nxenes

besa-shahini.jpg
eri Ida19:36 | 10/03/2020

Ministrja e Arsimit, Besa Shahini në kuadër të mbylljes së shkollave si një masë e shtuar për parandalimin e përhapjes së koronavirusit, këtë të martë ka prezantuar platformën mësimore online.

Shahini përmes një postimi në rrjetin social Facebook shkruan se 900 leksione në matematikë dhe shkenca, për klasat 6-12 gjenden në platformën mësimore Akademi.al.

Ndër të tjera ministrja ka theksuar se në ditët në vijim platforma d të pasurohet edhe me leksione nga lëndë t e tjera.

900 leksione në matematikë dhe shkenca, për klasat 6-12 i gjeni në platformën mësimore Akademi.al.Regjistrohuni sa më…

Gepostet von Besa Shahini am Dienstag, 10. März 2020

“Regjistrohuni sa më parë dhe aksesojini ata. Nëse keni pyetje, na shkruani këtu. Paralelisht, pyetjet më të shpeshta që nxënësit kanë për leksione të caktuara, do t’i adresojmë me video të reja nga mësuesit dhe do të publikohen këtu. Jam e lumtur të prezantoj Dean Çelaj, i cili e vuri platformën në dispozicion të të gjithë nxënësve pa pagesë. Tani, në bashkëpunim me MASR, Akademi.al do të pasurohet me video-leksione të tjera për lëndët dhe klasat që mungojnë”, shkruan Shahini./abcnews.al

banorettttt.jpg
eri Ida13:16 | 05/03/2020

Shoqërimi për në spital i një prej nxënëse të shkollës së mesme “Janaq Kilica” në Fier ka alarmuar sërish prindërit. Ata kanë shkuar me nxitim në shkollë dhe kanë hyrë në oborr për të mësuar për gjendjen shëndetësore të fëmijëve të tyre.

Madje një nënë thotë për abcnews.al se u njoftua nga vajza e saj që nuk është në gjendje të mirë shëndetësore.

“Vajza kishte marrje frymë, dhe ishte e trembur. Kishte dhe disa vajza të tjera dhe i kishin nxjerrë nga pas por nuk e di se sa është numri. Po i mbanin jashtë duke i qetsuar me psikologe. Nuk kemi siguri për fëmijët këto duhet ta kishin mbyllur shkollën dhe ato të qetsoheshin”, shprehet nja nga nënat e nxënëseve të helmuara.

Ndërkohë një tjetër prind përmes shprehet i zhgënjuer nga reagimi i drejtoreshës, i cili thekson faktin se ato dhe pas herës së parë nuk kanë kontaktuar me nxënësit dhe sot thotë se ska probleme.

“Kam vajzën ka ndejtur dy ditë atje me serum është një rast i përsëritur frika se mos bëhet si në mode pasi mund të vijojë dhe në shkolla të tjera. Sjellja e drejtoreshës la për të dëshiruar as nuk e ka marrë mundimin që të pyesë nxënësit. E vetmja gjë që ne po mendojmë për momentin të heqim fëmijët nga shkolla”, shprehet një ndër prindërit e nxënësve me probleme shëndetsore nga helmimi./abcnews.al

shkolaaaaaaaaaaaaaaaa.jpg
eri Ida10:20 | 05/03/2020

Një tjetër incident ka ndodhur këtë të enjte në gjimnazin “Janaq Kilica” në Fier, ku një gjimnaziste sërish ka shfaqur probleme shëndetsore.

Gazetarja Valbona Davidhi raporton për abcneës.al se bluzat e bardha kanë konfirmuar se gjendja e gjimnazistes, e cila ka shfaqur sërish shqetësime me shëndetin këtë mëngjes është e stabilizuar.

Mjekët ndër të tjera kanë theksuar se këto janë shenja të postraumës që kanë kaluar ditën e djeshme nxënësit e helmuar. Ndërkohë ato bëjnë thirrje të mos krijohet panik pasi tashmë gjendja është nën kontroll dhe se gjendja dhe simptomat e përsëritura do ë zgjasin disa ditë.

Gazetarja e ABC News nga Fieri bën me dije se mësimi në këtë shkollë është pezulluar për shkak të incidentit që ka ndodhur sërish këtë mëngjes.

Nga ana tjetër prindërit kërkojnë mbylljen e shkollës deri në sqarimin e plotë të kësaj ngjarje, në kuadër të sigurisë së fëmijëve të tyre. /abcnews.al

rea.jpg
nev ila13:50 | 28/02/2020

Një reaksion kimik në laboratorin e Shkollës së Mesme të Përgjithshme Janaq Kilica në Fier ka shkaktuar panik tek nxënësit dhe në gjithë shkollën.

Mësohet se nxënësit kanë qenë në orën e mësimit duke zhvilluar një eksperiment dhe më pas ka ndodhur edhe reaksioni duke çuar në një re tymi.

Gazetarja Valbona Davidhi tha për abcnews.al se nuk ka shenja të helmimit, ka qenë një situatë paniku, për shkak të një ekpserimenti në orën e kimisë. Nxënësit kanë pasur probleme në frymëmarrje dhe kollitje. Më tepër ka qënë një situatë paniku se sa një helmim.

U raportua se shkak mund të ishte bërë një kaldaje që ngroh shkollën, por më pas u mësua se nuk ndizej fare. Kemi të bëjmë me një asfiksim të lehtë të 6 nxënësve. Bluzat e bardha bëjnë më dije se nuk ka komplikacione serioze.

Mbetet për tu sqaruar nëse ka qenë apo jo një gabim në eksperiment.

Ndërkohë burime nga Policia bëjnë me dije se nxënësit janë dërguar menjëherë në spital dhe janë në gjendje të mirë shëndetësore. Në vendngjarje ndodhet grupi hetimor dhe po punon për sqarimin e rrethanave.

Informacioni i Policisë:

Sot rreth orës 13:10, në lagjen “Kastriot”, në një shkollë të mesme në Fier, në kabinetin e laboratorit, gjatë mësimit, 6 nxënës kanë pasur të kollitura dhe vështirësi në frymëmarrje.
Menjëherë nxënësit janë çuar për kontroll mjeksor në Spitalin Rajonal Fier dhe janë në gjendje të mirë shëndetësore.

Paraprakisht nuk dihet kush ka qënë shkaku i kësaj situate.

Në vendin e ngjarjes shkoi grupi hetimor dhe po punohet për sqarimin e rrathanave dhe gjetjen e shkakut të kësaj ngjarje.

/abcnews.al

shkolla-tirane.png
R D15:46 | 10/01/2020

Edhe pse jemi në vitin 2020 problematika me ngrohjen vijon të jetë ende prezente në disa prej shkollave të vendit. Abc News bëri një vëzhgim në disa prej shkollave 9-vjeçare të kryeqytetit dhe rezultoi se disa prej tyre kishin sistem ngrohje dhe disa të tjera jo, siç është shkolla “Bajram Curri”.

Ditët me temperatura të ulëta të janarit, krijojnë probleme edhe në mbarëvajtjen e procesit mësimor, sidomos në shkollat 9-vjeçare.

ABC News bëri vëzhgim në disa prej shkollave të kryeqytetit dhe në disa prej tyre rezultoi se sistemi ngrohës funksionon, siç shprehen vetë nxënësit e shkollës “Osman Myderizi”

Ne vëzhguam nga afër edhe shkollën “1 Maji” dhe “Mihal Grameno” e rezultoi se sistemi ngrohës i tyre ishte funksional gjatë gjithë procesit mësimor.

Ndryshe paraqitet situata në shkollën 9-vjeçare “Bajram Curri” po në kryeqytet, ku vetë nxënësit shprehen për mikrofonin tonë se nuk ka ngrohje në shkollë dhe detyrohen të vishen trashë për të përballuar të ftohtin. /abcnews.al

femijet.jpg
ger ta15:25 | 09/01/2020

Kjo palestër është kthyer në klasë po vetëm e tillë nuk duket. Fëmijët e parashkollorit dhe nxënësit e klasave të para pas vendimit për shembjen e shkollës së Borizanës janë zhvendosur në këtë palestër. Për shkak të moshës së mitur ata nuk janë transferuar si më të rriturit në shkollën e Thumanës po e këtu po përballen me kushte të këqija dhe me të ftohtin.

Mësuesja pohon se kanë një rezistencë por hapësira është shumë e madhe.

Kamera e ABC News nuk u lejua të qëndronte gjatë në këto ambiente. Edhe nxënësit e tjerë nga Borizana kanë problem pasi autobusat që i transportojnë në shkollën e Thumanës herë pas herë vonohen dhe janë të pakët në numër. Burime të ABC News tregojnë se në ditët në vijim kompania e transportit mund të pezullojë fare lëvizjen pasi nuk po paguhet siç ju ishte premtuar nga bashkia.

Ndaj nxënësit e rritur janë çoroditur dhe disave ju është thënë të kthehen në shtëpi se nuk do bëjnë mësim.

Shkolla në Borizanë kishte pak kohë që ishte rikonstruktua por më shumë të ngjarë prej punimeve të dobëta ajo u dëmtua nga tërmeti dhe u vendos të shembet totalisht./abcnews.al

ruci.jpg
in a18:46 | 18/12/2019

Në shkollën “Kongresi i Lushnjës”, që u dëmtua nga tërmeti i 26 nëntorit, nxënësit dhe prindërit e tyre ndjehen të pasigurt.

Ekspertët kanë përpiluar dy akt-konstatime paradoksale. I pari e nxori godinën të pabanueshme, ndërsa në akt konstatimin e dytë thuhet se shkolla nuk ka dëmtime në strukturë.

Pavarësisht se ky akt-konstatimi i datës 3 dhjetor i bërë nga grupet e inspektimit të Institutit të Ndërtimit e shpall objekt të pabanueshëm, mësimi tek “Kongresi i Lushnjes” nuk është pezulluar.

Nxënësit shprehen se ndihen të frikësuar të bëjnë mësim në këtë shkollë ndaj dhe kanë bojkotuar mësimin.

Edhe prindërit shprehen se prej disa ditësh nuk i kanë sjellë fëmijët në shkollë nga frika

Ndërkohë prindërit e nxënësve të shkollës “Kongresi i Lushnjës” zhvilluan takim me drejtoreshën duke i kërkuar asaj që të bëhet një ekspertizë e dytë e shkollës, në të kundërt fëmijët e tyre do vijojnë bojkotin e mësimit.

Pak orë pas shqetësimit të prindërve dhe pasqyrimit në kronikat televizive, ekspertët e Institutit të Ndërtimit bënë ekspertizën e rradhës dhe dolën në përfundimin se godina e shkollës nuk ka dëmtime në strukture dhe procesi mësimor mund të vijojë normalisht./abcnews.al

23.jpg
in a10:10 | 09/12/2019

Gati dy javë pas tërmetit te 26 nëntorit, sot iu rikthyen mësimit edhe nxënësit në Tiranë, Durrës, Vorë dhe Kurbin. Procesi mësimor në këto qytete nisi në të gjitha shkollat nëntë vjeçare dhe të mesme.

Sipas të dhënave nga Ministria e Arsimit, 30 shkolla në qarkun e Durrësit u dëmtuan nga tërmeti i 26 nëntorit.

Nxënësit e shkollave që pësuan dëmtime dhe që kanë dalë jashtë funksionit, vijojnë mësimin në shkolla të tjera pritëse, ku do të punohet me turne.

Ministria e Arsimit ka bërë të ditur se ka marrë masa që nxënësit e shkollave të dëmtuara apo të shembura nga tërmeti të zhvillojnë mësimin në shkollat më të afërta, ndërsa janë marrë masa edhe për transportin e tyre.

Plani mësimor i parealizuar gjatë këtyre ditëve të ndërprerjes së mësimit, sipas Ministrisë së Arsimit, do të zëvendësohet sipas një kalendari të përcaktuar nga zyrat vendore arsimore.

Ndërkohë në shkollën “Bajram Curri” në Durrës ka rinisur procesi mësimor pas një ndërprerje për shkak të tërmetit që goditi vendin. Shkolla “Bajram Curri” është një nga ndërtesat e vlerësuar si e padëmtuar nga tërmeti, raporton për abcnews.al gazetari Andi Qosja.

Në shkollën 9-vjeçare janë rreth 9 mijë nxënës të cilët nisin procesin mësimor.

Nxënësit tregojnë se ndjehen të gëzuar që janë rikthyer sërish në shkollë.

Ndërkohë përbri me shkollën është edhe gjimnazi i cili ka rifilluar procesin mësimor. Pas një ndalese gati 2 javore të procesit mësimor tashmë ka rifilluar dhe pritet që të merret vendimi nëse ditët e munguara do të zëvendësohen në vazhdim./abcnews.al

17d235d5-b76c-4693-bfdb-02a9f27ef9f2.jpg
R D19:57 | 06/12/2019

Drejtoresha e gjimnazit Sami Frashëri në Tiranë është shkarkuar sot nga puna. Lajmi konfirmohet nga burime të sigurta të Abc News.

Burime nga shkolla thanë se znj. Dobi, një ditë pas tërmetit të 26 nëntorit, lejoi nxënësit të hynin në shkollë për të zhvilluar një provim në lenden e gjermanishtesh.

Në kohën kur toka ende dridhej nga pasgoditjet e termetit 6.4 ballësh, drejtoresha mori guximin të çelë dyert e shkollës, duke rrezikuar jeten e nxënësve.

“Sami Frashëri” është një ndër shkollat që ka pësuar dëme të shumta dhe për pasojë është klasifikuar nga inxhinierët “jashtë funksionit”.

Lexo edhe:

U dëmtua nga termeti, vendoset shiriti i sigurisë në gjimnazin “Sami Frashëri”

aksident-sllovaki.jpg-1.jpg
ger ta21:57 | 13/11/2019

Të paktën 12 persona humbën jetën dhe 17 të tjerë u plagosën pasi një autobus u përplas me një kamion në Sllovaki ditën e sotme.

Sipas mediave vendase autobusi po transportonte nxënës të shkollave të mesme.

Ministri i Shëndetësisë Andrea Kalavska, i cili ishte në vendngjarje, tha se katër nga viktimat ishin fëmijë, por nuk i bëri me dije moshat e tyre.

Aksidenti ndodhi në Nitranske Hrnciarovce, rreth 100 kilometra në lindje të kryeqytetit Bratislavë.

“Në këtë moment, mendimet tona janë me prindërit që kanë humbur fëmijët e tyre,” tha Presidentja sllovake Zuzana Caputova. “Ne të gjithë shpresojmë që numri i viktimave të mos rritet.”

Kryeministri sllovak Peter Pellegrini e quajti ngjarjen një “tragjedi të tmerrshme”./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono