Hygor
LONDON, ENGLAND - MARCH 10: Prince Charles, Prince of Wales speaks on stage at the WaterAid water and climate event at Kings Place on March 10, 2020 in London, England. The Prince of Wales has been President of WaterAid since 1991. (Photo by Tim P. Whitby - WPA Pool/Getty Images)

hygor.png
Vladimir Prenga09:39 | 29/03/2020

Momente të vështirë për çdo qytet në vendin tonë. Shkodra nuk bën përjashtim dhe gjatë kësaj periudhe janë të shumtë njerëzit që mundohen të japin kontributin e tyre për ata që kanë nevoja jetike, siç është sigurimi i ushqimit.

Tre lojtarë të Vllaznisë i janë bashkuar iniciativës për të ndihmuar dhe diçka të tillë e bën me dije braziliani Hygor, i cili ka bërë një postim në llogarinë e tij në “Instagram”. Mesfushori tregon se i janë bashkuar nismës së dy miqve të tij, që kishin iniciativën.

“Faleminderit miqve të mi @rosevianapina dhe Eduardo për iniciativën. Puna juaj është e bukur. Urime, gjithmonë na llogarisni edhe ne. Zot do vazhdojë tua bekojë jetën. Të tre ne, unë, Silvio dhe Eugen, arritëm vetëm të shtojmë diçka. Bota ka nevojë për bamirësi. Zoti i ndihmoftë të gjithë. Ne jemi bashkë”, shkruan Hygor mes të tjerash në llogarinë e tij në “Instagram”. /abcnews.al

cungu-1.jpg
Vladimir Prenga09:58 | 26/01/2020

Një deklaratë e Armando Cungut në fillim të kampionatit solli shumë polemika. I ftuar në emisionin “Rubrik Sportive” në RTSH, trajneri shkodran komentoi paraqitjen e brazilianit Hygor, i cili shënoi një gol nga distanca. Pavarësisht kësaj, për Cungun paraqitja në atë ndeshje nuk ishte në nivel.

“Ishte pika më e dobët e Vllaznisë. Megjithëse nuk duhet të flasim para kohe, pasi është java e parë. Unë nuk pashë asgjë të duhur tek ai. Në Shkodër i thonë ‘ia mbush shejtani’ dhe i dha tri pikë. Pas ndeshjes ai tha vetë: ‘Isha me pushime dhe më thanë hajde në Shkodër’”, deklaronte asokohe Cungu, të cili vetë braziliani i është përgjigjur.

Hygor, duke festuar me Gilman L:iken dhe Ardit Krymin

Pas ndeshjes së djeshme, Vllaznia-Laçi, trajneri shkodran i është rikthyer së njëjtës temë. Sigurisht kanë qenë gazetarët që e kanë ngacmuar dhe Cungu është shprehur kështu: “Mua nuk më shqetëson aspak, mua më shqetësojnë njerëzit që nuk e kuptojnë se çfarë është futbolli apo që kanë probleme të tjera me veten.

Më shqetësoni ju gazetarët që nuk arrini të shikoni ekzaktësisht idenë dhe kontekstin e asaj se çfarë kam thënë me zë e figurë. Unë atë ditë kam thënë në një studio televizive dhe e pranoj sërish, lojtari ndoshta jo në ditën dhe formën më të mirë, me një goditje i dha fitoren Vllaznisë. Në Shkodër është një proverb, që edhe ju si shkodranë duhet ta dini.  E kam thënë edhe që është herët për të paragjykuar çdo lojtar apo prurje të Vllaznisë.  Më shumë ishte një batutë humoristike, jo për të fyer futbollistin. Ju bini pre e disa njerëzve që nuk kanë as nivelin më të vogël dhe unë nuk e kam ndërmend të bie në atë nivel”.

Armando Cungu, gjatë ndeshjes Laçi-Tirana (©photosport.al Instragram)

EMOCIONET – “Normalisht kam emocione, nuk mund të bëj hipokritin. Këtu është qyteti im, është zemra ime, këtu kam luajtur futboll, këtu kam dalë.  Këta tifozë më kanë përkrahur, kam luajtur gati 10 vite me Vllazninë, po kështu si trajner kam kontribuar në gjendje lufte. Shumëkush ndoshta nuk ka dashur ta dijë, por realisht kam punuar me mish e me shpirt deri edhe në rrezikun tim, për të mbrojtur Vllazninë, ngjyrat e saj dhe për ta mbajtur në ligë. Ka njerëz që kanë mendime të tjera, është e drejtë e tyre. Unë vazhdoj përpara, jam shumë korrekt me të gjithë njerëzit që kam punuar, kështu që nuk më shqetëson asgjë

Emocionet janë, e thashë, pasi vij në qytetin tim, vij kundër historisë time si futbollist dhe si trajner, ndaj nuk është e lehtë të zbresësh në Loro Boriçi, këtë tempull të futbollit shqiptar”. Laçi i Cungut doli dje me një pikë nga stadiumi “Loro Boriçi” dhe tani mendon për ndeshjen e radhës, këtë herë në shtëpi dhe ndaj një ekipi si Skënderbeu. /abcnews.al

hygor-dhe-junior.jpg
Vladimir Prenga08:29 | 23/01/2020

Hamdi Salihi ka qenë një nga ata lojtarë që i pëlqente të shënonte me akrobaci. Disa herë e ka dërguar topin në rrjetë me roveshatë, ndërkohë që në Shkodër tashmë diçka të tillë e bëjnë brazilianët.

Të martën ishte Hygor që realizoi një gol shumë të bukur kundër Flamurtarit. Sulm nga e djathta, krosim i Gligorov në zonë dhe mesfushori brazilian me roveshatë e shtangu portierin Shpëtim Moccka. Duartrokitje nga tifozët, për perlën e realizuar.

GOLI IDENTIK – Një vit më parë, në fund të muajit mars, një tjetër brazilian shënonte për Vllazninë në të njëjtën mënyre. Ishte sulmuesi Silvio Junior, i cili në të njëjtën portën, nga një krosim nga po i njëjti pozicion, ekzekutonte me roveshatë topin e hedhur në zonë nga Arsid Kruja. /abcnews.al

Vllaznia-Hygor.jpg
Veronik Istrefaj16:22 | 21/01/2020

Mesfushori brazilian i Vllaznisë, Hygor, shënoi një gol shumë të bukur në atë fitore 2-0 të ekipit shkodran kundër Flamurtarit. Pas ndeshjes, Hygor foli për Supersport, aty ku u shpreh:  “Jam shumë i lumtur, kisha shumë emocione.

Faleminderit Zotit që më ndihmoi të bëj një gol shumë të bukur. Dua të falënderoj familjen në Brazil, të gjithë njerëzit, tifozë të Vllaznisë, që më kanë dhënë shumë forcë.

Merkato? Te Vllaznia shoh një grup shumë të mirë, futbollistë që kanë shumë kualitet dhe që do të arrijnë një pozicion edhe më të mirë në kampionat”, përfundoi Hygor./abcnews.al

hygor.jpg
ad min09:15 | 13/12/2019

Ditë e trishtueshme për mesfushorin e Vllazninë, brazilianin Hygor. I larguar drejt vendlindjes që në mesin e muajit nëntor, futbollistit të shkodranëve i është dashur të kalojë një dramë. Nëna e tij kishte probleme me zemrën dhe mbrëmjen e djeshme është ndarë nga jeta.

Hygor kishte shkuar në Brazil për t’i qëndruar pranë, me shpresën se ajo do t’ia dilte. Nuk ka ndodhur kështu, ndërkohë që mesfushori ka ndarë edhe një mesazh me gjithë miqtë e tij në rrjetet sociale, të cilët i falënderon për mesazhet dhe lutjet e bëra që nëna e tij të shpëtonte.

Hygor, me të afërmit e tij në spital

Fjalë zemre edhe për nënën e tij, e cila ka lënë këtë botë: “Pushofsh në paqe nënë! Do të dua gjithmonë. Ti ishe dhe do të jesh gjithmonë dashuria ime e madhe. Faleminderit për të gjitha mësimet dhe për formimin e një personi dinjitoz dhe me karakter. Faleminderit të gjithë miqve që më dërguan mesazh. Me vjen keq që nuk mund t’i përgjigjem të gjithëve tani. Faleminderit për lutjet tuaja”. /abcnews.al

daja-skenderbeu-1280x853.jpg
Vladimir Prenga08:49 | 06/11/2019

Skënderbeu pësoi katër gola në shtëpi nga Laçi në fundjavë, ndërkohë që sikurse dihet korçarët janë të përjashtuar për dhjetë vite nga kupat e Europës. Veç kësaj, UEFA e ka gjobitur klubi juglindor edhe me 1 milion euro gjobë. Sikurse kuptohet, edhe situata financiare në kampin korçar nuk mund të jetë më e mira.

Edhe vjet ka pasur probleme pagash, por ajo që ka ndodhur para ndeshjes me Laçin nuk ishte pritur. Sikurse raporton “Panorama Sport”, futbollistët nuk janë lejuar që të ushqehen te restoranti i zakonshmen dhe shkak për këtë thuhet të jetë mungesa e korrektësisë nga ana e klubit Skënderbeu.

Versioni i klubit, sipas gazetës, është se nuk ka dakordësi për çmimin e menysë. Gjithsesi kemi të bëjmë me një situatë jo normale, që është zgjidhur duke bërë marrëveshje me një restorant tjetër, ku tanimë lojtarë e Skënderbeut do të ushqehen në vazhdim.

Hygor gjatë prezantimit te Vllaznia

VLLAZNIA – Shkodranët nuk e kanë përjetuar mirë humbjen me Bylisin në shtëpi dhe normalisht kritikat nuk kanë munguar për lojtarët. Trajneri Mirsad Jonuz së fundmi ka marrë një lajm jo të mirë. Mesfushori brazilian, Hygor, pas ndeshjes së të premtes me Tiranën do të largohet drejt vendlindjes.

Ai ka marrë leje për shkak të disa problemeve familjare, ndërkohë që nuk dihet nëse ai do të rikthehet sërish në Shkodër për të vijuar zbatimin e kontratës mes palëve. Hygor ka luajtur në tetë ndeshje me kuqeblutë dhe ka shënuar tre gola, mes tyre një trepikësh në ndeshjen hapëse të kampionatit kundër Laçit. /abcnews.al

hygor.jpg
Vladimir Prenga16:21 | 24/10/2019

Vllaznia mori pikët e plota me Flamurtarin, por në Shkodër nuk ka kohë për festë. Kuqeblutë të dielën i pret një transfertë e vështirë me Laçin dhe trajneri Mirsad Jonuz ka zbritur në fushë së bashku me ekipin që ditën e sotme.

Para ndeshjes me kurbinasit ka një lojtar që shqetëson dhe ai është mesfushori brazilian Hygor, autor edhe i golit të fitores ndaj Laçit në sfidën hapëse të kampionatit. Lojtari në fjalë po vijon të kryejë fizioterapi, në mënyrë që të kalojë dëmtimin në pulpë.

Në kampin shkodran ka shumë optimizëm dhe synohet që të mos dilet pa pikë nga Laçi. Ecuria e Vllaznisë në fazën e parë ka qenë mjaft e mirë, teksa skuadra e Jonuz ka grumbullar 15 pikë dhe renditet në pozicionet e sipërme të tabelës. /abcnews.al

hygor.jpg
Vladimir Prenga12:15 | 08/10/2019

Vllaznia triumfoi kundër Kukësit dhe mori pikët e plota, çka i dha shkodranëve vendin e parë në klasifikim. Gjithsesi në Shkodër nuk fluturojnë, pasi e dinë shumë mirë se ka shumë ndeshje dhe gara deri në fund do të jetë e vështirë.

Braziliani Hygor, autori i goli të parë me Kukësin, deklaron: “Jemi të parët, por tani ka nisur kampionati. Ka shumë ndeshje dhe duhet t’i shohim ndeshjet hap pas hapi. Duhet të mendojmë për Partizanin, të pushojmë pak tani dhe më pas të stërvitemi për ndeshjen e radhës”.

I pyetur për ecurinë e Vllaznisë, ai shton: “Trajneri është i ri. Kemi një miks mes lojtarëve me eksperiencë dhe atyre të rinj, kjo është rruga e duhur. Mund të fitojmë dhe të bëjmë edhe më shumë. Tani kemi më shumë besim dhe jemi në një moment shumë të mirë. Mund të bëjmë edhe më shumë këtë sezon”.

Hygor ka edhe një dedikim për golin: “Jam shumë i lumtur për golin. Zoti po më ndihmon. Kam shënuar tre gola dhe jam shumë i kënaqur. Nuk mund ta përshkruaj se si ndihem për golin. Dedikim? Goli ia dedikoj djalit tim. Më tha që nëse shënoj të festoj duke iu drejtuar Zotit. Shënova dhe bëra atë që ai më tha”. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono