Kapshticë

radhe-1.jpg
in a12:25 | 29/12/2019

Emingrantët kanë zgjedhur ti festojnë festat e fundvitit pranë të dashurve të tyre. Përgjatë kësaj jave, policia njofton se kanë hyrë në Shqipëri, përmes pikave kufitare të Kakavijës dhe Kapshticës, mbi 250 mijë shtetas dhe 70 mijë automjete.

Fluksi është shumë herë më i madh se vitin e kaluar. Gjithashtu, kemi marrë masa që të mos kemi radhë të gjata edhe gjatë kthimit të tyre në vendet ku punojnë”, tha Shefi i Stacionit të Policisë Kufitare Kakavijë, Vilson Dine.

Kakavijë, Kapshticë

Masat e marra nga Policia Kufitare eliminojnë radhët e gjata në hyrje.

Përgjatë javës, nëpërmjet pikave të kalimit të kontrollit kufitar kanë hyrë në Shqipëri mbi 250 mijë shtetas dhe 70 mijë automjete.

Policia Kufitare, në të gjitha pikat e kalimit, vijon zbatimin e masave për eliminimin e radhëve dhe krijimin e lehtësirave ligjore, duke aplikuar kontrollet e lehtësuara kufitare.

Njëkohësisht, në Kapshticë e Kakavijë vijon bashkëpunimi mes dy policive, me qëllim që edhe Policia Kufitare greke të aplikojë masa të njëjta për të siguruar një lëvizje të njëtrajtshme dhe eliminuar radhët.

Policia Kufitare ka shtuar edhe kontrollet ne vijën e dytë në dalje, me qëllim parandalimin dhe goditjen e tentativave të mundshme për trafikim të lëndëve narkotike duke përfituar edhe nga fluksi, ku në bazë të analizave të riskut, mjetet me risk kalohen në vijën e dytë dhe në skaner, për kontroll më të imtësishëm.

Në kufirin jeshil janë shtuar patrullimet në bashkëpunim me FRONTEX-in dhe me Policitë Kufitare homologe, me qëllim kontrollin sa më të mirë të kufirit, për të parandaluar dhe goditur paligjshmërinë./abcnews.al

rradhe-1.jpg
in a10:32 | 25/12/2019

Në këto ditë festash numri i shqiptarëve që kthehen në vend është i madh, por ka edhe nga ata që kërkojnë të kalojnë festat në shtetin fqinj. Në doganën e Kapshitcës raportohet një fluks i lartë lëvizjesh.

Burime për abcnews.al bëjnë me dije se gjatë orëve të fundit në Kapshticë kanë hyrë 8260 dhe kanë dalë 2674 shtetas të huaj dhe shqiptarë.

Po ashtu mësohet se aktualisht në hyrje, po punohet me 4 sportele dhe ka lëvizje të shtuar të mjeteve./abcnews.al

ts.jpg
in a12:08 | 24/12/2019

Fluks kalimesh në kufi dhe si të mos mjaftonte kjo autobusët duhet të kalojnë në skaner dhe puna është e organizuar në mënyrë të tillë që orët e pritjes shtohen.

Burime nga kjo pikë kufitare bëjnë me dije se në 48 orë kanë hyrë në vendin tonë 14500 shtetas shqiptarë dhe 2500 të huaj si dhe 5600 automjete, ndërsa kanë lënë vendin tonë 6400 shtetas shqiptarë dhe 1900 te huaj

“Tani është shumë dobët, ka humbur puna e festave”.

Por një pjesë e emigrantëve kthehen në atdhe për festat e fundvitit.

“Vijmë nga Selaniku”, shprehet një tjetër qytetar.

Në 24 orët e fundit kanë dalë nga pika kufitare e kapshticës më shumë se 5 mijë qytetarë, ndërsa kanë hyrë 2 mijë. Pala shqiptare punon me 5 sportele, ndërsa ne anen  greke te kufirit jane ne funksion 4 sportele./abcnews.al

kapshtice-1280x715.jpg
nev ila17:30 | 28/10/2019

Radhë të gjata janë krijuar pasditen e sotme në pikën kufitare të Kapshticës. Vargu i automjeteve ka arritur deri në 1 km. Shkak për këtë problem është bërë një defekt në sistemin grek.

Qindra udhëtarë janë në pritje prej disa orësh në doganë për të hyrë në shtetin grek. Mësohet se po punohet për riparimin e problemit që lëvizja të vijojë normalisht./abcnews.al

Untitled-1-1.jpg
nev ila16:50 | 14/10/2019

Në rrugën Qafë Thanë – Kapshticë pak kush respekton sinjalistiken dhe për këtë shkak qe kthyer nga rrugët risk të lartë. Në të gjithë gjatësinë e segmentit Qafë Thanë -Kapshticë, policia ka evidentuar mbi 600 ndërprerje të rrugës nacionale,të cilat janë potencialisht burim aksidentesh.

Tabelat paralajmëruese dhe detyruese, nuk respektohen. Sidomos kur bëhet fjalë për kufizimin e shpejtësisë, drejtuesit e mjeteve kanë tendencë ta tejkalojnë.

Aksi nacional që lidh Korçën me Kapshticën dhe Qafë-Thanën, është i rrezikshëm, si për drejtuesit e mjeteve ashtu edhe për këmbësorët.

Mungesa e mbikalimeve dhe nënkalimeve në disa kryqëzime, vlerësohet si shkaku kryesor i aksidenteve me pasoja të rënda për jetën dhe shëndetin.

Më problematik është kryqëzimi i Pojanit, në segmentin Korçë-Kapshticë, ku bilanci i viktimave është në rritje.

Drejtuesit e mjeteve ankohen se dalja nga rrugët e fshatit në rrugën nacionale bëhet burim i vazhdueshëm aksidentesh. Po ashtu kalimi i mjeteve bujqësore, mbart të njëjtin rrezik.

Për këmbësorët, kalimi nga një anë e rrugës në tjetrën, mund të rezultojë fatal. Të lëvizin mes makinave që qarkullojnë me shpejtësi, për banorët e zonës është bërë e zakonshme edhe pse e dinë, se kjo mund t’ju kushtojë jetën.

Ndërtimi i mbikalimeve ose nënkalimeve, kërkohet nga  përdoruesit e rrugës, por edhe policia e qarkullimit, si e vetmja zgjidhje, që garanton sigurinë rrugore.

Në të gjithë gjatësinë e segmentit Qafë -Thanë -Kapshticë, policia ka evidentuar mbi 600 ndërprerje të rrugës nacionale, të cilat janë potencialisht burim aksidentesh.

Muajt e verës shënuan dhjetëra aksidente në rrugët e juglindjes, edhe për shkak të shkeljes së rregullave të qarkullimit, përpos standarteve të munguara të rrugëve.

Ndëshkimi me masa administrative dhe penale, të shkelësve të Kodit Rrugor, nuk ka ndikuar në reduktimin e tyre./abcnews.al

OK-EMIGRATENT-KAPSHTICE-MBULIM_ABC-N2-T1.mpg_snapshot_00.00-1280x720.jpg
ent ela13:38 | 20/09/2019

17 refugjatë janë ndaluar nga policia kufitare e Kapshticës. Emigrantët e paligjshëm janë kapur në afërsi të fshatit Trestenik dhe Vernik të Korçës. Shtetasit e ndaluar janë sirianë, irakianë dhe marokenë.

Thuasje çdo ditë në këto dy fshatra kapen emigrantë. Disa prej tyre kërkojnë azil dhe dërgohen në qendrën e azilkërkuesve në Tiranë, ndërsa pjesa tjetër kthehen në vendet e origjinës. /ABC News Albania 24/7

MASA-PER-DREJTUESIN-KAPSHTICE-1280x720.jpg
ent ela17:45 | 04/07/2019

47 vjeçari Olsi Belortaja, do të mbetet në burg deri në fund të hetimit të aksidentit tragjik, që shkaktoi të dielën, duke përplasur me makinë dy gra dhe një fëmijë.

Ngjarja fatale me pasojë 3 viktima ndodhi në afërsi të Kapshticës.

Masa e sigurisë për 47 vjeçarin u caktua nga Gjykata e Korçës.

Prokuroria formuloi tre akuza për autorin e aksidentit, që i mori jetën tre këmbësorëve, “Shkelje të rregullave të qarkullimit, Drejtim mjeti në gjendje të dehur dhe Largim nga vendi i aksidentit”. /ABC News Albania 24/7

 

ilace.jpg
ad min16:45 | 29/06/2019

Policia e Korçës ka arrestuar tre persona si dhe ka proceduar penalisht në gjendje të lirë dy doganierë të Doganës së Kapshticës, për shpërdorim detyre. Gjatë kontrollit që shërbimet e Policisë, kanë ushtruar në mjetin tip “Benz” të shtetasit Y.C, në Korçë, iu gjet e sekuestrua në cilësinë e provës materiale një sasi medikamentesh të dyshuara kontrabandë, të cilën ky shtetas ia kishte marrë shtetasit R.Xh, i cili me mjetin e tij tip “Volkswagen Sharon”, bënte kalimin në mënyrë të kundërligjshme të saj, nga Greqia drejt Shqipërisë, nëpërmjet Pikës së Kalimit Kufitar të Kapshticës, duke shmangur detyrimet doganore.

Njoftimi i policisë

Finalizohet me sukses operacioni antikontrabandë i koduar “Farmacia”.

Arrestohen në flagrancë 3 shtetas, si edhe procedohen penalisht në gjendje të lirë dy doganierë të Doganës së Kapshticës, për shpërdorim detyre.

Sekuestrohen sasi medikametesh të dyshuara si kontrabandë.

Specialistët e Seksioneve për Hetimin e Krimit Ekonomik-Financiar, në Drejtoritë Vendore të Policive Korçë dhe Tiranë, kanë finalizuar me sukses operacionin antikontrabandë të koduar “Farmacia”, si rezultuat i të cilit u bë arrestimi në flagrancë i tre shtetasve:

• Y.C, 47 vjeç, banues në Korçë,
• R.N, 35 vjeç, banues në Tiranë,
• R.Xh, 58 vjeç, banues në Korçë.

Si edhe filloi procedimi penal në gjendje të lirë ndaj dy shtetasve të tjerë:

• K.P, 39 vjeç, banues në Bilisht
• H.Xh, 52 vjeç, banues në Pogradec (të dy me detyrë doganierë pranë Doganës së Kapshticës).

Gjatë kontrollit që shërbimet e Policisë, kanë ushtruar në mjetin tip “Benz” të shtetasit Y.C, në Korçë, iu gjet e sekuestrua në cilësinë e provës materiale një sasi medikamentesh të dyshuara kontrabandë, të cilën ky shtetas ia kishte marrë shtetasit R.Xh, i cili me mjetin e tij tip “Volkswagen Sharon”, bënte kalimin në mënyrë të kundërligjshme të saj, nga Greqia drejt Shqipërisë, nëpërmjet Pikës së Kalimit Kufitar të Kapshticës, duke shmangur detyrimet doganore.

Nga veprimet hetimore të kryera dyshohet se dy doganierët shtetasit K.P dhe H.Xh, kanë shpërdoruar detyrën duke mos ushtruar kontrollin e duhur në brendësi të mjetit tip “Volkswagen Sharon” të shtetasit R.Xh.

Sasinë e medikamenteve shtetasi Y.C, do ta transportonte nga Korça në drejtim të Tiranës, për në farmacinë e shtetasit R.N, gjatë kontrollit të ushtruar në ambjentet e së cilës, iu gjet e sekuestrua një tjetër sasi tjetër medikamentesh me mbishkrime të huaja, të dyshuara si kontrabandë.

Materialet në ngarkim të tyre i kaluan Prokurorisë të Rrethit Gjyqësor Korçë për veprat penale “Kontrabanda me mallra të licencuara”, “Tregtimi dhe transportimi i mallrave që janë kontrabandë”, “Fshehja e të ardhurave”, “Shkelja e të drejtave të pronësisë industrial” dhe “Shpërdorimi i detyrës”.

kapshtice-1280x701.jpg
ent ela11:45 | 11/06/2019

Një 39-vjeçar lindur në Irak dhe banues në Angli u arrestua nga policia kufitare e Kapshticës për llogari të drejtësisë gjermane. Shtetasi iraken ishte shpallur në kërkim ndërkombëtar për “Evazion fiskal në 199 raste”, kryer në kuadrin e organizatës kriminale. Ndalimi i tij u bë në hyrje të Pikës Kufitare të Kapshticës nga Policia Kufitare në bashkëpunim me Interpol Tiranë, me qëllim ekstradimi drejt Gjermanisë. Policia sqaron se gjatë përpunimit dhe verifikimit të të dhënave në sistem, ky shtetas rezultoi në kërkim ndërkombëtar pasi Gjykata e Augzburg, Gjermani, ka lëshuar urdhrin e arrestit ndërkombëtar për veprën penale “Evazion fiskal në 199 raste”. / ABC News Albania 24/7

FRONTEX-EMIGRANTET-1280x720.jpg
ent ela12:27 | 24/05/2019

Operacioni i Frontex duket se ka dhënë rezultatet e para. Mëngjesin e sotëm, në kufirin e gjelbër në Kapshticë janë kapur 23 klandestinë sirianë dhe iranianë, mes tyre edhe 3 fëmijë të mitur. Emigrantët e paligjshëm u kapën nga forcat Frontex dhe policia kufitare, te cilët janë pozicionuar në kufi. Klandestinëve iu morën deklarimet dhe do transportohen drejt qendrës se azilkërkuesve në Tiranë. Frontex sëbashku me oficerët shqiptarë kontrollon aktualisht në të gjithë kufirin e Shqipërisë me Greqinë. /ABC news Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono