kine

chinaaaq.jpg
Sid Orela11:16 | 12/03/2020

Kina vazhdon të mbetet deri më tani vendi më i prekur nga koronavirusi dhe numrit të jetëve të humbura. Nga fillimi i pandemisë në dhjetor të vitit të shkuar, në KInë janë infektuar 80,796 persona ndërsa 3,169 kanë humbur jetën.

Por ndërsa Shtetet e Bashkuara dhe Evropa po regjistrojnë rritje të rasteve, shkalla e rasteve të reja në Kinë është ngadalësuar ndjeshëm.

Provinca Hubei e Kinës, epiqendra e pandemisë, raportonte mijëra infeksione në ditë vetëm disa javë më parë. Ndërsa, ditën e djeshme u regjistruar vetëm 8 raste të reja, tha Komisioni Kombëtar i Shëndetit në vend.

Të Martën, Presidenti Kinez Xi Jinping bëri vizitën e tij të parë Hubei që kur nisi përhapja e sëmundjes më shumë se dy muaj më parë, një shenjë e dukshme e besimit se masat parandaluese të vendit, përfshirë kufizimet e udhëtimit, kanë filluar të japin rezultat.

Autoritetet Hubei thanë në një deklaratë të Mërkurën se qeveria do t’i lejojë gradualisht bizneset që të rihapin qepenat si dhe së shpejti do të kthehet edhe transporti publik.

Kjo do të ndihmojë ekonominë e goditur të vendit. Vendimi i Pekinit për të mbajtur fabrikat e mbyllura dhe për të kufizuar lëvizjen e dhjetëra miliona njerëzve ka prekur gjithçka, nga shitja e pronave, deri tek operacionet e biznesit lokal dhe zinxhirët kryesorë të furnizimit në ekonominë e dytë më të madhe në botë. /abcnews.al/

2500-1280x768.jpg
So Nila11:15 | 12/03/2020

Më 17 janar 2020 muskujt e mi  po më dhimnbin të gjithë. Mund të kem patur pak ethe, por dhimbja nuk ishte aq e fortë sa për t’u vënë re. Duke parë mbrapa në kohë është pak e frikshme, sepse shtëpia ime dhe shkolla ku unë studioj japonisht janë brenda një rrezeje prej 5 km nga Wuhan, ku besohet se virusi ka origjinën.

Për të trajtuar dhimbjen e muskujve mora disa tableta, sepse mendova: ishte një ftohje normale. Tani që unë mendoj për këtë, them se kam humbur kohën më të mirë për trajtimin e virusit, duke e mbajtur atë me ilaçe antivirale në fazën fillestare.

Nuk e di se si e kam marrë virusin. Unë gjithmonë ha në të njëjtin restorant të stilit Hong Kong poshtë shkollës sime. Nuk isha duke ecur shumë vërdallë rreth asaj periudhë, sepse ishte shumë e ftohtë dhe meqë isha i lodhur pas mësimit, gjithmonë kthehesha në shtëpi. Pasi filloi pushimi i semestrit, unë qëndrova me prindërit dhe jo në konvikt. Fillova të vendos një maskë disa ditë më vonë kur pashë që të gjithë të tjerët rreth meje mbanin maska.

 

Më 21 Janar ndjeja dhimbje gjithandej në trupin tim, kështu që thirra babanë në një kafene të rastit. Ai e ndjeu se diçka nuk ishte në rregull dhe më nxiti të shkoja menjëherë në shtëpi. Nëna ime më tha se nëse temperatura nuk do të binte më vonë atë natë do të shkonim në spital. Në orën 11 të natës, ethet nuk kishin ikur, kështu që shkova në spitalin Tongji.

Me të mbërritur pashë spitalin e mbushur me pacientë. Duke parë mjekët me rrobat e tyre të çuditshme të veshur ndryshe këtë radhe, jo si në jetën reale, për herë të parë si në dokumentarët e SARS, kuptova se diçka e keqe po më ndodhte.

Kur më bënë analizën rezultova i infektuar.

 

Kuptova se kisha nevojë për një mbështetje shpirtërore, sepse përtej dhimbjes fizike, mendova: Për mua ky është fundi, nuk do t’ia dal! Kështu që pashë shfaqjen time të preferuar në telefon dhe duke parë jetën normale dhe të lumtur të personazheve, mendova: Duhet t’i them lamtumirë kësaj jete përgjithmonë. Por duke parë shfaqjen, heroina ime kaloi shumë sprova në gjysmën e parë të jetës dhe më pas ajo ia doli me sukses. U kthjellova!

Në spital më dhanë për pesë ditë një mjekim Anti-HIV falas, kjo kurë do më lehtësonte dhimbjet e tmerrshme dhe gjendjen pa frymëmarje praktikisht, ndërsa familja ime po fillonte gjithashtu të merrte ilaçe të përshkruara. Fillova të besoj se do të shërohesha dhe kjo po ndodhte ditë pas dite.

Për shkak të situatës sime të përmirësuar dhe shtretërve të kufizuar në spital, më thanë të shkoj në shtëpi dhe të izolohem dhe kështu terapia ime përfundoi.

 

Më bënë një test tjetër koronavirus dhe më rekomanduan më shumë ilaçe. Të nesërmen rezultatet e testit treguan se isha negativ për virusin, por sipas udhëzimeve të mjekëve, më duhej të kthehesha për një test tjetër. Më 7 shkurt rezultatet treguan përsëri se unë isha negativ dhe tashmë isha i shëruar. Kisha shkuar deri në ferr dhe u ktheva mbrapsht!/abcnews.al

 

dopo_70_giorni_a_wuhan_640_ori_crop_master__0x0_640x360.jpg
eri Ida17:13 | 11/03/2020

Kina më në fund duket se po shikon sukseset në kuadër të betejës me koronavirusin. Mesa duket, ky virus i cili ka alarmuar botën po fillon të zhduket nga epiqendra ku lindi, në Ëuhan të provincës Hubei në Kinë.

Në rrjetet sociale po shpërndahet një video në të cilën shihen mjekë dhe infermierë kinezë që festojnë në Wuhan të Kinës ku edhe filloi përhapja e epidemisë COVID-19.

Sipas të dhënave të publikuara sot nga një zëdhënës i Komisionit  Kombëtar kinez të Shëndetit, numri i rasteve të reja të konfirmuara me COVID-19) ka rënë nën 20 për herë të parë në Wuhan.

Ndërkohë që asnjë rast i ri nuk është raportuar në qytete të tjera të krahinës në pesë ditët e kaluara./abcnews.al

kina-1280x563.jpg
in a08:26 | 11/03/2020

Në një lidhje më “ABC e mëngjesit” me Enkel Demin, në lidhje “Skype” nga Shangai Rodriguez Mazreku, specialist i burimeve njerëzore, tha se situata tashmë në Kinë është më e qetë. Edhe pse shihet sërish gjendje paniku ai theksoi se nga masat e rrepta qytetarët ndjehen më të qetësuar.

“Vetëm 100 qytete raportohet se janë të infektuar. Në çdo qytet tjetër të Kinës janë kuruar thuajse 90 % e personave.

Problemi është se po vijnë të infektuar nga shtetet e tjera. Me të gjithë masat e marra Kina po i kthehet normalitetit edhe pse duhet ende pritur ende për të folur për gjëra konkrete”, u shpreh ai.

download-18.jpg
So Nila07:26 | 09/03/2020

Shqipëria është prekur nga koronavirusi. Ministria e Shëndetësisë bëri me dije se babë e bir 54 dhe 28 vjeç ndodhen në spitalin Infektiv, pasi erdhën disa ditë më parë nga Firence e Italisë.

Por çfarë është koronavirusi? Si transmetohet dhe çfarë pasojash sjell?

Abcnews.al ka përgatitur këtë specialem, të cilën ju ftojmë ta lexoni si më poshtë:

Cili është ky virus që po shkakton kaq shumë vdekje?

Është një koronavirus i ri- domethënë një anëtar i familjes koronavirus që nuk është hasur kurrë më parë. Si koronaviruset e tjera, ka ardhur nga kafshët. Shumë nga ata të infektuar ose punonin ose shkonin  shpesh në tregun Huanan në qendër të qytetit kinez, i cili gjithashtu shiste kafshë të gjalla dhe të vrara. Viruse të reja dhe shqetësuese zakonisht kanë origjinë nga kafshët si për shembull ebola.

A ka pasur koronaviruse të tjerë?

Sindroma e rëndë akute e frymëmarrjes (Sars dhe Mers) janë shkaktuar nga koronaviruset që vijnë nga kafshët. Edhe pse Mers besohet se u është transmetuar njerëzve nga lakuriqët. Në 2002, Sars u përhap praktikisht në 37 vende, duke shkaktuar panik global, duke infektuar më shumë se 8,000 njerëz dhe duke vrarë më shumë se 750. Mers kaloi nga njeriu tek njeriu, por pati  vdekshmëri më të madhe, duke vrarë 35% të  2.500 njerëzve të cilët u infektuan, shkruan abcnews.al.

Cilat janë simptomat e shkaktuara nga koronavirusi ?

Virusi shkakton pneumoni . Ata që janë sëmurë raportohet se vuajnë nga kolla, ethe dhe vështirësi në frymëmarrje. Në raste të rënda mund të ketë dëmtim të organeve. Meqenëse kjo është pneumoni virale, antibiotikët nuk janë të dobishëm. Ilaçet antivirale që kemi kundër gripit nuk do të funksionojnë. Nëse njerëzit shtrohen në spital, ata mund të marrin mjekim për mushkëritë e tyre dhe organet e tjera, si dhe duhet të konsumojnë lëngje. Rimëkëmbja do të varet nga forca e sistemit tonë imunitar. Shumë nga ata që kanë vdekur kanë qenë në gjendje të dobët shëndetësore.

A  transmetohet virusi nga një person tek tjetri?

Transmetimi nga njeriu tek njeriu është konfirmuar nga komisioni kombëtar i shëndetësisë i Kinës. Që nga 30 janari, numri i të vdekurve në Kinë ka arritur 170, me 7,736 raste të konfirmuara të prekur nga virusi. Në javën e kaluar, numri i infeksioneve të konfirmuara është trefishuar dhe raste të tjera janë konfirmuar në 13 provinca, si dhe komunat e Pekinit, Shanghai, Chongqing dhe Tianjin. Virusi është konfirmuar edhe jashtë Kinës, në Hong Kong, Makau, Japoni, Nepal, Singapor, Korenë e Jugut, Tajvan, Tajlandë, SH.B.A dhe Vietnam. Dy anëtarë të një familje në Britani janë konfirmuar se kanë virusin, pasi u testuanmë shumë se 160 dhe rezultuan negativ. Numri aktual i personave të infektuar mund të jetë shumë më i lartë se është raportuar. Ekspertët e OBSH-së në Imperial College London sugjeruan se mund të ketë rreth  30,000 dhe 200,000 raste.

Sa të shqetësuar janë ekspertët?

Ekziston frika se koronavirusi mund të përhapet më gjerësisht gjatë pushimeve të vitit të ri hënor, që filloi më 24 janar, kur miliona kinezë udhëtojnë në shtëpi për të festuar, por festimet kryesisht janë anuluar dhe Wuhan dhe qytetet e tjera kineze si  Hubei janë bllokuar.

Për momentin, duket se njerëzit me shëndet të dobët kanë rrezik më të madh, siç ndodh gjithmonë me gripin. Një shqetësim kryesor është përkeqësimi i simptomave – disa njerëz duket se vuajnë vetëm nga sëmundje të buta, ndërsa të tjerët janë duke u sëmurë më rëndë. Kjo e bën më të vështirë përcaktimin e numrave të infektuar dhe mundësinë e transmetimit ndërmjet njerëzve. Por autoritetet po përpiqen të ndalojnë përhapjen dhe janë të shqetësuar se virusi mund të bëhet më i fuqishëm se sa është tani.

Në cilën pikë duhet të shkoni te mjeku ?

Nëse nuk keni udhëtuar së fundmi në Kinë ose keni qenë në kontakt me dikë të infektuar nga virusi, atëherë duhet të trajtoni çdo kollë ose simptomë gripi si normale. NHS këshillon se nuk është se ka nevojë për të shkuar tek një mjek për një kollë edhe nëse ajo është e vazhdueshme, ose nesë keni  pasur simptoma të tjera të tilla si dhimbje gjoksi, vështirësi në frymëmarrje.

Pse ky virus ka përhapur kaq shume panik?

Ne ende nuk e dimë se sa i rrezikshëm është koronavirusi i ri – dhe ne nuk do ta dimë derisa të kemi më shumë të dhëna. 170 vdekje nga 7,736 raste të raportuara nënkuptojnë një vdekshmëri prej 2%. Sidoqoftë, kjo është thjesht një statistikë pasi mund të ketë një grup shumë më të madh të personave që janë infektuar nga virusi por që nuk kanë pasur simptoma aq të forta sa për të shkuar në spital dhe kështu nuk janë llogaritur si të dhëna.Duke e krahasuar, gripi sezonal zakonisht ka një shkallë të vdekshmërisë nën 1% dhe mendohet se ka shkaktuar rreth 400,000 vdekje çdo vit në nivel global. Sars kishte një normë vdekjeje më shumë se 10%.  Ajo çfarë shkencëtarët duhet të marrin parasysh  javët e ardhshme, është se sa ngjitës mund të jetë  koronavirusi. Një ndryshim thelbësor është se ndryshe nga gripi, nuk ka vaksinë për koronavirusin e ri, që do të thotë se është më e vështirë për të moshuarit ose për ata me probleme të mëparshme  të frymëmarrjes ose imunitetit prandaj mbroni veten tuaj duke larë duart dhe largohuni  nga njerëzit nesë shikoni se jeni të rrezikuar. Një hap i rëndësishëm është marrja e vaksinës kundër gripit, e cila do të zvogëlojë barrën për shërbimet shëndetësore nëse shpërthimi i  virusit kthehet në një epidemi më të gjerë.

A duhet të frikësohemi?

Përhapja e virusit jashtë Kinës është shqetësuese por jo diçka e papritur. Organizata Botërore e Shëndetit ka deklaruar  shpërthimin e virusit si një emergjencë shëndetësore publike me shqetësim ndërkombëtar. Çeshtjet kryesore janë se sa e transmetueshme është ky koronavirus i ri midis njerëzve. Shpesh viruset që përhapen lehtë priren të kenë një ndikim më të butë.

Në përgjithësi, koronavirusi duket se po prek më së shumti njerëzit e moshuar, dhe me pak raste tek fëmijët./abcnews.al

hoteliii.jpg
Sid Orela14:13 | 08/03/2020

Të paktën 10 persona kanë ndërruar jetë pasi një hotel në Kinë është shembur të shtunën mbrëma. Hoteli që u shemb shërbente si vend karantinimi për persona që kishin pasur kontakt me njerëz të sëmurë me koronavirus. Ngjarja ka ndodhur në Kinën juglindore.

Sipas të dhënave të publikuara nga Ministria e Menaxhimit të Emergjencave në vend, të paktën 80 persona ndodheshin brenda në ndërtesë kur ajo u shemb. Prej këtyre, nëntë arritën që të dilnin ndërsa 71 të tjerë mbetën nën rrënoja.

Prej 71 personave të bllokuar, 48 janë nxjerrë tashmë nga gërmadhat ndërsa për 23 personat e mbetur nuk dihet ende gjë. Në operacionin e shpëtimit janë angazhuar më shumë se 1,000 zjarrfikës si dhe persona të tjerë të cilët e kanë gdhirë duke u përpjekur që të gjejnë të mbijetuar.

Guo Yutuan u shpreh në lidhje me ngjarjen:

“Ne po përdorim instrumenta me anë të të cilëve mund të kërkojmë për shenja jete…Po bëjmë të pamundurën për të shpëtuar personat e zënë poshtë gërmadhave.”

Mes personave të shpëtuar ishte edhe një djalë i vogël bashkë me prindërit. Familja u dërguan në spital ku po marrin kujdes shëndetësor. /abcnews.al/

000_1PO7O0-e1583597543427-1024x640-1.jpg
eri Ida07:50 | 08/03/2020

Të paktën katër njerëz kanë vdekur dhe 29 të tjerë rezultojnë të humbur pas shembjes së hotelit i cili ishte karantinuar në Kinë në qytetin Quanzhou, në provincën jugore të Fujian.

Mediat ndërkombëtare raportojnë se ekipet e kërkim-shpëtimit vazhdojnë akoma punën për të gjetjen e personave që kanë mbetur nën gërmadhat e hotelit 5 katësh që u shemb të shtunën.

Ministria e Menaxhimit të Emergjencave është shprehur se nga 71 persona të bllokuar, fillimisht u shpëtuan 38 persona.

Ndërkohë akoma nuk dihen se çfarë e shkaktoi shembjen e hotelit./abcnews.al

kina1.jpg
Sid Orela15:42 | 07/03/2020

Rreth 70 persona kanë mbetur të bllokuar pasi një hotel në Kinë është shembur.

Ngjarja ka ndodhur ditën e shtunë në Kinën Lindore, Provinca Fujian, ndërsa hoteli ka qenë përdorur si vend karantinimi për të sëmurët me Covid-19.

Hoteli Xinjia në qytetin Quanzhou raportohet të jetë shembur rreth orës 7.30 të pasdites ndërsa rreth 23 njerëz janë shpëtuar rreth orës 9.00 të darkës.

Hoteli me 80 dhoma është përdorur së fundmi si një ndërtesë izolimi për njerëzit që kishin rënë në kontakt së fundmi me personat e sëmurë me virusin korona. /abcnews.al

chinaaaa.jpg
Sid Orela16:53 | 06/03/2020

Për ta nxjerrë koronavirusin jashtë Kinës mendohet të jenë dashur 34 raste të “padukshme”. Mendohet se këta 34 persona mund t’u kenë shpëtuar kontrolleve të shumta pasi kanë pasur simptoma të zbutura.

Këto sugjerime vijnë si rezultat i një modeli matematikor të publikuar në uebsajtin MedrXiv dhe është zhvilluar nga një grup studiuesish të Universitetit të Shanghait.

Raporti shpjegon se masat e kontrollit janë të domosdoshme pasi rastet kanë një tendencë për t’u shtuar me 10 çdo 19 ditë.

Dy autorët e studimit janë shprehur:

“Dinamikat e shpërndarjes së virusit janë komplekse dhe vazhdojnë  të kenë ndryshime në pjesën tjetër të botës.”

Për këtë arsye ata vendosën të sjellin modelin e përllogaritjeve për ta thjeshtëzuar situatën. Për kërkuesit, nuk përjashtohet as rasti që këto raste që i kanë shpëtuar kontrolleve mund të kenë ekzistuar më përpara ose paralel me kohën kur u shfaqen rastet e para në Wuhan.

Sa i përket rasteve në botë, duke marrë parasysh faktin që rastet shumëzohen me 10 çdo 19 ditë, i bie që masat për mbajtjen në kontroll të situatës nuk po merren siç duhet.

Sipas të dhënave të publikuara deri më tani në Kinë rezultojnë të infektuar 80,559 persona ndërsa kanë ndërruar jetë 3,042 persona. /abcnews.al/

NINTCHDBPICT000567648529-1280x720.jpg
eri Ida13:06 | 06/03/2020

Pak pas ditëlindjes së tij të 101, një kinez u diagnostikua me koronavirus. I shtruar menjëherë në spital ai nuk u dorëzua dhe pas një jave mjekimi dhe dy javësh na karantinë, ai u largua nga spitali për t’u kthyer në shtëpi tek bashkëshortja e tij.

Duke përshendetur mjekët dhe infermierët ai u shpreh se duhej të shkonte në shtëpi të kujdesej për gruan e tij 92 vjeçare.  Ai është pacienti më i moshuar që është shëruar nga koronavirusi në Kinë

Dai, sipas mediave kineze ka qëndruar në një spital në Uhan deri në 4 mars. Ai është në gjendje të mirë shëndetësore dhe nuk ka asnjë gjurmë të sëmundjes

Para tij pacienti më i moshuar i shëruar nga koronavirus ishte një 98 vjeçare./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono