë e tyre? Pse nuk flisni nëse doni të luftoni krimin. Nëse vërtet doni të luftoni krimin , të çoni para Shqipërinë, të hapni negociatat, pse nuk filloni me këta njerëz që kanë vendosur pasuri të jashtëzakonshme. Ne kemi diferencë shumë të madhe me ju, s’kemi nevojë të na jepni ju mend,” tha Hajdari./abcnews.al
nev ila12:54 | 23/10/2019
Protestuan para bashkisë së Maliqit, dënohen nga gjykata tre protestues të opozitës.
Gjykata Shkallës së Parë në Korçë ka shpallur fajtorë, duke dënuar tre të rinj, që morën pjesë në njê prej protestave të opozitës, të mbajtur në muajin mars para Bashkisë së Maliqit.
Ernald Muçollari, Ledion Maksuti dhe Hyxhers Mete, janë dënuar me 90 mijë lek të reja gjobë, për prishje të rendit dhe qetësisë publike e kryer në bashkëpunim.
Ata kanë përfituar uljen e 1/3 së dënimit, pasi proçesi u zhvillua me gjykim të shkurtuar, çfarë uli masë e gjobës në 60 mijë lek të reja./abcnews.al
ent ela13:50 | 08/10/2019
Ramush Haradinaj, lideri i Aleancës për Ardhmërinë e Kosovës u shpreh se zgjedhjet e 6 tetorit në vend ishin demokratike dhe se tashmë partia e tij është në opozitë. Ai theksoi se subjekti i tij politik nuk do të kërkojë rinumërim votash.
Jemi pjesë e opozitës. Me këtë deklaratë lideri I Aleancës për Ardhmërinë e Kosovës Haradinaj, i vlerësoi si demokratike zgjedhjet e 6 tetorit në vend.
“U jemi falënderues dhe do t’i jemi besnik votuesve. AAK e ka marr rezultatin zgjedhor siç jemi njoftuar nga KQZ, nuk kërkojmë rinumërim nuk e kundërshtojmë rezultatin zgjedhor. Nëse ndonjë kandidat ka vërejte ka të drejtën të kërkojë rinumërim, por ne si parti nuk kërkojmë pasi mendojmë se është e padrejtë me dëmtu të dëmtohet një proces kaq i mirë dhe i madh i demokracisë tonë”.
Haradinaj tha se nuk do të hiqte dorë nga temat që kishte ndjekur qeveria e tij dhe uroi partitë fituese duke shtuar se populli mund të zhgënjehej nga qeveria e Albin Kurtit.
“Ne vazhdojmë t’i jemi besnik temave të listuara dhe nuk do të bëjmë kompromis me askënd, si opozitë do të kontribuojmë në secilën temë veç e veç. Ju e dini se nuk dua të prishi vendimin e sovranit, ne e respektojmë atë. Ndërsa e dini mendimin tim për liderin e Vetëvendosjes, për fat të keq mendoj se nuk është ajo që është premtu. Ekziston mundësia reale e zhgënjimit pikërisht nga votuesit, pra shpresoj që të jem gabim, por ne nuk kemi pozicion për individ, por kemi pozicion për temat. Nëse kushdo që i shkel këto tema do të na ketë aty si opozitë”.
Lideri i AAK-së tha se nuk beson se koalicioni me PSD-në e ka dëmtuar partinë e tij.
“Nuk besoj që PSD na ka dëmtu, edhe kur s’ka sukses zakonisht lypet fajtor. Ne duhet t’i artikulojmë më mirë temat, pikëpamjet. Mendoj se partneriteti me PSD-në ka qenë vlerë e shtuar”.
Në fund ai bëri një apel për qeverinë e re.
“Unë i lus me e lënë taksën dhe reciprocitetin deri në njohje. Le ta vendosin reciprocitetin pa e nguc taksën. Ne do të bashkëpunojmë edhe me pozitën dhe opozitën kur kanë qëndrim t drejtë n temë, e nuk e lidhin me emër të partisë apo me rol. Kushdo që punon në interes të temave nacionale do ta ketë përkrahjen tonë. Kushdo që nuk bashkëpunon mund të kemi dallime në tema, ia atribuoj këtë PDK-së, kërcënimin me e nda Kosovën dhe mendoj se pengesa kryesore kam qenë unë. Kemi pagu çmimin që kemi pagu, por nuk ua lejuam ta ndajnë Kosovën”. /ABC News Albania 24/7
ent ela13:00 | 10/04/2019
Prej dy muajsh opozita e bashkuar organizon protesta me qëllim largimin e kryeministrit Rama dhe asaj që quajnë parlament ilegjitim. Por pas 8 javësh që seancat plenare shoqërohen me protesta jashtë godinës parlamentare, të enjten e 11 Prillit, dy ditë përpara protestës kombëtare të 13 prillit, opozita ka rezervuar tjetër skenar.
Tetë javë pas nisjes së sezonit të protestave opozitare, pjesa dërrmuese e të cilave si vendndodhje kanë hyrjen e godinës parlamentare dhe target pikërisht seancën e parlamentit ilegjitim sipas opozitës së bashkuar, duket se e enjtja e 11 prillit do t’i lejojë deputetëve një hyrje-dalje të qetë nga parlamenti.
Në pritje të protestës kombëtare të thirrur nga opozita pasditen e së shtunës, duket se vendimi i kryesisë së Partisë Demokratike për organizim të protestave sa herë ka seancë parlamentare, do të përdorë një skenar më pak të shfrytëzuar gjatë këtij sezoni protestash: atë simbolike.
Një skenar i tillë është përdorur nga demokratët edhe njëherë më parë, në seancën plenare të 13 marsit ku revoltën dhe mesazhin e përçuan përmes disa pankartave, një prej të cilës e ngritën në ajër mbi godinën ku deputetët po zhvillonin punime në seancë.
E ndërsa deputetët e parlamentit, ata të mazhorancës por edhe të betuarit rishtazi apo tre të rradhës të cilët pritet të betohen të enjten, duke e çuar numrin e deputetëve në 102, duket se do të mund të shijojnë qetësi në ambientet e jashtme të godinës, brenda saj, rendi I ditës parashikon vetëm dy raporte për votim, atë mbi ecurinë e procesit të integrimit të Shqipërisë në BE, dhe atë të Komisionerit për Mbrojtjen nga Diskriminimi për vitin 2018. /abcnews.al
ad min17:17 | 28/03/2019
Jo vetëm shqetësimet dhe problemet, por edhe zgjidhjen dhe shpresën përfaqësojnë sipas Lulzim Bashës protestuesit që për të shtatën herë ju përgjigjën thirrjes së opozitës së bashkuar për protestë. Protestë, e cila zgjati mbi 3 orë dhe u zhvillua në dy pika, përpara parlamentit dhe përpara Ministrisë së Brendshme.
Ajo që i bashkon sipas opozitës, mungesa e legjitimitetit dhe lidhja me krimin, në kurriz të qytetarëve të ndershëm por edhe atyre që luftojnë për një Shqipëri më të mirë. Mesazhin që kjo valë protestash opozitare ka në thelb të saj, e artikuloi më herët vetë kryetari i demorkatëve Lulzim Basha.
“Nuk ka gardh, nuk ka tel me gjemba që e mban vrullin popullor për ndryshim. Ndryshimi ka nisur, ai nuk do të kthehet mbrapsht. Ne jemi këtu jo vetëm për të konfirmuar verdiktin e pakthyeshëm popullor të 16 Shkurtit e 16 Marsit, largimin pa kushte të kryehajdutit Edi Rama, por jemi për të nisur së bashku një rrugëtim, në fund të të cilit kurrë më nuk do të ketë rrethana që t’ju vjedhin votën, t’ju vjedhin parlamentin, t’ju vjedhin qeverinë e me qeverinë e vjedhur nga krimi dhe nga oligarkët dhe banditët, t’ju vjedhin bukën e fëmijëve tuaj, të ardhmen tuaj, dinjitetin tuaj. Kjo do të marrë fund njëherë e mirë. Ndaj së bashku me protestat që nuk do të ndalen deri në rrëzimin e qeverisë kusare të Edi Ramës dhe largimin e kryehajdutit”.
Kujdes i këshilloi kryeministrit Rama, ndaj qytetarëve që prej orës 9:30 minuta të mëngjesit zunë vend përpara godinës parlamentare.
“Edi Rama thirri mendjes se ti në atë karrige i ke orët e numëruara, por me këto kërcënime ta dish se populli do të të përgjigjet sy për sy e dhëmbë për dhëmbë”!
Bashkë me atë që quan arkitektin e paligjshmërisë shtetërore, kreun e qeverisë Rama, fundi sipas Lulzim Bashës po i vjen edhe kujtdo që është pasuruar në kurriz të një populli punëtor.
“Sikundër i paralajmëroj prerë dhe qartë të gjithë bashkëpunëtorët e këtij regjimi kriminal me kostum, me kollare, me atlete, me miliarda të vjedhura, me gojën e dhënë me qira se populli as nuk ju harron as nuk jua fal shërbimet ndaj klikës mafioze në pushtet”.
Pas shpalosjes së mesazheve politike dhe atyre simbolike nga stacioni i fundit i çdo proteste opozitare, selia blu, kryedemokrati Basha veç falenderimit ndaj protestuesve i tregoi atyre një rreze reflektimi…
“Për ata që u bënë milionerë në pushtetin tonë, mbi djersën, gjakun dhe sakrificën tuaj dhe shqiptarëve të ndershëm. Ora e drejtësisë po afron dhe në këtë orë ne e dimë se betejën që bashkë kemi nisur, bashkë do ta përfundojmë, por bregu i lirisë dhe i demokracisë, ku do të dalë kjo anije kombëtare e shpresës, nuk mund të pranojë më kurrë gabimet e së kaluarës. dua t’i kthej në mësim ato pësime. Për këtë zotohem përpara Zotit dhe përpara jush, misionarëve të lirisë dhe demokracisë”.
ent ela17:43 | 05/03/2019
Deputetja e PS-së Mirela Kumbaro për “Abc news” ka folur për betimin e 4 deputetëve të rinj në Kuvend, si dhe i ka bërë thirrje opozitës për dialog ose sipas saj lind mundësia për krijimin e opozitës së re.
E pyetur se si mund të dilet nga ky ngërç politik, ajo u shpreh se ndoshta është mundësia të krijohet një grup i ri politik, nga kandidatët që po shkojnë në KQZ për të pranuar mandatin e deputetit.
“Ndoshta një histori e re po lind dhe mund të themi se çdo grupim i ri politik ka të drejtë të jetë në Kuvend. Për të gjithë ka pasur një fillim dhe një seleksionim. Ne kemi detyrë se kur krijohen vakanca në Parlament, lista vijon me kandidatët e tjerë”.
Duke folur për betimin e 4 deputetëve të rinj nga radhët e LSI-së sot në Kuvend, Kumbaro tha:
“Të ndajmë një gjë se po thoni se opozita nuk ka pranuar mandate dhe ka refuzuar mandate. Mandati është individual dhe nuk ka mandat politik. Mandatin ta japin zgjedhësit e qarkut. Individët nuk e japin dhe marrin mandatin në emër të partisë. Kanë të drejtën se në moment që krijohet vakanca në Kuvend kanë të drejtë të marrin mandatin e radhës. Nuk është hera e parë që krijohen vakanca dhe vijnë kandidatë nga lista e partisë përkatëse. E kemi treguar në këto 6 vite se kjo forcë politike është në qeverisje dhe kemi bërë të gjitha hapat për të qenë në komunikim me opozitës. Ne të parët jemi të interesuar për të pasur një opozitë. Opozita është adrenalinë dhe është një goditje”.
Ndërsa duke komentuar kërkesën e opozitës për zgjedhje të parakohshme, Kumbaro tha se nuk u është kërkuar votëbesim nga Rama.
“Nuk kemi asnjë arsye aktualisht që të flasim për zgjedhje të parakohshme dhe nuk ka kërkuar një votëbesim Kryeministri. Nuk kemi krizë institucionale, kushtetuese por kemi vetëm krizë të provokuar nga opozita. Opozita duket si fëmijë që tund këmbët tek dera e dua dhe pik”.
E u pyet për ulejn në tavolinë të partive nga Presidenti Meta, Kombaro tha se:
“Unë nuk mund të flas nuk flas as në emër të Presidentit dhe as në emër të opozitës. Vlerësoj shumë pozitivisht sinjalet që jep Presidenti dhe ekspozetë të opozitës, për dialog dhe jo për pazar”.
Ndërsa akuzën e opozitës se mazhoranca është arrogante, e ka cilësuar si një problem emocional.
“Futemi në një diskutim etik-emotiv. Subjektivizmi është i gjerë sa oqean. Nëse është vetëm kjo problematikë do të thorë se nuk kemi asnjë problem institucional dhe asnjë problem kushtetues, por kemi vetëm një problem emocional”.
Si i përket faktorit ndërkombëtar, ajo tha se ai është kundër ‘kamikazit” që krijoi opozita.
“Unë mendoj se përgjegjësinë më të madhe në raport me ndërkombëtarët e ka forca politike që është në pushtet. Shumë qartazi janë shprehur SHBA dhe të gjitha kancelaritë evropiane, janë shprehur kundër këtij kamikazi që po krijon opozita. Nuk mund të ulemi dhe të bëjmë pazar në tryezë. Ne po themi dialog dhe jo pazar”./abcnews.al
ent ela21:27 | 04/03/2019
Debati sonte në emisionin “Byro Politike” duket se u zhvendos në dy kampe. Nga njëra anë ish-deputetët e opozitës, Ervin Salianji nga radhët e PD-së dhe Kejdi Mehmetaj nga radhët e LSI-së dhe nga ana tjetër Lefter Maliqin, kandidat i cili ka pranuar mandatin në qarkun e Beratit dhe analisti Julian Zyla.
Dy ish deputetët opozitarë janë shprehur se djegia me mandateve nga ana e opozitës është një akt krejt legjitim. Ndërsa për analistin ky akt mund të prodhojë çdo lloj veprimesh. Sakaq kandidati i cili ka pranuar mandatin e deputetit Lefter Maliq, tha se është me demokratët e ndershëm dhe kundër lidershipit të PD-së.
Gjithashtu Salianji dhe Mehmetaj ka komentuar edhe qëndrimet e ndërkombëtarëve, ku thanë se veprimi i opozitës nuk është shkaku por pasoja. Gjithashtu ish-deputeti i PD-së tha se marrja e mandatit nga ana e kandidatëve në lista po krijon mazhorancën plus dhe jo opozitën e re në Kuvend.
Lefter Maliqi: Morali është sa ligjor ashtu edhe njerëzor. Unë jam me demokratët e ndershëm dhe jam kundër lidershipit të PD. Të mos harrojmë një çadër që pranoi drejtimin e disa institucioneve… Kujtohen tani pas dy vitesh dhe dosja të tilla ka plot te PD, te LSI edhe tek të tjerat. Mandati im është moral sepse unë nuk jam i pacipë dhe servil. Është moral se ia kam dhënë PD në 2013. Janë vota me djersë. E dinë shumë mirë mbështetjen time morale. Kanë guxim që të përballen me vota të drejtpërdrejtë me mua. Më tregojnë moralin mua këta që e dini shumë mirë se çfarë mbështetjesh kam unë në elektoral.
Ervin Salianji: Jo vetëm që nuk legjitimohet për të ndenjur në studio dhe të njëjtin fat do ta ketë kudo për të ndenjur fshehur. Nuk ka përfaqësim dhe ka dalë qartazi duke përkuar vota për PS. Kjo është mazhorancë plus dhe është një mazhorancë që po krijohet që e di vetë Rama por kjo nuk është mazhoranca që përfaqëson opozitën. Mendoni sot ka njerëz që vendosen kundër vullnetit të qytetarëve. Por mendoi ju se njerëzit do të hynë do të përfaqësojnë realisht vullnetin e qytetarëve.
Julian Zyla: Me veprimin tuaj ju lejon çdo lloj sjellje qoftë edhe absurde në politikë. Nëse ne duam të zgjidhim problemin në këtë vend, në vende si Shqipëria duhet të forcohen institucionet. Këtu e kam për të gjitha për drejtësinë dhe problemet e njerëzve të fillojnë dhe të zgjidhen. Është opozita juaj që po krijon çdo lloj absurdi në politikë. Këto veprime legjitimojnë çdo lloj veprimesh të tjera.
Kejdi Mehmetaj: Po i shkoj përshtat një retorike që nuk ka lidhe me realitetin. Opozita i ka shfrytëzuar të gjithë makanizmat për t’i bërë institucionet të funksiononi. Nëse dikush që dikush mendon se është një luftë politike gabohet rëndë dhe kjo është veçse lufta e qytetarëve. Nuk ka faktor ndërkombëtar kundër opozitës sot ka personazhe që hynë e dalin nga Shqipëria për takime të caktuar për të bërë një qokë të radhës. Nuk kam asnjë kancelari të Evropës që Rama të ketë pas një takim me të muaj e fundit. Faktori ndërkombëtar nuk mund të mbështesë krimin, vjedhjen dhe korrupsion. Do vazhdojmë me protesta drejt një qeverise tranzitore. Tani nuk flasim më për Edi Ramë por po flasim pëë qytetarët. I patë me datë 16 dhe do ti shikoi edhe nesër.
Ervin Salianji: Nëse do ishte fjalë për pushtet ne do të kishim mbajtur pushte sepse pushtetin që kishim e lamë.
Julian Zyla: Ju doni të merrni qeverinë.
Ervin Salianji: Qeveria nëse i dy fije mend merret nga Kuvendi. Ne kemi dalë nga sistemi. Ne do vijmë në pushtet nëpërmjet zgjedhjeve. Së pari një institucion dhe kriza që kemi shkaktuar është ligjore. Nëse nuk ka 140 deputet nuk është funksional nuk është legjitim dhe bie.
Julian Zyla: Sipas Kushtetutës nga në mandat i cili hiqet dorë ekziston një proces për zëvendësimin e mandatit.
Ervin Salianji: Çështja është këtu dhe nuk ka ende një qëndrim nga kancelaritë ndërkombëtare dhe ne i dëgjojë dhe jemi duke i dëgjuar. Dhe hapi që kemi marrë nuk është një qëndrim i joni dhe nuk është shkaku por pasoj sepse institucionet janë delegjitimuarr nga Rama. Rama nuk ka arritur do të mbajë pozitën sepse nuk ka garantuar zgjedhje të lira. Por nëse do kishim ne frikë nga drejtësia ne do të mbanim mandatet./abcnews.al
ad min12:42 | 19/02/2019
Kreu i grupit parlamentar socialist Taulant Balla e komenton djegien e mandateve nga deputetët e opozitës si frikë nga ngritja e institucioneve të drejtësisë. Sipas Ballës, nëse braktis parlamentin, opozita do të humbë edhe elektoratin që e ka votuar.
Në sallë duke votuar do t’i presë mazhoranca protestuesit e opozitës. Arsyen e pjesëmarrjes në seancën e të enjtes e shpjegon nga Elbasani Taulant Balla.
“Bojkoti i radhës i PD-së dhe LSI-së i maskuar si djegie mandatesh është përpjekja e radhës për të bllokuar SPAK dhe BKH. Të enjten ne votojmë në seancë plenare strukturat e KLGJ-së dhe KLP-së. Ja pse PD dhe LSI po agravohen dhe po sulmojnë institucionet”, tha ai.
Kryetari i grupit parlamentar të Partisë Socialiste këshillon opozitën që të mos vazhdojnë të përmbuzin parlamentin pasi sipas tij do të humbasin elektoratin që e ka votuar.
“Mandatet e deputeteve përfaqësojnë vullnetin e popullit. Djegia e tyre do të thotë injorimi i këtij vullneti”, u shpreh Balla.
Jo vetëm kaq, por edhe injorim të qëndrimit të partnerëve tanë ndërkombëtarë, të cilët nuk mbështesin as metodat e dhunshme dhe as këtë lloj retorike paralajmëron kryetari i grupit parlamentar socialist Taulant Balla nga takimi me strukturat e partisë në Elbasan./abcnews.al
ad min12:28 | 08/10/2018
Pas këtyre deklaratave të kryeministrit, ka reaguar kryetari i Partisë Demokratike. Lulzim Basha i konsideron “marrëzi e gënjeshtra”, deklaratat e Ramës, se i ka kërkuar pushtetin në tavolinë. Sipas Bashës, opozita do vijë në pushtet me zgjedhje, ndërsa Rama po tenton të largojë vëmendjen nga lidhjet me krimin.
Pyetje: “Zoti Basha, Rama ka deklaruar se keni kërkuar pushtet në tavolinë, njëherë ju, njëherë ai. Çfarë ka të vërtetë në këtë deklaratë të tij”?
Lulzim Basha: “Marrëzi dhe gënjeshtra për të mbuluar panikun që e ka mbërthyer nga ajo që di çdo shqiptar që Edi Rama mbahet në pushtet vetëm përmes bashkëqeverisjes së tij me krimin, përmes presionit të qytetarëve dhe të opozitës dhe të faktorit ndërkombëtar. Themelet e kësaj bashkëqeverisje me krimin po tronditen. Kurrë nuk kam kërkuar dhe kurrë nuk do kërkoj pushtet në tavolinë, pushtet me dhunë. Partia Demokratike dhe koalicioni ynë do vijë në pushtet me votë të lirë, tha Basha.”/abcnews.al
ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.
NUIS/NIPT K01711004FKontaktTelefono
10:39 | 29/03/2020
10:19 | 29/03/2020
