ministria e drejtesise

iu.gif
in a16:01 | 03/04/2020

Nga e enjtja ka filluar zbatimi i Aktit Normativ për lirimin me leje të posaçme të të dënuarve për shkak të epidemisë së COVID-19.

Të Premten nga burgu i Fushë-Krujës janë liruar 7 të dënuar që kanë përfituar nga leja e posaçme për tu vetizoluar në shtëpi.

Njëri prej tyre tregon për “ABC News” historinë e tij.

“Tani do të qëndrojmë tre muaj në shtëpi dhe do të kthehemi përsëri në 1 korrik. Jemi 6 veta në një dhomë dhe nuk respektohet dot distanca. Jemi të kënaqur deri diku sepse do të qëndrojmë me prindërit”, u shpreh ai.

Burime të “ABC News” bëjnë me dije se deri tani janë dorëzuar 494 kërkesa nga të dënuarit.

Kujtojmë se nga ky akt normativ përfitojne 570 të burgosur nga 19 burgje te vendit.

Ky Akti Normativ u jep mundësi lirimi të përkohshem personave që janë të dënuar me vendim të formes së prerë, që vuajnë nga sëmundje kronike e qe u kane mbetur edhe 3 vite për shlyerjen e dënimit.

Po ashtu përfitojnë edhe personat që janë mbi moshën 60 vjeç të cilëve  u ka mbetur pa kryer nga dënimi i dhënë deri në pesë vjet burgim.

Akti Normativ ka përjashtuar të dënuarit të cilët akuzohen për vepra të rënda kriminale. Të dënuarit që përfitojnë leje të posaçme do të karantinohen në shtëpitë e tyre për 3 muaj.

Institucionet përgjegjëse, Ministria e Drejtësisë dhe Drejtoria e Përgjithshme e Burgjeve nuk japin asnjë informacion zyrtar në lidhje me të dënuarit që kanë përfituar.

Gjithashtu këto institucione  i janë shmangur interesimit të mediave për kohën kur ka filluar lirimi i të dënuarve./abcnews

Ministria-e-Drejtesise.jpg
in a19:07 | 13/03/2020

Ministria e Drejtësisë ka sqaruar se nuk ka asnjë të burgosur të infektuar me koronavirus.

Me një deklaratë për mediat, ministria tha se lajmet e përcjella nga mediat socielae janë të rreme, duke siguruar se deri më tani nuk ka persona të prekur nga COVID-19.

“Kemi ndjekur me shqetësim të gjitha lajmet e përcjella nga disa media elektronike apo statuse dashakeqëse në rrjetet sociale, ku pasqyrohej në mënyrë të rremë për raste të burgosurish që mund të jenë prekur me virusin “COVID-19”, konkretisht në institucionin e ekzekutimit të vendimeve penale në Reç.

Këto lajme nuk kanë asnjë të vërtetë dhe janë shpifja e radhës, dhe për fat të keq jemi të detyruar që krahas vijimit të punës sonë intensive për të marrë të gjitha masat e duhura dhe për të garantuar shëndet të plotë të të gjithë të burgosurve, paraburgosurve dhe stafeve përkatëse që shërbejnë, të ndjekim dhe lajme të tilla që kanë si qëllim ngjalljen e panikut te publiku”, shkruhet në njoftim.

Njoftimi:

Kemi ndjekur me shqetësim të gjitha lajmet e përcjella nga disa media elektronike apo statuse dashakeqëse në rrjetet sociale, ku pasqyrohej në mënyrë të rremë për raste të burgosurish që mund të jenë prekur me virusin “COVID-19”, konkretisht në institucionin e ekzekutimit të vendimeve penale në Reç.Këto lajme nuk kanë asnjë të vërtetë dhe janë shpifja e radhës, dhe për fat të keq jemi të detyruar që krahas vijimit të punës sonë intensive për të marrë të gjitha masat e duhura dhe për të garantuar shëndet të plotë të të gjithë të burgosurve, paraburgosurve dhe stafeve përkatëse që shërbejnë, të ndjekim dhe lajme të tilla që kanë si qëllim ngjalljen e panikut te publiku.

Por për të qënë transparent me publikun, informojmë dhe sigurojmë, se deri më tani, në IEVP-në Reç, ashtu si dhe në të gjitha IEVP-të e tjera në të gjithë vendin, nuk ka asnjë person që të ketë shfaqur shenja të virusit “Covid-19”.

Dje në mbremje, në IEVP Reç, Shkodër, ka patur disa pretendime për kushte jo të mira në institucion nga disa persona të cilët nuk janë të dënuar me vendim gjykate, por persona që janë në sektorin e paraburgimit dhe që po hetohen për vepra penale të krimit të organizuar.

Pavarësisht kësaj, grupi i gatshëm i shëndetësisë në Drejtorinë e Përgjithshme të Burgjeve, si pjesë e Task forcës të ngritur tashmë me urdhër të Ministrit të Drejtësisë, ka reaguar menjëherë duke kryer kontrollin e nevojshëm shëndetësor të gjithë personave të paraburgosur në këtë sektor dhe në përfundim nuk ka rezultuar asnjë person me shënja të virusit “Covid-19”. Në respekt të transparencës me publikun sqarojmë se në vlerësim të situatës në të cilën ndodhemi, me Urdhër të Ministrit të Drejtësisë janë marrë një sërë masash të shtuara mjekësore dhe në aspekt të sigurisë për të parandaluar dhe frenuar virusin “Covid-19” në 24 institucionet.

Duke pasur primare sigurinë dhe mbrojtjen e shëndetit të të gjithë të dënuarve, të paraburgosurve si dhe personelit që punon në IEVP-të përkatëse, Drejtoria e Përgjithshme e Burgjeve ka zbatuar dhe është në ndjekje të vazhdueshme të të gjitha urdhërave dhe udhezimeve të Ministrit të Drejtësisë si dhe në zbatim të Protokollit shtesë të shëndetësisë të miratuar.

Të 24 institucionet penitenciare janë dezinfektuar dhe në të gjitha ambjentet e brendshme po ndiqet një protokoll i rreptë lidhur me higjenizimin dhe higjenën personale të të dënuarve dhe të paraburgosurve.

Të gjithë punonjësit e policisë së burgjeve kontrollohen nga ekipi shëndetësor përpara se të fillojnë detyrën si dhe pajisen me të gjitha mjetet e nevojshme mbrojtëse si maska, doreza, higjenizues, etj. Të gjitha institucionet janë furnizuar me pajisjet e duhura mbrojtëse dhe medikamentet kryesore në përputhje me protokollet shtesë dhe ka një ndjekje dhe kontroll rigoroz nga ekipi shëndetësor i Task forcës së MD.Gjithashtu në të gjithë sektorët e regjimit të brendshëm janë vendosur mjete higjenizuese dhe në asnjë prej institucioneve nuk ka mungesë të artikujve të nevojshëm.

Të gjithë të dënuarit ose të paraburgosurit që hyjnë për herë të parë në sistemin e burgjeve, në bazë të urdhërit të Ministrit të Drejtësisë, kontrollohen nga komisioni i pritjes i cili përveç rregullave të parashikuar në ligj, verifikon gjendjen shëndetësore të tyre, historikun e takimeve apo lëvizjeve të tyre. Për këtë kategori personash pas kontrollit dhe vlerësimit, do të bëhet vendosja tyre në ambjentet e observimit për 14 ditë (kohë e njëjtë me kohëzgjatjen e karantinimit të sugjeruar për “Covid -19).

Gjithashtu janë evidentuar të gjithë personat e moshuar dhe ata me sëmundje kronike dhe po ushtrohet një vëmendje të shtuar me masa shtesë shëndetësore, duke i monitoruar ata në mënyrë periodike gjatë ditës për cdo shqetësim të paraqitur.

Pranë të gjitha institucioneve, psikologët dhe punonjësit social, po vazhdojnë të kryejnë seanca informuese me të gjithë të dënuarit dhe të paraburgosurit, me qëllim për t’i informuar rreth virusit “Covid 19” dhe masat që duhen të zbatohen nga secili prej tyre. Gjithashtu, broshura informuese, janë afishuar në çdo sektor të regjimit të brendshëm dhe në ambjentet e banimit.

Ndërkohë, për një zbatim sa më të efektshëm të urdhërit të Ministrisë së Drejtësisë, Task Forca e Ministrisë së Drejtësisë së bashku me DPB ka ngritur grupe kontrolli të cilat po inspektojnë vazhdimisht të gjitha institucionet, me qëllim zbatimin me rigorozitet të të gjitha masave në mbrojtjen e shëndetit të personave.

Nga ana tjetër, me qëllim vijimin e komunikimit të të dënuarve me të afërmit e tyre, janë instaluar pajisjet e posaçme për të vijuar me një komunikim alternativ kontakti si: Shtimi i sasisë së minutave të komunikimit telefonik dhe tashmë me Urdhër të Ministrit të Drejtësisë ka përfunduar instalimi dhe lidhja e kompjuterave në 24 institucionet të cilët mundësojnë komunikimin përmes platformës “Skype”. (për herë të parë në Shqipëri).

Gjatë këtyre ditëve janë kryer komunikimet e para dhe falënderojmë të gjithë familjarët që na kanë mbështetur në këtë kufizim me të dashurit e tyre, me qëllim mbrojtjen e shëndetit të të burgosurve dhe të gjithë stafit të burgjeve.

Nisur nga situata e krijuar, apelojmë për me shumë përgjegjshmëri sa i përket përcjelljes së informacioneve mediatike, ku publikimi i lajmeve tendencioze, të rreme apo që deformojnë situatën, mund të rëndojë gjendjen emocionale të të burgosurve dhe të afërmve të tyre.

dritan-dajti-bllok-logo.jpeg
nev ila15:34 | 14/01/2020

Përpara 4 ditësh nën masa të rrepta sigurie Dritan Dajti u shoqërua jashtë qelisë së tij me shkakun se duhet të shkonte te dentisti në zonën e ish-Bllokut.

Zona e ish-Bllokut u ‘blindua’ e gjitha, nga efektivët e shumtë të policisë kjo u pa edhe nga disa pamje të publikuara gjatë shoqërimit të Dajtit.

Por ministrja e drejtësisë Etilda Gjonaj përmes një njoftimi për shtyp, ditën e sotme, njoftoi se pas marrjes njoftim nga mediat, se Dritan Dajti kishte lënë qelinë, për tu trajtuar në një nga klinikat e kryeqytetit, strukturat kishin filluar hetimin.

Hetimi kishte filluar për të parë nëse ishin respektuar të gjithë procedurat nga ana e autoriteteve përgjegjëse.

Pas hetimit nga ana e SHKB dhe strukturave të posaçme të Drejtorisë së Përgjithshme të Burgjeve, rezultoi se strukturat e përgjegjëse për këtë rast,  nuk kishin ndjekur procedurat ligjore.

Procedurat ligjore diktojnë se të dënuarit, mund të kryejnë vizitat e tyre mjekësore, në institucionet publike.

Ndërkohë strukturat përgjegjëse kanë dhënë aprovimin për kryerjen e vizitave mjekësore në një klinikë private pa vlerësuar faktin se Dajti mund të kryente vizitat e tij në institucionet publike të shëndetësisë.

Për këto shkelje procedurale ministrja Etilda Gjonaj ka vendosur shkarkimin e drejtuesve të burgut të Peqinit.

  1. Lirimin nga detyra të Drejtorit të IEVP-së Peqin, z. Emin Shpata për shkelje të rëndë.
  2. Lirimin nga detyra të Drejtorit të Policisë së Burgjeve, z. Bardhyl Kaçorri për shkelje të rëndë.
  3. Largim nga puna të mjekut të IEVP Peqin, z. Andi Andoni.
  4. Lirim nga detyra të shefit të Forcave Operacionale në Drejtorinë e Përgjithshme të Burgjeve, z. Ferit Mici.
  5. Vërejtje me paralajmërim për mjeken e DPB znj. Ermira Qirinxhi.
  6. Vërejtje me paralajmërim për inspektorin e IEVP Peqin, z. Mefat Shehu.

Njoftimi i Ministrisë së Drejtësisë:

Ministria e Drejtësisë, pasi është vënë në dijeni të ngjarjes së bërë mediatike, se më datë 10.01.2020, i dënuari D.Dajti. ishte shoqëruar nga efektivët e Policisë së Burgjeve për të kryer disa vizita mjekësore në poliklinikën e specialiteteve Nr.2 në Tiranë si dhe në një klinikë private në zonën e ish bllokut, ka ngritur dy grupe pune të pavarura për fillimin e hetimit për zbardhjen e ngjarjes.

Shërbimi i Kontrollit të Brendshëm në Burgje dhe Drejtoria e Përgjithshme e Burgjeve me strukturat e saj të posaçme, kanë hetuar dhe verifikuar të gjitha veprimet e kryera nga zinxhiri i të gjithë strukturave përgjegjëse.

Nga hetimi dhe analizat e pavarura të tërësisë së fakteve dhe provave të kryera nga grupet e hetimit, kanë arritur në të njëjtat rezultate duke konstatuar se strukturat drejtuese dhe të kujdesit shëndetësor në IEVP-në Peqin si dhe strukturat shëndetësore e policore në Drejtorinë e Përgjithshme të Burgjeve, të përfshira në trajtimin e rastit konkret, nuk kanë ndjekur procedurat ligjore dhe rregulloret e brendshme për vlerësimin e kërkesës së të dënuarit për kontrolle mjekësore jashtë institucionit të burgjeve.

Sipas të gjitha të dhënave, është konkluduar qartazi se në shkelje flagrante me ligjin, stafi mjekësor e drejtues në IEVP-në Peqin nuk kanë  kryer asnjë proces vlerësimi të kërkesës – në profilin mjekësor dhe operacional të riskut – dhe nuk ka marrë në konsideratë asnjë mundësi për kryerjen e vizitave mjekësore pranë strukturave shëndetësore publike të afërta me institucionin e vuajtjes së dënimit.

Nga hetimi është konkluduar se është shkelur neni 33 i ligjit “Për të drejtat dhe trajtimin e të dënuarve me burgim dhe të paraburgosurve”, dhe i nenit 106 të rregullores së përgjithshme të burgjeve parashikohet se të paraburgosurit dhe të dënuarit mund të kërkojnë që të vizitohen, me shpenzimet e tyre, nga një mjek i zgjedhur nga ata. Por kjo kërkesë vlerësohet nga strukturat  përkatëse duke vlerësuar mundësitë për marrjen e trajtimit të specializuar të të dënuarit nga spitali i burgjeve dhe organet shtetërore përkatëse të shëndetësisë.

Pavarësisht mundësisë së marrjes së këtij shërbimi në organet shtetërore përkatëse të shëndetësisë duke përfshirë spitalet publike, asnjë nga strukturat përgjegjëse nuk e ka vlerësuar dhe konsideruar kontrollin mjekësor në strukturat publike shëndetësore, por është dhënë aprovimi për kontrollin mjekësor në një klinikë private okulistike.

Drejtori i IEVP Peqin dhe strukturat shëndetësore të këtij burgu, si dhe strukturat shëndetësore në Drejtorinë e përgjithshme të burgjeve, në shkelje flagrante të dispozitave ligjore dhe të Urdhrit nr 7830 datë 31.7.2018 të Drejtorit të Përgjithshëm ‘Mbi Miratimin e Procedurës së sigurisë gjatë shoqërimit dhe transportit të të burgosurve’, nuk kanë kryer procesin e vlerësimit të riskut dhe mundësine e kryerjes së vizitave mjekësore pranë strukturave shëndetësore publike.

Nga strukturat e Policisë së Burgjeve të përfshira në këtë rast, rezulton se nuk është kryer një vlerësim i situatës dhe të riskut, në shkelje flagrante të neni 11 pika 4 të Ligjit për Policinë e Burgjeve, duke mos vlerësuar dhe ndërmarrë masa të përshtatshme (as në procedurë dhe as në përmbajtje) për shoqërimin e të dënuarit jashtë institucionit, e duke sjellë një rrezik potencial për rendin dhe sigurinë, siç parashikohet edhe në urdhrin për shoqërimin e të dënuarve dhe paraburgosurve jashtë institucionit.

Gjithashtu, konstatohet se nga ana policisë së burgjeve dhe drejtuesit e saj nuk është zbatuar Urdhri nr 8925 datë 28.9.2017 “Mbi zbatimin e procedurave gjatë shoqërimit të të dënuarve dhe të paraburgosurve”, në pikën 8 të të cilit përcaktohet se plani i masave për sigurinë gjatë shoqërimit të tyre hartohet nga shefi i sektorit të forcave operacionale në DPB dhe miratohet nga Drejtori i Policisë”.

Nga hetimi është konstatuar se strukturat e Policisë së Burgjeve dhe drejtuesit e saj nuk kanë marrë miratimin e drejtorit të përgjithshëm të Burgjeve duke shkelur rëndë parashikimet e urdhrit Nr. 7830 datë 31.07.2018 “Përgatitja dhe planifikimi i udhëtimit” si dhe “Rregullat dhe masat e sigurisë gjatë shoqërimit në gjykatë dhe qendra spitalore”, në të cilët parashikohet se përveç rasteve të urgjencës, të burgosurit që kanë nevojë për masa të larta sigurie nuk duhet të nxirren jashtë, pa autorizim paraprak të Drejtorit të Përgjithshëm.

Nga strukturat përkatëse të Policisë së Burgjeve dhe drejtuesit e saj, nuk janë zbatuar parashikimet urdhëruese të po këtij urdhri ku parashikohet se “në rastet e shoqërimit të disa të burgosurve të cilët mund të kenë profil të lartë mediatik apo për grupet e presionit, duhet marrë masa të veçanta. Në raste të tilla mund të jetë e nevojshme të reduktohet ekspozimi i tyre në publik dhe mohimi i aksesit të personelit të paautorizuar”.

Në rastin e planifikimit për vizitë të të dënuarit D.Dajti, nga hetimi rezultoi gjithashtu se në planin e masave nuk janë parashikuar masa lidhur me sigurinë e klinikës private dhe nuk është bërë një vlerësim paraprak i lëvizjeve të trupave shoqëruese.

Lëvizja e të dënuarit të sigurisë së lartë nga burgu i Peqinit në qendër të Tiranës (zonën e ish-bllokut), në shkelje të parashikimeve ligjore dhe të gjitha rregullave të mësipërme, përbën cenim të rendit dhe sigurisë publike.

Pas kryerjes së hetimit dhe analizave të kryera nga grupet e hetimit, evidentimit të përgjegjësive të të gjithë strukturave dhe punonjësve të përfshirë, janë marrë këto masa:

  1. Lirimin nga detyra të Drejtorit të IEVP-së Peqin, z. Emin Shpata për shkelje të rëndë.
  2. Lirimin nga detyra të Drejtorit të Policisë së Burgjeve, z. Bardhyl Kaçorri për shkelje të rëndë.
  3. Largim nga puna të mjekut të IEVP Peqin, z. Andi Andoni.
  4. Lirim nga detyra të shefit të Forcave Operacionale në Drejtorinë e Përgjithshme të Burgjeve, z. Ferit Mici.
  5. Vërejtje me paralajmërim për mjeken e DPB znj. Ermira Qirinxhi.
  6. Vërejtje me paralajmërim për inspektorin e IEVP Peqin, z. Mefat Shehu.

Gjithashtu, Ministria e Drejtësisë bën me dije se nga vlerësimi i kryer edhe i kuadrit ligjor dhe protokollove të zbatimit për rregullimin e të drejtave të personave për shërbim shëndetësor privat dhe në krahasim me aktet ndërkombëtare dhe të drejtat e personave të dënuar, janë konstatuar disa mangësi në normimin e proceseve të tilla.

Për këtë arsye, në përputhje dhe me të drejtat e personave të paraburgosur dhe të dënuar dhe rregullat evropiane për të dënuarit, me qëllim përshtatjen me masat që janë ndërmarrë për forcimin e sigurisë, Ministria e Drejtësisë shpreh vullnetin institucional dhe po ndërmerr të gjitha masat ligjore për rishikimin e procedurave ligjore dhe administrative për forcimin e protokollove të zbatimit dhe vlerësimit të kërkesave që cenojnë sigurinë publike./abcnews.al

50.jpg
in a21:24 | 05/11/2019

Autoritetet e Kosovës kanë ekstraduar në Mal të Zi, Mario Millosheviç, njoftimi është bërë nga Ministria e Drejtësisë së Kosovës. Millosheviç ishte prej kohësh i kërkuar nga autoritetet malazeze, si i dyshuar për vrasje të rënda.

Ministri në largim i Drejtësisë, Abelard Tahiri, tha se ekstradimi i “një prej personave më të kërkuar në Mal të Zi” është kryer me sukses të martën, më 5 nëntor.

Shërbimi i Ballkanit i Radios Evropa e Lirë, raporton se emri i Millosheviçit lidhet me një nga grupet e organizuara kriminale në Mal të Zi, përgjegjës për likuidime të shumta. Millosheviç thuhet se ka qenë edhe anëtar i grupit kriminal që ka kryer sulm të armatosur kundër gazetares së të përditshmes “Vijesti”, Olivera Llakiç./abcnews.al

etilda-gjonaj-1280x960.jpeg
nev ila17:15 | 11/07/2019

Plan strategjik për sistemin gjyqësor, Gjonaj: S’ka asnjë forcë për t’i penguar institucionet e reja, debatet politike një ditë do harrohen kurse reforma në drejtësi i shërben brezave.

Ministria e Drejtësisë dhe Këshilli i Lartë Gjyqësor kanë zhvilluar një takim konstruktiv ku është prezantuar projekt-plani strategjik 2019-2020 për sistemin gjyqësor i cili vjen si derivat dhe kërkesë në zbatim nga Strategjia ndërsektoriale e drejtësisë e miratuar me vendim të Këshillit të Ministrave.

Pasi është njohur nga kryetarja dhe anëtarët e grupit të punës lidhur me planin e veprimit, ministrja Etilda Gjonaj ka vënë theksin te rëndësia që ka kjo iniciativë në kuadër të ngritjes së institucioneve të reja të drejtësisë.

Teksa ka falënderuar hartuesit e planit strategjik, Gjonaj ka bërë edhe një rezyme të zbatimit të reformës në drejtësi, ku nënvizoi se “procesi i ngritjes së organeve të reja tashmë janë në fazën ku s’ka më asnjë forcë për t’i penguar në ushtrimin e përgjegjësisë së tyre kushtetuese dhe ligjore”.

Gjithashtu ajo komentoi telegrafikisht edhe sulmet politike ku tha se:

Ata që mundën veç ta vonojnë, por kurrsesi ta ndalojë, uroj ta kenë kuptuar se dëshira dhe nevoja e një populli të tërë për drejtësi është aq e madhe sa s’mund të asgjësohet nga retorika politike të cilat në fund të ditës do të harrohen, ndërsa të nesërmes do t’i ngelen veç institucionet e shëndetshme të një shteti që po vrapon drejt familjes evropiane.”

Ndër të tjera Gjonaj shprehet:

“Me ftesë nga Këshilli i Lartë Gjyqësor, ndoqa me interes prezantimin e projekt-planit strategjik 2019-2020, për plotësimin dhe forcimin e sistemit gjyqësor në përputhje me Strategjinë Ndërsektoriale të Drejtësisë. Jam besimplotë se procesi i reformimit do ta kalojë periudhën transitore për të vijuar me funksionimin efektiv të sistemit të drejtësisë. Plotësimi i vendeve vakante dhe funksionimi i Gjykatës së lartë si pjesë edhe e planit strategjik të KLGJ-së do të jetë një ndër prioritetet Këshillit të Lartë Gjyqësor. Shqiptarët tashmë janë dëshmitarë të historisë, se si mundëm të hedhim themelet dhe nisëm të rindërtojmë këtë pallat drejtësi që po ngjall shpresën për të ndryshuar, ashtu siç na ka shtuar forcën për të punuar. Ata që mundën veç ta vonojnë, por kurrsesi ta ndalojë, uroj ta kenë kuptuar se dëshira dhe nevoja e një populli të tërë për drejtësi është aq e madhe sa s’mund të asgjësohet nga retorika politike të cilat në fund të ditës do të harrohen, ndërsa të nesërmes do t’i ngelen veç institucionet e shëndetshme të një shteti që po vrapon drejt familjes evropiane”, shprehet Gjonaj.

Strategjia Ndërsektoriale e Drejtësisë dhe Plani Strategjik i KLGJ-së, janë të ndërlidhura me përparësitë e politikave kombëtare, ku ndër të tjera synohet:

  • Përshpejtimi i Reformës së Pushtetit Gjyqësor dhe Akordimit të Burimeve. (Bërja funksionale e Gjykatës së Lartë si prioritet emergjent, duke marrë masat e nevojshme për plotësimin e vendeve vakante në një kohe sa më të shpejtë)
  • Përcaktimi dhe Zbatimi i Standardeve për Ekselencë gjyqësore. ( Rritja e transparencës në emërimet dhe promovimet e gjyqtarëve dhe administratës gjyqësore, përmes sigurimit të standardeve të meritokracisë)
  • Ofrimi Efikas i Shërbimeve dhe funksionimi më i mirë i gjykatave. (Rritja e efikasitetit, saktësisë se te dhënave dhe efektivitetit ne menaxhimin e ceshtjeve gjyqesore nepermjet zhvillimit te nje sistemi elektronik te unifikuar per menaxhimin e ceshtjeve sipas standardeve ndërkombetare.)
  • Zhvillimi i Kapaciteteve të Brendshme të KLGJ-së.( Hartimi i akteve nënligjore për zbatimin e reformës gjyqësore, ushtrimin e përgjegjësive nga ana e KLGJ-së me qellim sigurimin e pavarësisë gjyqësore)
  • Hartimi i Strategjive të Efektshme për Komunikimin e Jashtëm. ( Ofrimi dhe zbatimi i mënyrave novatore dhe të përshtatshme për palët e interesit, në veçanti përmes sistemeve online, për rritjen e bashkëpunimit të publikut me KLGJ-në, personelin administrativ dhe gjykatat).

Në vitin  2016, Shqipëria miratoi reforma kushtetuese dhe legjislative gjithëpërfshirëse, me qëllim forcimin e integritetit dhe qeverisjes së gjyqësorit në vend. Këto reforma përcaktonin edhe ngritjen e institucioneve të reja, përfshirë Këshillin e Lartë Gjyqësor (KLGJ), Këshillin e Lartë të Prokurorisë, Këshillin e Emërimeve në Drejtësi dhe Inspektoratin e Lartë të Drejtësisë./abcnews.al

ministria-e-drejtesise.jpg
ent ela21:15 | 19/06/2019

Pas kërkesës së Presidentit Ilir Meta për sigurinë në burgje, ka ardhur edhe reagimi i Ministrisë së Drejtësisë. Në një deklaratë të shpërndarë për mediat ky institucion njofton se situata është në normalitet të plotë dhe se janë marrë të gjitha masat e nevojshme.

Njoftim i Drejtorisë së Përgjithshëm të Burgjeve

 Duke marrë shkas nga kërkesa për informacion që Presidenti i Republikës i ka dërguar Drejtorisë së Përgjithshme të Burgjeve, disa portale kanë spekuluar duke publikuar lajme të rreme të natyrës destabilizuese.

 Në këto kushte e çmojmë të nevojshme të përgënjeshtrojmë këto lajme dhe të informojmë publikun se asgjë nga sa është publikuar në këto portale në lidhje me situatën në burgje nuk është e vërtetë.

Drejtoria e Përgjithshme e Burgjeve deklaron se situata është në normalitet të plotë dhe se janë marrë të gjitha masat e nevojshme sipas protokolleve të sigurisë të sistemit penitenciar, kjo edhe në përputhje me zbatimin e procedurave për 41 bis.

Garantojmë për normalitet të plotë në sistemin penitenciar dhe për shërbimin ndaj personave të paraburgosur dhe të dënuar, në përputhje me legjislacionin për të drejtat dhe trajtimin e tyre.

 Ftojme mediat në informacionet që bëjnë publike, ti referohen komunikimit me institucionet përgjegjëse. /abcnews.al

 

ministria-e-drejtesise.jpg
ad min21:23 | 09/02/2019

ABC News ka siguruar një kopje të dosjes së prokurorisë ndaj 12 zyrtarëve të Ministrisë të Drejtësisë, të akuzuar për abuzime me 5 procedura tenderuese.  

Dosja penale ndaj 12 zyrtarëve e ish-zyrtarëve të Ministrisë së Drejtësisë, të akuzuar për abuzime me pesë tendera në periudhën 2016-2017 nxjerr në dritë shkeljet flagrante të kryera në një nga institucionet më të rëndësishme të vendit. ABC News zbardh shkeljet e konstatuara në një prej këtyre praktikave, tenderin për “Sistemin e monitorimit me kamera të burgut të Lezhës dhe Fushë-Krujës”.

Kontrata e këtij prokurimi është nënshkruar në Maj 2017 me një vlerë prej gati prej gati 100 milionë lekë. Sipas dokumentacionit të administruara, prokuroria pretendon se operatori ekonomik fitues i tij, i përbërë nga një bashkim  operatorësh nuk i plotëson kriteret e përgjithshme dhe të veçanta të kualifikimit.

Një nga operatorët që ka marrë përsipër 27.5 për qind të shërbimeve, nuk plotëson kriterin për kapacitetin e gjendjes financiare sepse nuk ka paraqitur asnjë document për të vërtetuar këtë kriter.

Ndërkohë, operatori tjetër nuk ka paraqitur deklaratën e origjinës së mallit. Për të njëjtën kontratë ka rezultuar se procedura zyrtare e prokurimit ka nisur pa marrë më parë një miratim nga Dega e Thesarit në Ministrinë e Drejtësisë në lidhje me fondin buxhetor në dispozicion, duke bërë që shuma e hartuara në urdhrin e prokurimit të jetë më e madhe se buxheti.

Prokuroria ka administruar edhe një shkresë të kreut të Burgjeve të Gushtit 2018, ku informon se sistemi i monitorimit me kamera nuk mund të merret në dorëzim, pasi nuk ka mbaruar instalimi i tyre dhe konfigurimi dhe se monitorimi vijohet me sistemet e vjetra.

Pas gjetjes së shkeljeve në 5 procedura tenderimi, prokuroria ngriti dyshime për akuzën e “shpërdorimit të detyrës” dhe “shkeljes së barazisë në tendera” për 12 zyrtarë e ish-zyrtarë të Ministrisë së Drejtësisë, mes të cilëve edhe ish-Sekretarja e Përgjithshme, Juliana Hoxha./abcnews.al

ministria-e-drejtesise-1280x653.jpg
ad min13:03 | 08/02/2019

Gjykata e Tiranës liroi nga burgu dy nga zyrtarët e Ministrisë së Drejtësisë, të arrestuar të hënën për abuzim me pesë procedura tenderuese. Masa e sigurisë “arrest në burg” caktuar në mungesë për ta u zbut në “arrest shtëpie”.

Gjykata e Tiranës liroi nga qelitë e paraburgimit dy prej zyrtarëve të Ministrisë të Drejtësisë të akuzuar për abuzime në pesë procedura tenderimi në vitet 2016-2017 në vlerën e gati 445 milionë lekëve. Masa e sigurisë “arrest në burg” e dhënë në mungesë për drejtorin ekonomik, Aurel Lamçe dhe specialisti i IT, Arlind Alikaj u ndryshua në masën “arrest shtëpie”.

Në seancën e zhvilluar me dyer të mbyllura, të dyshuarit dyshuarit nuk kanë shfaqur pretendime në lidhje me akuzën. Përmes avokatit, ata kanë kërkuar zbutje të masës, duke iu referuar statusit të tyre social, faktit se kanë fëmijë të mitur, mungesën e rrezikshmërisë shoqërore apo të rrezikut të ikjes, si edhe pamundësi për të dëmtuar provat. Lamçe dhe Alikaj akuzohen për “shpërdorim detyre” dhe “shkelje të barazisë në tendera”.

Ata po hetohen bashkë me 10 persona të tjerë për abuzime në procedurat tenderuese mirëmbajtjen e sistemit të përmbarimit, sistemin e monitorimit me kamera të burgut Lezhës dhe Fushë-Krujës, mirëmbajtjen e sistemit elektronik të gjykatave administrative, përmirësimi i regjistrit noterial dhe sistemit të mbikëqyrjes elektronike.

Hetimi ndaj tyre nisi pas një kallëzimi të Ministrisë së Financave pas gjetjeve të një raport inspektimi financiar tek Drejtësia. Të shtunën gjykata pritet të verifikojë masën “arrest shtëpie” dhënë në mungesë për ish-Sekretaren e Përgjithshme të Ministrisë së Drejtësisë, Juliana Hoxha, si edhe për tetë persona të tjerë për të cilët është caktuar masa detyrim për paraqitje. Për llogari të të njëjtit hetim, prokuroria po verifikon edhe veprimet, si edhe pritet të marrë në pyetje tre ish-ministrat e Drejtësisë, Ylli Manjani, Petrit Vasili e Gazment Bardhi. /abcnews.al

ministria.png
ad min08:13 | 06/02/2019

Katër zyrtarë të Ministrisë së Drejtësisë janë vënë në pranga, të dyshuar për abuzimet me disa tendera në vitet 2016-2017. Shkeljet e kryera, sipas prokurorisë kanë pasur edhe një dëm të madh financiar në buxhetin e shtetit.

Pas një hetimi më shumë se 6-mujor, Prokuroria e Tiranës ka kërkuar ndalimin  e katër zyrtarëve të Ministrisë së Drejtësisë, të cilët dyshohen se kanë abuzuar me tenderat. Në pranga përfundoi ish-Sekretarja e Përgjithshme e Ministrisë së Drejtësisë, Juliana Hoxha; drejtori i Shërbimeve Mbështetëse, Aurel Lamçe dhe dy specialistët e IT-së, Lysien Ali dhe Arlind Alikaj.

Prokuroria e Tiranës bëri të ditur se shkeljet janë evidentuar fillimisht nga grupi i inspektimit të Ministrisë së Drejtësisë, e më pas dhe nga grupi i inspektimit të Ministrisë së Financave, lidhur me procedurat e disa tenderave në atë institucion gjatë periudhës 2016-2017.

Disa nga sistemet, si kamera sigurie, për burgun e Lezhës dhe Fushë-Krujës si edhe mirëmbajtja e rrjetit elektronik të çështjeve të përmbarimit nuk janë funksionale, thotë prokuroria e Tiranës.

Gjithashtu, ajo që u konsiderua edhe si një skandal në vitin 2017 në Ministrinë e Drejtësisë ka qenë edhe tenderi i  mbikqyrjes elektronike në fushën penale. Organi i akuzës pohon se në hetim janë 12 persona, të cilët dyshohen për veprat penale të “Shpërdorimit të detyrës” dhe “Shkelje e barazisë së pjesmarrësve në tendera”.

Hetimet kanë pasur në fokus funksionarët publik që kanë qenë pjesë e njësive të prokurimit, komisioneve të verifikimit të ofertave dhe komisioneve për mbikqyrjen e zbatimit të kontratave.

Do të jetë Gjykata e Tiranës, e cila do të vendosë nëse ish- funksionarët e ndaluar të qëndrojnë në burg apo në ndonjë masë sigurie më të lehtë deri në përfundim të hetimeve. Ndërkohë shkeljet e evidentuara nga prokuroria kanë shkaktuar pasoja të mëdha për buxhetin e shtetit./abcnews.al

SINKRON-ETILDA-GJONAJ.mpg_snapshot_00.04-1280x720.jpg
ad min14:40 | 19/12/2018

Ministrja e Drejtësisë, Etilda Gjonaj gjatë një deklarate për mediat nënvizoi se lufta ndaj korrupsionit vazhdon të jetë në fokusin e qeverisë, ku vetëm gjatë dy javëve të fundit janë evidentuar 55 vepra penale në fushën e korrupsionit dhe shpërdorimit të detyrës nga funksionarët publikë, si dhe janë proceduar penalisht 80 persona, nga të cilët 11 janë arrestuar./abcnews.al

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono