ligje
nev ila22:53 | 05/03/2020
Propagandë me ligje:
Sot Kuvendi i Shqipërisë votoi aktin normativ nr.1, datë 31.1.2020 “Për masat parandaluese në kuadër të forcimit të luftës kundër terrorizmit, krimit të organizuar, krimeve të rënda dhe konsolidimit të rendit e sigurisë publike”, shkruan gazetari, historiani Kastriot Dervishi.
Më tej Dervishi thekson se miratimi i këtyre ligjeve është “Një tregues i rëndësishëm i një shteti të kalbuar, jofunksional dhe ligjet bëhen për efekte propagandistike”.
Dervishi shkruan se Shqipëria ka pasur dhe ka ligje të qarta, të cilat e bëjnë krejt të panevojshëm ligjin propagandistik që u kalua me akt normativ sikur të ishte ndonjë hata e madhe.
Por le të kujtojmë ligjet e vjetra dhe ato në fuqi.
“Nëse bota e krimit arriti të hyjë në Kuvendin e Shqipërisë, këtë e arriti pikërisht nga politika e atyre që bëjnë propagandë edhe me ligje. Le të kujtojmë ligjet“, thotë Dervishi:
-Ligji nr.9284, datë 30.9.2004, “Për parandalimin dhe goditjen e krimit të organizuar”.
Objekti ligji kishte “rrethin e personave te dyshuar si pjesëmarrës ne krimin e organizuar, si dhe kompetencat dhe kriteret për sekuestrimin dhe konfiskimin e pasurive qe lidhen me këto krime”.
Qëllimi i ligjit ishte “parandalimi dhe goditja e krimit te organizuar nëpërmjet zbulimit, identifikimit, sekuestrimit dhe konfiskimit të pasurive të paligjshme të personave të dyshuar si pjesëmarrës në krimin e organizuar, si dhe përcaktimi i mënyrës se përdorimit te këtyre pasurive”.
-Ligji nr.10.192, datë 3.12.2009 “Për parandalimin dhe goditjen e krimit të organizuar dhe trafikimit nëpërmjet masave parandaluese kundër pasurisë”.
Ky ligj shfuqizoi ligjin e vitit 2004.
Objekti i ligjit ishin “procedurat, kompetencat dhe kriteret për zbatimin e masave parandaluese kundër pasurisë së personave, që janë subjekt i këtij ligji, si të dyshuar për pjesëmarrje në krimin e organizuar dhe trafikim”.
Qëllimi i ligjit ishte “parandalimi dhe goditja ndaj krimit të organizuar dhe trafikimit përmes konfiskimit të pasurisë së personave, të cilët kanë një nivel të pajustifikuar ekonomik, si rezultat i veprimtarisë së dyshuar kriminale”.
-Ligji nr.70/2017 “Për disa shtesa dhe ndryshime në ligjin nr.10.192, datë 3.12.2009, “Për parandalimin dhe goditjen e krimit të organizuar, trafikimit, korrupsionit dhe krimeve të tjera nëpërmjet masave parandaluese kundër pasurisë”, i ndryshuar.
Ky është ligji në fuqi.
“Ligji u propozua nga një deputet. Asgjë nuk e ka penguar dhe nuk e pengon shtetin për të goditur krimin pa pasur nevojë e veprimeve karagjoze propaganda”, shkruan Dervishi.
Sipas Dervishit, miratimi i aktit normativ më tepër ngatërron se sa zgjidh problematikat. “Kontrollin në banka, kadastra, biznese, etj, shteti nëse funksionon për 5 minuta e kryen fare thjeshtë”, shkruan ai./abcnews.al
So Nila09:30 | 15/01/2020
Të gjithë që përdorin makina e dinë se fillimisht duhet të mësojnë rregullat e qarkullimit.
Disa prej tyre janë aq ligje të vjetra që njerëzit mezi presin të hiqen nga rregullorja.Të tjerat janë të domosdoshme falë realiteteve unike kulturore të një vendi. Por, ka edhe disa ligje qesharake që askush nuk mund t’i shpjegojë, megjithatë disi janë akoma në rregullore.
Ja disa nga ligjet më qesharake të qarkullimit rrugor të njohura në gjithë botën:
1.Rusi: Ndalohen makinat e papastra në qarkullim
Është një vepër e dënueshme të kesh një makinë të palarë në Rusi. Konsensusi është që gjobat vendosen vetëm nëse makina konstatohet e papastër estetikisht. Fatkeqësisht, konsensusi i përgjithshëm ishte gjithashtu që policët e trafikut rus do t’ju ndalojnë për atë që ata dëshirojnë kur të duan, pavarësisht nga pastërtia e automjetit tuaj.
2.Afrika e Jugut: Duhet të ndaloni për barinjtë
Nëse shkoni në Afrikën e Jugut mos u habitni nëse duhet të prisni dele, dhi dhe të ngjashme për të kaluar rrugën. Bariu ka rregulla të vetat që duhen ndjekur. Me ligj, keni të shfaqur një paralajmërim 150 metra para dhe pas tufës. Paralajmërimi duhet të përcillet përmes dritës së kuqe gjatë natës dhe me flamur të kuq gjatë ditës.
3.Bullgari: Nuk mund të ngasësh një makinë pa bombël emergjence
Siç rezulton, ligjet bullgarë kanë të bëjnë me sigurinë. Jo vetëm që duhet të jeni gjithmonë të gatshëm për të fikur zjarre, por gjithashtu duhet të siguroheni që keni një trekëndësh paralajmërues të kuq, jelek reflektues dhe një pajisje të ndihmës së parë në makinën tuaj. Ju mund të qeshni tani, por nëse një zjarr shpërthen ose ndjeni nevojën për të bërë përshtypje një shofer që kalon me jelekun tuaj reflektues, do të jeni të lumtur që jeni përgatitur.
4.Mbretëria e Bashkuar/Australia: Shoferët e taksive duhet të ushqejnë kuajt
Ne nuk mund të imagjinojmë që taksistët e Londrës moderne ose Sidneit janë të detyruar të ushqejnë kuajt. Duket se ligjvënësit e këtyre vendeve thjesht nuk janë marrë me aktualizimin e rregullores. Sidoqoftë, mund të ketë përfitime për mbajtjen e këtij ligji.
5.Danimarka: Mos e nis makinën tënde pa bërë kontrollet e nevojshme
Disa njerëz shohin ligje qesharake si ky dhe zemërohen me burokracinë e qeverisë. Ligji ka si qëllim ruajtjen e kafshëve të cilat mund të strehohen nën makinë./abcnews.al
So Nila15:26 | 21/12/2019
Ligjet janë krijuar për të zvogëluar dhe shmangur kaosin e një shoqërie. Për të udhëhequr mënyrën se si njerëzit jetojnë dhe lidhen me njëri-tjetrin në një vend të caktuar.
Disa nga këto ligje janë standarde, por në disa vende ligjet janë shumë të çuditshme. Më poshtë janë 21 ligje të çuditshme në vende të ndryshme të botës.
1.Ndalohet me ligj dhënia pa kujdes e biçikletës në Meksikë. Të gjithë qytetarët duhet të kenë kujdes mos t’i japin biçikletës me shpejtësi apo të heqin këmbët nga pedalet
2.Ndalohen fotografitë në rezidencën presidenciale të Afrikës së Jugut
3.Nuk lejohet konsumi dhe blerja e çëmçakëzit në Singapor
4.Ndalohet të ushqyerit e pëllumbave në San Francisko
5.Ndalohet të pështyni në Barcelonë
6.Nuk lejohen takat e larta në shumë monumente greke
7.Nuk lejohet të vdesësh në Francë. Në këtë vend ka tre qytete ku si shtetas i huaj e ke të ndaluar me ligj vdekjen brenda kufijve të tyre
8.Në radio Kanadeze duhet të dëgjohen vetëm artistë kanadezë
9.Është e paligjshme të mbarosh gazin në autostradën gjermane
10.Është e paligjshme të shëtitësh nudo në Zvicër
11.Nuk duhet të vishni bluzën Winnie Pooh në Poloni
12.Burrat duhet të veshin rroba banjoje në plazhet franceze
13.Është e paligjshme të veshësh një kostum ushtarak në Parlamentin Britanik
14.Nuk lejohen selfiet me Buddhan në Sri Lanka
15.Është e paligjshme të vendosësh një maskë në publik në Danimarkë
16.Regjistrimi si i martuar në një hotel në Karolinën e Veriut, ju bën zyrtarisht të martuar
17.Është e paligjshme të fluturosh një balonë në Victoria të Australisë
18.Nuk lejohen pistoletat e ujit për Vitin e Ri në Kamboxhia
19.Nuk lejohet të shëtisësh me rroba banje apo nudo në Barcelonë, përvecse se në plazh e pishina
20.Është e paligjshme të ofendosh në Emiratet e Bashkuara Arabe
21.Është e paligjshme të kërcesh në errësirë pas mesnatës në Japoni./abcnews.al
in a20:00 | 18/12/2019
Parlamenti miratoi sot paketën anti-shpifje, e cila u abstenua vetëm nga Ditmir Bushati nga ana e Partisë Socialiste. Opozita e ndarë pro dhe kundër ligjeve, ndërsa kryeministri nuk mori pjesë në votim. Më herët Rama tha në seancë se ligji ishte i dakordësuar me ndërkombëtarët, dhe se nuk cënonte lirinë e shprehjes, por lirinë e shpifjes.
Kuvendi ndryshoi me 82 vota pro ligjin për AMA-n, dhe me 87 atë për AKEP-in, duke miratuar kështu paketën anti-shpifje. Rama nuk mori pjesë në votim, ndërsa nga Partia Socialiste abstenoi në të gjitha rastet Ditmir Bushati. Opozita u përça në votim, ndërsa gjatë shqyrtimit nen për nen, u votuan disa amendamente të propozuara nga Taulant Balla që kufizojnë rolin e AMA-s për të bllokuar portalet.
Më herët në seancë plenare, Edi Rama tha se paketa ishte dakordësuar 100 % me partnerët. Votimin e paketës anti-shpifje, veç kryeministrit Edi Rama, e bojkotoi edhe Rudina Hajdari, Ralf Gjoni dhe Myslym Murrizi./abcnews.al
R D18:00 | 18/12/2019
Kryetari i PD-së, Lulzim Basha ka reaguar sot për vendimin e Gjykatës së Tiranës për të dënuar me 1 burg ish-deputetin Ervin Salianji. Ky vendim, mbase për koncidencë u dha ditën kur Parlamenti pritet të votojë paketën antishipfje. ” Edi Rama ka hedhur sot në erë dy prej kolonave kryesore të demokracisë në Shqipëri. Sot, ai dënoi me vendim gjykate, pa asnjë provë, opozitën dhe median që zbuluan dhe denoncuan përshirjen në trafikun e drogës të vëllait të Ministrit të brendshëm të Edi Ramës. Po sot, Edi Rama miraton ligjin që synon t’i mbyllë gojën medias online për të mos denoncuar aferat e rënda korruptive të tij dhe të familjes së tij, afera që fusin dorën në xhepat e shqiptarëve për t’i vjedhur ata, në mënyrë që të pasurojnë Edi Ramën”, u shpeh Basha.
Gjatë deklaratës së tij, nga selia e PD-së, Basha akuzoi gjyqtarin se “Artan Gjermeni, i cili dënoi pa prova Ervin Salianjin dhe gazetarin Jetmir Olldashi është as më pak e as më shumë, anëtar i bandës së Lushnjës, e cila ka nisur të gjallërohet sërish nën pushtetin e Edi Ramës.
Për Partinë Demokratike dhe për mua personalisht, nuk ka asnjë dyshim se ushtari i bandës së Lushnjës e kishte marrë prej kohësh vendimin politik që Edi Rama e shpalli prej ditës së parë të publikimit të skandalit Xhafaj. Për ne nuk ka asnjë surprizë për hakmarrjen e Edi Ramës ndaj deputetit Ervin Salianji dhe gazetarit Jetmir Olldashi që ekspozuan qeverinë e tij si të përfshirë direkt në trafikun e drogës”.
Më pas lideri demokrat, iu drejtuar Ramës me mesazhin se nuk ke për t’ia dalë kurrë ti mbyllësh gojën opozitës dhe medias.
“Në këto 6 vjet ne jemi përballur me padrejtësinë dhe hakmarrjen politike të Edi Ramës sa herë kemi denoncuar lidhjet e tij me krimin e organizuar dhe me aferat korruptive. Për pothuajse të gjithë përfaqësuesit politikë të Partisë Demokratike, drejtësia e kapur ka vendosur sipas urdhërit dhe interesit politik të Edi Ramës, duke u bërë palë me këtë pushtet të kriminalizuar dhe të korruptuar.
A na e ka mbyllur gojën dot ne Edi Rama me të korruptuarit dhe kriminelët e tij në polici, prokurori dhe gjyqësor? Jo! Dhe nuk ka për t’ia dalë kurrë!
Ne jemi Partia Demokratike! Ne jemi sot partia që gëzon besimin e shumicës dërrmuese të shqiptarëve. Bashkë me ta, do të bëjmë të mundur që, me zgjedhje të lira e të ndershme, të shpëtojmë vendin nga një kryeministër që sundon me një grusht kriminelësh dhe oligarkësh.
Partia Demokratike është dhe do të jetë në krahun e çdo gazetari, në krahun e çdo qytetari, që denoncon padrejtësinë, korrupsionin dhe lidhjet e Edi Ramës, familjes apo qeverisë së tij me krimin e organizuar.
Mesazhi im për Edi Ramën është i thjeshtë dhe i qartë: I ke bërë llogaritë gabim!”.
/abcnews.al
ad min14:26 | 19/10/2019
Komisioni Hetimor për shkarkimin e Presidentit do të mbyllë punën përpara 8 dhjetorit. Kryesuesi i hetimit, Ulsi Manja thotë për ABC Neës se mazhoranca do të japë një votë politike për shkarkimin e Ilir Metës, ndërsa vlerësimin kushtetues do ta bëjë vetëm Gjykata Kushtetuese kur të jetë funksionale.
Opinioni përfundimtar i Komisionit të Venecias nuk i ka bindur socialistët të pushojnë hetimin parlamentar për shkarkimin e presidentit. Përkundrazi.
“Brenda afatit të ri që morëm nga Kuvendi, komisioni hetimor do ta përfundojë punën e vetë. Do të zbatojmë planin përfundimtar të hetimit të miratuar nga Komisioni”.
Ulsi Manja që drejton komisionin hetimor, shpjegon për ABC News se çfarë ka ngelur ende për t’u bërë nga hetimi.
“Do të administrohen provat shkresore, dhe këtu e kam fjalën për opinionin paraprak dhe final të Komisionit të Venecias, do të administrohet dhe shkresa e ardhur nga Presidenti i Republikës lidhur me arsyet që e shtynë të anulojë 30 qershorin, duke respektuar tërësisht klauzolat ligjore për informacionin e klasifikuar “sekret shtetëror””.
Komisionit i përfundon mandati hetimor në 8 Dhjetor.
“Komisioni është i detyruar të mbyllë punë që i ka ngarkuar Kuvendi me vendimin nr 84 të vitit 2019. Është një komision që i kërkohet një vlerësim në aspektin ligjor nëse Presidenti e ka shkelur ose jo Kushtetutën, dhe raporti i këtij komisioni hetimor i tillë do të jetë. Më pas seanca plenare vendos politikisht për shkarkimin e Presidentit të Republikës”.
Dhe pse janë të bindur që Meta e ka shkelur Kushtetutën duke çdekretuar 30 qershorin si datë zgjedhjesh, Ulsi Manja nuk është gati të pohojë votën e tij pro shkarkimit.
“Nuk kam asnjë arsye të paragjykoj votën time e as qëndrimin tim. Unë qëndrimin tim do ta shpreh në komisionin hetimor që unë drejtoj dhe votën time do ta shpreh në seancë plenare së bashku me gjithë kolegët e mi të mazhorancës”.
Socialistët do të votojnë shkarkimin, por topi do të ngelet në derën e Gjykatës Kushtetuese.
“Votimi në parlament është votim politik, ndërsa Gjykata Kushtetuese është institucioni i vetëm kushtetues që do të japë një vlerësim në aspektin kushtetues dhe ligjor për këtë procedurë shkarkimi”.
Teksa kjo gjykatë nuk është ende funksionale e plotësimi duket i largët, Ilir Meta do të vazhdojë të jetë në krye të shtetit./ABC News Albania
nev ila16:27 | 05/08/2019
Presidenti i republikës Ilir Meta ka dekretuar ligjin “Për statusin e Gjyqtarëve dhe Prokurorëve në Republikën e Shqipërisë” dhe “Për nismën ligjvënëse të zgjedhësve në Republikën e Shqipërisë”.
Në mesazhin e tij, presidenti deklaron se ka pritur 2 vite që të bëheshin ndryshimet përkatëse në ligjin “Për statusin e Gjyqtarëve dhe prokurorëve” nga Kuvendi.
Meta gjithashtu me dekretimin e ligjit “Për nismën ligjvënëse të zgjedhësve në Republikën e Shqipërisë” thekson se ky rregullim me ligj është i domosdoshëm për rritjen e të drejtave të pjesëmarrjes së qytetarëve në qeverisjen e vendit.
Njoftimi i Presidencës për dekretimin e dy ligjeve:
“Institucioni i Presidentit të Republikës bën me dije se, Presidenti i Republikës në ushtrim të kompetencave të Tij, në mbështetje të nenit 84 dhe 93 të Kushtetutës, ka dekretuar me shpallje të 2 (dy) ligjeve të miratuara nga Kuvendi i Shqipërisë, dhe konkretisht:
1.Me Dekretin nr.11249, datë 05.08.2019, Presidenti i Republikës ka miratuar; “Shpalljen e ligjit nr. 48/2019 “Për disa shtesa dhe ndryshime në ligjin nr. 96/2016 “Për statusin e Gjyqtarëve dhe Prokurorëve në Republikën e Shqipërisë”.
Realizimi i shtesave dhe ndryshimeve në këtë ligj janë argumentuar nga Kuvendi si të nevojshme, në plotësim të vakumit të krijuar për shkak të Vendimit nr. 34, datë 10.04.2017 të Gjykatës Kushtetuese, që ka shfuqizuar si të papajtueshme me Kushtetutën disa dispozita të këtij ligji, dhe që kishin të bënin me:
Papajtueshmërinë ambientale;
Veprimtaritë e jashtme;
Vlerësimin;
Kategorizimet e disa prej shkeljeve disiplinore;
Masat disiplinore plotësuese;
Aksesin në dokumentacion gjatë procesit disiplinor;
Pezullimin nga detyra;
Veprimtari këto të lidhura me funksionin apo procesin disiplinor që zhvillohet ndaj gjyqtarëve dhe prokurorëve në Republikën e Shqipërisë, etj.
Përpos këtyre plotësimeve ligjore, Presidenti i Republikës konstatoi se ligjvënësi me ligjin nr. 48/2019 ka realizuar gjithashtu më shumë se 14 ndërhyrje të tjera në ligjin nr. 96/2016, me qëllim riparimin, përmirësimin, qartësimin dhe harmonizimin e dispozitave të ligjit nr.96/2016, në tërësinë e tij.
Kjo tregon se, në momentin e miratimit të ligjit nr. 96/2016, ky akt përveç se ka patur probleme antikushtetushmërie për të cilat ka folur Gjykata Kushtetuese, gjithashtu ka patur edhe mangësi të tjera të karakterit të teknikës legjislative, shprehje të pasakta, gabime në referime etj, që nëse do të ishte gjykuar në mënyrë të thelluar dhe jo të nxituar nga ekspertët vendas dhe ndërkombëtarë në momentin e hartimit të ligjit nr.96/2016 dhe miratimit nga Kuvendi i Shqipërisë, nuk do të ekzistonin.
Edhe pse Kuvendi i Shqipërisë ka realizuar ndryshimet e domosdoshme në ligjin nr. 96/2016 në një kohë të vonuar, konkretisht pas më shumë se 2-vjet nga momenti i vendimit të Gjykatës Kushtetuese (prill 2017), sërish Presidenti i Republikës i mirëpret këto ndryshime ligjore dhe për këto arsye me Dekretin nr.11249, datë 05.08.2019, ka vendosur shpalljen dhe miratimin e këtij ligji.
Presidenti i Republikës nxit dhe inkurajon Këshillin e Lartë Gjyqësor dhe Këshillin e Lartë të Prokurorisë, apo organet e tjera të sistemit të drejtësisë që sipas përcaktimeve të ligjit nr.96/2016, datë 06.10.2016 “Për statusin e gjyqtarëve dhe prokurorëve në Republikën e Shqipërisë”, tashmë të ndryshuar, të bëjnë çmos që i gjithë sistemi gjyqësor dhe ai i prokurorisë të funksionojnë në mënyrën e duhur.
Pas plotësimit dhe përmirësimit të ligjit, tashmë është detyrë dhe përgjegjësi e organeve respektive të zbatojnë me rigorozitet, jo vetëm ligjin nr. 96/2016, por gjithë kuadrin kushtetues dhe ligjor të paketës në reformën e sistemit të drejtësisë, për të bërë të mundur që vendi ynë të ketë gjyqtarë dhe prokurorë të ndershëm dhe të përgjegjshëm, të aftë profesionalisht, të cilët duhet të pranohen, emërohen, dhe të zhvillojnë karrierën e tyre brenda sistemit të drejtësisë, bazuar mbi një sistem vlerësimi dhe promovimi që bazohet në meritë, profesionalizëm dhe përgjegjshmëri.
Organet respektive nuk duhet të tolerojnë asnjë sjellje apo fenomen negativ brenda sistemit të drejtësisë dhe duhet të marrin sa më shpejt të gjitha masat e nevojshme që sistemi gjyqësor të jetë funksional dhe në shërbim të qytetarëve.
Çdo veprim i magjistratit që cenon figurën e gjyqtarit dhe prokurorit në sistemin e drejtësisë shqiptare, duhet të verifikohet, hetohet dhe gjykohet në përputhje me standardet kushtetuese dhe sipas kërkesave rigoroze të ligjit.
2.Presidenti i Republikës gjithashtu me Dekretin nr. 11250, datë 05.08.2019, ka miratuar “Shpalljen e ligjit nr. 54/2019 “Për nismën ligjvënëse të zgjedhësve në Republikën e Shqipërisë”.
Ky ligj u krijon mundësi qytetarëve që të dërgojnë në Kuvend propozime të ligjeve për miratim.
Ky ligj ka për qëllim të rregullojë procedurën e detajuar mbi ndërmarrjen e nismave ligjvënëse popullore nga 20 mijë shtetas me të drejtë vote, duke filluar nga momenti i regjistrimit të nismës, deri në paraqitjen e tyre në Kuvendin e Shqipërisë për shqyrtim dhe miratim.
Ky rregullim me ligj është i domosdoshëm për shkak të zhvillimeve për rritjen e të drejtave të pjesëmarrjes së qytetarëve në qeverisjen e vendit.
Në këto kushte, promovimi i nismës ligjvënëse popullore, si pjesë e institucioneve kushtetuese të demokracisë së drejtpërdrejtë, është vlerësuar si një nevojë e domosdoshme nga Presidenti i Republikës, dhe për këtë arsye me Dekretin nr. 11250, datë 05.08.2019, ai ka miratuar shpalljen e ligjit nr. 54/2019.”/abcnews.al
ent ela12:24 | 27/07/2019
Presidenti i Republikës kthen një tjetër ligj në kuvend. Bëhet fjalë për ligjin “Për disa shtesa dhe ndryshime në ligjin ‘Për planifikimin dhe zhvillimin e territorit’, të ndryshuar’.
Presidenti i kërkon kuvendit që të rishikohet e përmirësohet pika 8 e këtij ligji, që flet për procesin e ndryshimit të projekteve ndërtimore gjatë fazës së zbatimit të tyre, si për investime publike ashtu edhe private. Në vlerësimin e presidentit, formulimi është i paqartë, pasi në procesin e rishikimit të projektit, nuk parashikohet dhënia e pëlqimit apo konsultimi me pronarët e trojeve, ku do ndërtohet vepra. Kjo sipas kreut të shtetit mund të sjellë aplikim të gabuar në praktikë, apo keqinterpretim, me pasojë cënimin e parimit kushtetues të sigurisë juridike e interesit publik, por edhe konflikt mes sipërmarrësve apo investitorëve me pronarët e trojeve private.
Meta ka dekretuar tre ligje të tjera, atë “Për mbrojtjen e faunës së egër”, “Për ratifikimin e marrëveshjes së huasë ndërmjet Republikës së Shqipërisë, dhe KfW gjermane, për programin e furnizimit me ujë të zonave rurale IV”,si dhe ndryshimet në ligjin “Për mbrojtjen e shëndetit nga produktet e duhanit”
/ABC News Albania 24/7
ad min14:40 | 18/07/2019
Nuk ka patur një përgjigje direkte për deklaratat e Metës, por kreu i shtetit është shënjestruar sot nga foltorja e Kuvendit nga numri dy i socialistëve Taulant Balla. Kreu i grupit të deputetëve socialistë tha se Meta është shndërruar tashmë në bashkëkryetar të opozitës, por mazhoranca është e vendosur që ligjet që po kthen mbrapsht, do i rivotojë në shtator në Kuvend.
“Po e them sot se me këto ndryshime në Kodin Penal, sa herë që të vandalizohen institucionet, shkatërrohet prona private, se ende nuk kemi bërë një diskutim se sa janë dëmet vetëm për prona private apo goditje të qytetarëve dhe punonjësve të policisë ka pasur, do të vazhdojë edhe pas ditës së sotme të ketë pasoja individuale të gjithë dhunës. Nuk kam ndonjë dyshim që këto ndryshime në Kodin Penal, Presidenti në detyrë i Republikës, do të na i kthejë për t’i rivotuar edhe njëherë në Shtator.
Nuk kam asnjë dyshim. Si një prej bashkëkryetarëve në detyrë të opozitës me seli në Presidencë, kur pashë që Presidenti i Republikës ktheu edhe ndryshimet në ligjin e vetëqeverisjes vendore që mundësojnë, që më në fund në Shqipëri, në organet e pushtetit vendor, të ketë një zyrë, një njeri që të kujdeset për çdo vërtetim, për çdo lloj halli që kanë dy milionë shqiptarë ,që janë jashtë territorit të Shqipërisë, nuk kam asnjë dyshim që Ilir Meta, nuk ka më sy e veshë për të parë e dëgjuar, se për çfarë kanë nevojë shqiptarët. Ilir Meta ka sy e veshë për të dëgjuar se çfarë do Luli, Monika dhe Saliu dhe e ka kthyer atë presidencë në institucionin e qarjes së hallit të Saliut, Lulit dhe Monikës. Nëse Ilir Meta i kthen këto ndryshime në Kodin Penal aq na bën, sepse me të filluar shtatori, këtu do jemi, përsëri do duhet t’i votojmë”, tha Balla./abcnews.al
ad min13:10 | 18/07/2019
Ndihmëssekretari amerikan i Shtetit Philip Reeker tha se Shtetet e Bashkuara nuk do të bëhen arbitër i politikave të brendshme të Shqipërisë. Ambasadori Reeker, zyrtar me përvojë në çështjet e Ballkanit, i bëri komentet të mërkurën në një forum të organizuar nga Këshilli i Atlantikut në Uashington
Nuk mjafton të jesh një aleat i fortë për Shtetet e Bashkuara të Amerikës.
“Nuk jemi krenarë me shqiptarët këto javët e fundit, sepse ata nuk përdorën institucionet që kanë”.
Për situatën e krijuar në vendin tonë ndihmëssekretari amerikan i Shtetit fajëson të dyja palët në veçanti opozitën që nuk zgjodhi rrugën institucionale por bojkotin.
“Nuk mundet që thjesht të bojkotosh parlamentin ose të dorëzosh mandatet. Ato institucione duhen përdorur, duhen përdorur gjykatat, duhet të emërohen anëtarët e gjykatës kushtetuese, që përmes Kushtetutës dhe përdorimit të këtyre mjeteve të tejkalohen kohët e vështira politike”.
Zgjidhja duhet të vijë nga brenda Shqipërisë këshillon zyrtari amerikan, me përvojë në çështjet e Ballkanit.
“Shtetet e Bashkuara nuk do të bëhen arbitër i politikave të brendshme të Shqipërisë, por ne do të vazhdojmë të inkurajojmë të gjitha palët të punojnë së bashku me institucionet dhe të bëjnë hapat e duhur që të ecin përpara. Dhe nëse institucionet nuk bëjnë punë, atëherë puno që t’i ndryshosh ato, nëpërmjet mjeteve kushtetuese që keni”.
Këtë përgjigje ndihmëssekretari amerikan i shtetit ia dha Zërit të Amerikës në një forum të organizuar nga Këshilli i Atlantikut në Uashington./ABC News Albania 24/7
ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.
NUIS/NIPT K01711004FKontaktTelefono
07:20 | 29/03/2020
07:16 | 29/03/2020
