Incident

Screenshot_5-2.png
R D13:37 | 05/02/2020

Një ngjarje e paprecedent ndodhi mbrëmjen e djeshme në godinat e Qytetit Studenti. Lideri i PD-së, Lulzim Basha shkoi të takonte studentët në konvikt por teksa ai bisedonte me ta, një kudestare tentoi ta nxjerrë jashtë me argumentin se kishte hyrë pa leje. Jo vetëm kaq! Reagoi zyrtarisht Bashkia e Tiranës, duke dhënë se “dënojmë dhunën e ushtruar ndaj recepsionistes së Godinës nr. 4 në Qytetin Studenti nga qytetari Basha dhe tabori i tij i figurantëve, që prej disa ditësh kanë nisur të xhirojnë klipe nëpër Tiranë. Kemi nisur menjëherë procedurat për denoncimin e tij para organeve ligjzbatuese si dhunues”.

Lulzim Basha i ktheu sot përgjigje kryebashkiakut Veliaj, duke shkruar :  “Ju bëj thirrje atyre që kanë zgjedhur rrugën e kërcënimeve dhe intimidimeve që ti vënë gishtin kokës. Askush dhe asgjë nuk do ti ndalë njerëzit që të dëgjohen dhe ta thonë fjalën e tyre”.

Reagimi i plotë i Bashës

Ngjarjet e mbrëmshme janë një pasqyrë e qartë e realitetit me të cilën përballet Shqipëria.

Mbrëmë isha ftuar nga disa studentë për të parë si jetojnë dhe për të dëgjuar shqetësimet e tyre. Studentët tanë janë e ardhmja e këtij vendi, shqetësimet e tyre janë shqetësimet tona.

Kjo është rruga që kemi zgjedhur ne. Rruga e të dëgjuarit, rruga e përfaqësimit të vërtetë të të gjithë shqiptarëve.

Kur mbërritëm në godinë u takuam me një punonjëse të konviktit, e cila na kërkoi të largoheshim. Kjo porosi erdhi nga lart.

Kjo në fakt është rruga tjetër. Rruga e frikësimit dhe kërcënimit të njerëzve për t’ju mbyllur gojën dhe për ti mbajtur të nënshtruar e nën kontroll.

Për mua politikanët duhet të jenë shërbëtorë të popullit, jo e kundërta. Prandaj nuk do të lejoj askënd që të më pengojë të dëgjoj problemet e bashkëqyetarëve të mi dhe të përpiqem t’i ndihmoj ata. Kjo është arsyeja pse u bëra pjesë e jetës publike.

Ju bëj thirrje atyre që kanë zgjedhur rrugën e kërcënimeve dhe intimidimeve që ti vënë gishtin kokës. Askush dhe asgjë nuk do ti ndalë njerëzit që të dëgjohen dhe ta thonë fjalën e tyre.

incidenti-ruso-amerikan.jpg
nev ila18:04 | 10/01/2020

Media amerikane CNN ka njoftuar ditën e sotme se është shënuar një incident dhe një provokim nga pala ruse në detin arabik. Një anije luftarake ruse “iu afrua ne mënyrë agresive” një anijeje luftarake të marinës amerikane ndërsa ishte duke vepruar në Detin Arabik të Veriut këtë të enjte, duke injoruar paralajmërimet nga anija amerikane dhe duke rritur rrezikun e një përplasjeje, ka raportuar CNN.

Video e incidentit, tregon se anija luftarake ruse afrohet me shpejtësi drejt USS Farragut, duke iu afruar deri në 180 m largësi anijes amerikane përpara se të ndryshonte plotësisht kursin. Ky njoftim ka ardhur nga zyrtarët e mbrojtjes amerikane.

 

Incidenti është shembull i tregimit të forcës midis forcave ushtarake amerikane dhe ruse,  që zyrtarët amerikanë e kanë cilësuar si të pasigurt dhe provokues.

Ky incident vjen afro shtatë muaj pas incidentit tjetër, që ndodhi në oqeanin Paqësor, kur anijet luftarake amerikane dhe ruse iu afruan aq afër njëra tjetrës, saqë anijes amerikane iu desh të kryente një manovrim urgjent, për të shmangur një përplasje.

Në një deklaratë Flota e marinës amerikane e cila mbikëqyr operacionet detare në lindjen e mesme tha:

“Të enjten, 9 janar, ndërsa “USS Farragut” po kryente operacione rutinë në Detin Arabik,  u afrua në mënyrë agresive një anije e Marinës ruse“.

“Farragut dha sinjalin detar ndërkombëtar për rrezikun e një përplasjeje, dhe kërkoi që anija ruse të ndryshojë kursin në përputhje me rregullat ndërkombëtare detare. Anija ruse fillimisht refuzoi, por më pas ndryshoi kursin“, thuhet në këtë deklaratë.

Anija ruse përfundimisht u largua pasi u vendos komunikimi përmes radios me anijet shkatërruese amerikane.

Një zyrtar i marinës amerikane thotë se “USS Farragut” është pjesë e grupit të transportuesve të avionëve “USS Harry S. Truman” dhe “Farragut” të cilat kanë për detyrë të përgjojnë anijet e mundshme të armikut, dhe t’i parandalojnë ata të afrohen tek transportuesi i avionëve.

Pas incidentit të qershorit, Marina amerikane akuzoi një anije luftarake Ruse, se kishte ndërmarrë një veprim dyshues dhe provokues, duke u afruar në largësinë 100 metra nga “USS Chancellorsville”, duke detyruar anijen amerikane të kryejë një manovër emergjente për të shmangur një përplasje.

Në videon e marrë nga anija amerikane, të dy anijet afrohen aq shumë sa që marinarët rusë mund të shihen duke bërë banjë dielli në skajin e anijes së tyre./abcnews.al

5e8c90b1-d440-49db-955d-f25653a48163-1280x710.jpg
in a18:04 | 01/01/2020

Papa Françesku u ndodh në një situatë të sikletshme, ndërsa përshendetej mbrëmë me besimtarët në Sheshin Shën Pjetri në Vatikan. Ai hasi në rezistencen e një gruaje me tipare orientale që nuk ia lëshonte dorën për disa sekonda. Francesku u ndje i bezdisur dhe i ra me dorën tjeter gruas që e mbante të shternguar. Pas videos, që u bë virale në rrjetet sociale, Papa ka kërkuar falje.

Gjatë fjalimit që ka mbajtur në Vatikan, Papa Françesku ka kërkuar falje duke u shprehur se ndjehet i keqardhur për shembullin e keq.

“Rilindja e njerëzimit filloi me gratë. Ato janë burim i jetës. Por pavarësisht kësaj, ato vazhdimisht ofendohen, rrihen, përdhunohen, detyrohen të prostituojnë veten dhe të shtypin jetën që mbajnë në barkun e tyre. Dhuna ndaj grave është përdhosje e Zotit, që u lind nga gruaja dhe shpëtimi i njerëzimit erdhi po nga gruaja”, u shpreh Papa.

Mijëra besimtarë nga e gjithë bota e pritën vitin e ri në sheshin Shën Pjetër, duke u lutur për paqe, dashuri dhe një ambient më të pastër. /abcnews.al

fshati-1.jpg
in a14:15 | 06/11/2019

A serious incident occurred recently in Shkodra, One person has been killed after the gunshots.
The event took place in the village of Sume in Dukagjini. The victim is Gjergj Krygja, 43, who, according to police, has been killed in unclear circumstances.
Simon Shkreli, a journalist, tells for abcnews.al  that Krygja was killed inside his apartment and is the father of three children.

Police services and the investigation team are investigating the causes of the crime to clarify the circumstances of the incident. /abcnews.al

incidenti-1280x720.jpg
ad min13:51 | 26/09/2019

Kryetarja e grupit parlamentar demokrat Rudina Hajdari ishte në një shkollë të mesme në Shkodër, për të zhvilluar një takim me të rinjtë. Biseda nuk ka qenë e qetë.

Tre javë pasi premtoi se do të niste komunikimin me shqiptarët Rudina Hajdari zhvilloi një takim me të rinjtë e shkollës “Shejnaze Juka”. Më herët, deputetja ofroi rrogën e saj për dëmtimet që ishin shkaktuar nga djegia e kësaj godine ku ishte vendosur KZAZ-ja për zgjedhjet e 30 Qershorit.

Kur ajo mori fjalën njëri prej të rinjve, i pranishëm në takim e ndërpreu duke e akuzuar se përfaqëson kryeministrin Edi Rama. Më pas Hajdari e fton gjimnazistin ta thotë në mikrofon mendimin e tij para bashkëmoshatarëve.

Pas incidentit deputetja Hajdari zgjodhi të flasë për nevojat që kanë shkollat për arsimin cilësor./ABC News Albania  24/7

shkoder.jpg
ad min12:30 | 17/06/2019

Një incident është regjistruar në Shkodër mes forcave të policisë dhe punonjësve të Bashkisë. Në KZAZ-në e këtij qyteti në pallatin e sportit “Vllaznia”, policia dhe FNSH donin të fusnin materialet zgjedhore për 30 Qershorin.

Por punonjësit e baskisë dhe ish-deputetë të PD-së, si Bardh Spahia, nuk i kanë lejuar të futen brenda dhe kanë mbyllur dyert. Ata kërkojnë lirimin e kësaj qendre votimi, në respekt të dekretit të lëshuar nga Presidenti për shtyrjen e zgjedhjeve vendore të 30 Qershorit.

Më herët, kryetarja e Bashkisë Voltana Ademi i kishte dërguar letër policisë për të qenë prezente gjatë lirimit të ambienteve./ABC News Albania 24/7

behgjet-pacolli.jpg
ad min13:06 | 20/07/2018

Në një intervistë për mediat kosovare, zv/kryeministri dhe ministri i Jashtëm i vendit, Behgjet Pacolli shpjegoi atë që kishte ndodhur në momentin që fluturimi për në Bruksel u drejtua për në Beograd. Në një moment që në bordin e avionit në pronësi të tij ndodheshin ish-komandantë të UÇK-së.

Avioni në pronësi të zëvendëskryeministrit dhe ministrit të Jashtëm të Kosovës, Behgjet Pacolli, për pak përfundoi në Serbi në një fluturim që ishte planifikuar të shkonte në Bruksel.

Pacolli ndodhej në bord së bashku me liderët e shtetit dhe njëkohësisht ish-krerët e UÇK-së. Në një intervistë për mediat kosovare ai ka treguar momentin, kur vuri re se aeroplani ishte nisur drejt Serbisë. Madje, Pacolli thotë se ka nisur një hetim lidhur me drejtimin e aeroplanit drejt Serbisë.

Ministri i Jashtëm i Kosovës tregon se kishte dëgjuar pilotin Beogradin dhe në moment i ka thënë të ndryshojë drejtim. Por, Pacolli ka treguar edhe për mënyrën e kthimit të avionit.

Ai pranoi hapur se iu desh të gënjejë në mënyrë që avioni të ndryshonte drejtimin, duke u larguar nga Serbia.

Në momentin që zëvendëskryeministrit i është kërkuar një arsye se pse kdëshironte ndryshimin e drejtimit të fluturimit, Pacolli ka thënë se një nga pasagjerët në bord ishte i sëmurë./abcnews.al

dita-e-bastijes.jpg
ad min09:16 | 15/07/2018

Përvjetori i Ditës së Bastijës në Francë nuk ka shkuar tërësisht sipas parashikimeve. Gjatë paradës madhështore, dy motorë të xhandarmërisë franceze nuk kanë koordinuar mirë lëvizjet dhe janë përplasur me njëri-tjetrin. Për fat të mirë impakti nuk ka patur pasoja tek drejtuesit pasi dy mjetet po lëviznin me shpejtësi të ulët dhe nuk kanë prishur koreografinë e mjeteve të tjera.

Në paradën e mbajtur përgjatë shëtitores Champs Elysees morën pjesë 4 mijë e 290 ushtarë, 220 automjete, 250 kuaj, 64 avionë dhe 30 helikopterë. Ndërkohë, 12 mijë anëtarë të forcave të sigurisë u mobilizuan në mbarë Parisin për ditën e 14 korrikut por edhe në prag të finales së Botërorit që mbahet pasditen e së dielës, ku Franca sfidon Kroacinë./abcnews.al

haradinaj12.jpg
ad min13:30 | 10/06/2018

Eventi i organizuar nga kryeministria kosovare për 140-vjetorin e Lidhjes së Prizrenit nuk kaloi pa incidente. Ramush Haradinaj largoi me forcë një grua që dolu në foltore pa ftesë. Zonja në fjalë pretendonte se ishte pasardhëse e gjeneral Mehmet Derrallës.

Ceremonia e shënimit të 140-vjetorit të Lidhjes së Prizrenit nuk ka kaluar pa incident. Në eventin e organizuar nga kryeministria e Kosovës, një pasardhëse e gjeneral Mehmet Derrallës doli në foltore pa ftesë gjatë akademisë solemne. Por ky veprim i saj nxiti Ramush Haradinajn që të reagojë dhe të ia ndërpresë fjalimin.

“Profesor, etnograf të nderuarit dhe të rrojtët rrogozit, kam fatin që jam pasardhësja e vetme e lindjeve të djemve të gjeneral Mehmet Derrallës, që iu besua posti i Ministrisë së Luftës në Qeverinë e Ismail Qemalit. I vetmi anëtar që përfaqësoi trojet që sot janë mbetur jashtë Shqipërisë londineze, shpreh keqardhjen e thellë që jo vetëm në kohën e komunizmit, kam pasur babën në burg vetëm pse ka qenë djali i Mehmet Derrallës”.

Fjalimi i saj nxiti kryeministrin Ramush Haradinaj që të reagojë personalisht, duke e kapur për dore zonjën për ta larguar nga foltorja. Ajo reagoi duke i thënë kryeministrit që nuk ka të drejtë ta tërheqë për dore në atë formë. Më pas reaguan organizatorët dhe e larguan zonjën, e cila dëgjohej po ashtu duke u grindur edhe mbrapa skenës. Kryeministri e mori fjalën shkurt në foltore, duke thënë se ceremonia vazhdon sipas agjendës./abcnews.al

shqiptari.jpg
ad min12:40 | 13/05/2018

Një incident i paprecedentë ndodhi mbrëmjen e së shtunës gjatë finales së Eurovision.

Kur SuRie, këngëtarja që përfaqësonte Britaninë e Madhe po performonte, një spektator u ngjit në skenë dhe i mori mikrofonin nga dora duke bërtitur se e bënte për nazistët e mediave britanike dhe për lirinë.

Ai u shoqërua menjëherë nga rojet e sigurimit. Ndërkohë që në bluzën e tij shkruhej “Punët e mafias shtetërore britanike: Media britanike”, ndërsa poshtë “Porositeni në Amazon”.

Sipas mediave britanike, ai është një reper me origjinë shqiptare, quhet Kostandin dhe njihet me emrin e artit si Dr. A.C. Kjo nuk është hera e parë që ai ndërpret një event live./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono