gjonaj

WhatsApp-Image-2020-03-25-at-17.38.37.jpeg
eri Ida17:58 | 25/03/2020

Ministrja e Drejtësisë Etilda Gjonaj në mbledhjen e kësaj të mërkure me kryeministrin Edi Rama ka dhënë detaje në lidhje me aktin normativ që është miratuar një ditë më parë në lidhje me të burgosurit që pritet të lënë qelitë.

Gjinaj në fjalën e saj është shprehur se rreth 600 është numri total i të dënuarve që pritet të lënë qelitë si përfitues nga akti normativ për situatën emergjente nga COVID-19.

Ndër të tjera ajo ka theksuar se ky është një numër që mund të ulet nëse nuk plotësojnë kushtet që janë vendosur si kritere bazë për të burgosurit që do të lënë qelitë.

Drejtori i burgjeve ka nxjerrë udhëzimet për ngritjen e komisioneve që të shqyrtojnë dosjet e të dënuarve që përfitojnë. Janë miratuar tre formularët fiks, i pari që plotësohet kërkesa nga i dënuari, i dyti që ka të bëjë me deklaratën e përgjegjësisë që merr i dënuari për përfituar për të qëndruar në shtëpi dhe i treti, që paraqet cdo familjar që jep pëlqimin. Janë publikuar në faqen e drejtorisë së burgjeve. Komisioni ka 5 ditë afat, po komunikon me familjarët që figurojnë nga paraqitja e kërkesave nga të dënuarve, për dokumentet që duhet të sjellin.

Sa i përket dokumentacionit që kërkohet, janë një vërtetim i banesës, dokumentacione që sigurohen  nga vetë drejtoria e burgjeve, certifikata familje për të kuptuar lidhjen dhe gjithashtu një deklarata e përgjegjësisë. Kanë komunikuar me prokuroritë dhe policët për kriteret ndaluese që përbanë akti nëse këta persona janë në proces hetimi tjetër, apo kanë rrezikshmëri apo edhe institucionet e tjera.

 Numri total është 600, por kjo nuk do të thotë se do të jetë ky numri final, mund të ketë ulje, nëse disa të dënuar nuk do të garantojnë garancinë për garantuar rendin dhe sigurinë. Të dënuarit që do të lirohen duhet kenë kontakt me drejtorinë e burgjeve njëherë në ditë dhe policinë dy herë në ditë” tha Gjonaj./abcnews.al

gjonajjj-1280x664.jpg
eri Ida11:37 | 03/03/2020

Ministrja e Drejtësisë Etilda Gjonaj, ka theksuar këtë të martë se rezultatet e punës së prokurorisë me drejtësinë e re, do të ndikojnë në ecurinë e vendit drejt BE-së.

Gjonaj e pranishme në konferencën “Sfidat e Prokurorisë së Përgjithshme në Dritën e Reformës në Drejtësi”, është shprehur ndër të tjera se reforma në drejtësi ka sjellë një kontribut në reformimin e drejtësisë penale.

Sipas saj ndryshimet ligjore i dhanë rol të ri prokurorisë duke garantuar pavarësi të plotë në hetim

“Më vjen mirë që koncidon me një lajm pozitiv të Komisionit Europian për Shqipërinë, duke nënvizuar rezultatet e reformës në drejtësi. Si ministre dëshiroj të nënvizoj rolin thelbësor të saj. Integrimi europian është një aspiratë e shqiptarëve, një ëndërr e papërmbushur. Është detyrë e gjithë institucioneve të drejtësisë. Është sfida jonë e përbashkët për të bashkërenduar veprimet tona, për të siguruar rezultate të prekshme. Reforma në drejtësi ka sjellë një kontribut në reformimin e drejtësisë penale. Ndryshimet ligjore i dhanë rol të ri prokurorisë duke garantuar pavarësi të plotë në hetim. Forcimi i pavarësisë duhet të shoqërohet edhe me konsolidimin e mekanizmave institucionalë që ndëshkojnë cdo lloj fryme të korrupsionit”, tha ministrja.

Ndër të tjera Gjanok ka theksuar se vettingu është një proces i vështirë, por jetik për besueshmërinë e qytetarëve.

“Reforma në drejtësi nuk është thjesht ndryshim ligjesh, por ndryshim i qasjes së prokurorëve dhe gjyqtarëve. Vettingu është një proces i vështirë, por jetik për besueshmërinë e qytetarëve. Një numër i lartë i prokurorëve e kanë kaluar këtë test, dhe ky është tregues pozitiv për ju. Integriteti është faktor kyc për besimin te reforma në drejtësi. Vlerësoj rolin e grave në radhët e prokurorisë. Bëjnë një punë shumë të vështirë, duke u përballur edhe me mentalitetin. Mbetem avokate e fortë e promovimit të tyre brenda sistemit. Me parashikimet e reja ligjore është e nevojshme të atashohen prokurorë më eksperiencë.” u shpreh Gjonaj./abcnews.al

bardhiiiiiiiii.jpg
eri Ida16:18 | 21/02/2020

Partia Demokratike mbështet akuzat e kreut të shtetit Ilir Meta ndaj ministres së Drejtësisë Etilda Gjonaj. Sekretari i Përgjithshëm i Partisë Demokratike Gazmend Bardhi është shprehur se ministrja e Gjonaj duhet të thotë sot pse shkeli ligjin dhe Kushtetutën.

Përmes një postimi në Facebook, Bardhi shkruan se SPAK detyrën më të rëndësishme ka hetimin e krimit të kushtetues për kapjen e Gjykatës Kushtetuese nga organizata mafioze në pushtet.

“Nuk ka asnjë detyrë më të rëndësishme tani për SPAK sesa hetimi i krimit kushtetues për kapjen e Gjykatës Kushtetuese nga organizata mafioze në pushtet. Në vend të lojrave me sms-të e shefit, Etilda Gjonaj duhet të thotë sot pse shkeli ligjin dhe Kushtetutën. Duhet të mos fshihet pas sms-ve të shefit, por të japë llogari pse veproi si sekretare e Ardian Dvoranit për të grabitur padrejtësisht një vend në Gjykatën Kushtetuese për llogari të Edi Ramës. Heshtja për krimin e kryer është pohim! Ai duhet hetuar dhe ndëshkuar!”, shkruan Bardhi./abcneës.al

gjonaj-1.jpg
nev ila18:40 | 31/01/2020

Ministria e Drejtësisë, Etilda Gjonaj këtë të premte ka zhvilluar një takim në lidhje me vijueshmërinë e reformës në drejtësi. Në këtë takim janë të pranishëm ambasadori i BE, Luigi Soreca dhe Ambasadorja e SHBA-së Yuri Kim. Në fjalën e saj Gjonaj është shprehur se pret që procesi i vetingut të jetë sa më objekti dhe të shënojë hapa përpara për të eleminuar proceset që kanë ngelur në pritje.

“Presim që vetingu përmes një procesi objektiv të paanshëm të shënojë hapa përpara, duke eleminuar zvarritjen e proceseve të cilët shkaktojnë pabesueshmeri. Presim që institucionet e reja të drejtësisë të deshmojnë përgjegjësi, rol proaktiv dhe transparencë në vendimarrje. Opinioni publik pret një angazhim proaktiv në vendimarrjen e tyre, duke pritur gjyqtarë e prokurorë të mos e shndërrojnë këtë periudhë në një hapësirë korruptimi dhe duke shuar shpresën e reformës. SPAK ka hedhur hapat e parë në pritje të Byrosë së Hetimit për të pritur, në luftën kundër korrupsionin dhe krimin e organizuar ne i mbështesim fort. Këtu jemi të gjithë aktorët dhe partnerët kyç të përfshirë në zbatimin e reformës. Secili nga ne ka përgjegjësitë e veta ndaj bashkëpunimi midis nesh është një vlerë e shtuar e domosdoshme për ta bërë më aktive dhe më efektiv qëllimin për përmbushjen e misionin tonë në reformën e drejtësisë,” është shprehur Gjonaj.

Gjithashtu ministrja është shprehur se në fokus të qeverisë dhe të ministrisë është vëmëndja e zbatimit të reformës në drejtësi. Sipas saj ajo është pasaporta më e mirë për hapjen e dyerve drejt BE-së.

“Qeveria, Ministria e Drejtësisë i kanë dhënë dje dhe vijojnë të japin mështetje të pakufizuar institucioneve të drejtësisë, si në infrastrukturë e në asisencë. Kontributi i BE dhe i SHBA që kanë qenë faktor kyc me nisjen e reformës në drejtësi, për miratimin dhe zbatimin e saj dhe të tillë do të mbeten deri në fund. Shqipëria është në prag të negociatave reforma në drejtësi është pasaporta e hapjes së derës drejt BE-së. Ne që jemi në këtë sallë jemi aktorët kyç për ta mundësuar këtë gjë, është koha për të marrë përgjegjësitë tona dhe të garantojmë reformën në drejtësi”, eshte shprehur ministrja e Drejtesise./abcnews.al

etildaaaa.png
R D14:13 | 24/12/2019

Qeveria miratoi në mbledhjen e sotme projektligjin për amnistinë që do duhet të kalojë në parlament për tu bërë i zbatueshëm. Ministrja e Drejtësisë Etilda Gjonaj tha se “kemi patur në fokus gratë dhe të miturit e dënuar”.

Kësisoj nga aministia do të përfitojnë gjysma e grave të dënuara. Ajo tha se aktualisht janë në burg 56 gra, dhe gjysma e tyre (28) do të dalin menjehere sapo të miratohet ligji nga parlamenti.

Po kështu 28 gra te tjera që mbeten në qeli do përfitojnë 1/3 ulje dënimi. Sakaq pritet të lirohen edhe 4 të dënuar të mitur, dhe dy të tjere perfitojne 1/3 ulje dënimi.

Ministrja Gjonaj tha se nga amnistia do të përfitojnë edhe një numër i konsiderueshëm burrash.

“Përfitojnë ata burra që janë të dënuar deri ne 2 vite burg, ose që ju kanë mbetur për të vuajtur edhe 2 vjet burg, si dhe burrat mbi 60 vjeç që s’janë dënuar për vepra të rënda penale.

“Tashmë besojmë se edhe Kuvendi do të jetë dakord me Qeverinë, në mënyrë që dita kur këta persona të lirohen të jetë e afërt”, tha Gjonaj. /abcnews.al

67cc8c9d-96a3-42b4-905d-d40401dc2c53-1280x960.jpg
ent ela11:17 | 15/11/2019

Numri një i antimafias italiane, Federiko de Raho, lëshoi akuza të forta për bashkëpunim mes njerëzve të krimit dhe pushtetarëve shqiptarë. Nga Tirana, De Raho foli edhe për lidhje të ngushta mes kriminelëve në Shqipëri dhe Ndraghetas italiane, e cila e ka shtrirë aktivitetin kriminal përtej kontinentit.

Prokurori italian i Antimafies, De Raho deklaroi në Tiranë se krimi në Shqipëri është i lidhur me shtetin.

“Janë mafioze me xhaketë dhe kravatë janë të zotët në punën e tyre dhe janë të lidhur me shtetin. Krimi i organizuar në Shqipëri kishte shumë planatacione drogë nga të cilat kanë dalë shumë ta mëdha parashë të cilat me pas janë përdorur në ekonomi duke u pastruar”.

Gjatë  një konference që kishte në qendër administrimin e pasurive që te sekuestruara dhe konfiskuara, që vijnë nga aktiviteti kriminal, prokurori Italian De Raho theksoi se mafia shqiptare ka lidhje të ngushta me organizatën kriminale italiane “Ndrangheta”, që e ka  shtrirë aktivitetin e saj të trafikimit të kokainës në Europë, Kanada, Amerikë.

Ndërsa Ministrja e financave dhe ekonomisë Anila Denaj u shpreh se duke nisur nga 2011 janë konfiskuar 326 pasuri nga krimi i organizuar.

“Lufta kundër krimit te organizuar është një mision i të gjitha institucioneve ligjzbatuese. Deri në këto momente në Agjenci janë regjistruar 227 pasuri të konfiskuara. Jane financiar 12 projekte që kanë për synim rritjen e kapaciteteve dhe rritjen e hetimit për viktimat e trafikimit një sërë pronash i janë kthyer shtetit. Kthimi i pasurive të krimit të organizuar në shërbim të qytetarëve aktualisht vetëm 40 % e pronave sekuestrohen. Që nga 2011 janë konfiskuar rreth 527 pasuri të krimit të organizuar”.

Ambasadori  i Bashkimit Europian në Tiranë Luigi Soreca u shpreh se pasuritë e konfiskuara duhet të përshtaten dhe të përdoren për aktivitete kulturore.

Ndërkohë gjatë konferencës për shtyp Ministrja e Drejtësisë Etilda Gjonaj theksoi rëndësinë e zbatimit të “regjimit 41 bis”, pasi siç tha,  krerët e grupeve kriminale e drejtojne aktivitetin nga brenda burgjeve ku vuajnë dënimet. /abcnews.al

gjonaj1-1280x679.jpg
ent ela09:41 | 20/09/2019

Fundi i shtatorit pritet të sjellë lajme të mira për ata që vuajnë dënimin në burgjet shqiptare. Ministrja e Drejtësisë Etlida Gjonaj në një interpelancë me gratë e dënuara tregoi se projektligji për amnistinë thuajse ka përfunduar.

“Pritet që të merret një miratim nga Prokuroria e Përgjithshme dhe Ministria e Brendshme kryesisht lidhur me kategorinë e grave apo të gjithë personave që ndodhen në institucione  ekzekutimi të vendimeve penale, por që janë me statusin si të paraburgosur pasi nuk kanë ende një vendim të formës së prerë. Dhe menjëherë, deri në fund të shtatorit ne planifikojmë që amnistia të miratohet në qeveri. Pas miratimit në qeveri projekt-ligji do të kalojë në Parlament me qëllim që Dhjetori, Krishtlindjet, personave që do përfitojnë nga amnistia t’i gjej pranë familjeve të tyre”.

Më shumë se 50 % e grave të dënuara do të përfitojnë nga amnistia tregoi ministrja Gjonaj. Ndërkohë ministrja e Drejtësisë shpjegoi kushtet që duhen përmbushur për të përfituar.

“Padyshim një ndër kriteret e amnistisë është dhe mosha, ku gratë të cilat kanë mbushur moshën 55 vjeç do të kenë mundësinë të përfitojnë nga amnistia, po ashtu duke marrë si kriter dhe kohën e mbetur të dënimit nën 3 vjet, apo ato gra të cilat janë dënuar më pak sesa 3 vjet. Të gjithë këto kategori, do të jenë pjesë e propozimit të projektligjit për amnistinë. Unë jam e bindur që amnistia e përgjithshme është një fakt që ju gëzon shumë sepse ashtu siç kemi biseduar, një pjesë e juaja kanë kriteret ndaluese për shkak të veprave penale të cilat nuk janë amnistuar. Por unë dua edhe t’ju konfidoj dhe një diskutim të fundit që kam me stafin ku po shikojmë edhe mundësinë që mund të heqim kriterin ndalues për veprat penale të cilat nuk është kryer amnistia me qëllim që të jetë vetëm specifike për gratë të cilat vuajnë dënimin në institucion”.

Ndërkohë Ministria e Drejtësisë po harton një paketë të plotë për të riintegruar në shoqëri gratë që lënë qelitë.  /abcnews.al

ministria-e-drejtesise.png
ent ela19:45 | 21/06/2019

Ministria e Drejtësisë ka reaguar nëpërmjet një njoftimi për media në lidhje me informacionet për dhënie leje shpërblyese për të burgosur në të gjitha IEVP të vendit. Ministria sqaron se që prej datës 7 Qershor është vendosur pezullimi i të gjithë lejeve shpërblyese deri në urdhër të dytë.

Ministrja Gjonaj ka zhvilluar sot një mbledhje me dyer të mbyllura, në IEVP Fier. Dy çështjet kryesore kanë qenë, masat e sigurisë dhe çështja e publikuar tek emisioni Stop.

Njoftimi i plotë i Ministrisë së Drejtësisë:

Duke marrë shkas nga lajmi i publikuar ditën e djeshme në emisionin Stop (TV Klan), se në IEVP Fier janë dhënë më datë 20.06.2019 leje shpërblyese për 40 të burgosur, çmojmë të nevojshme të përgënjeshtrojmë këtë lajm dhe të informojmë publikun se asgjë nga sa është publikuar në lidhje me lejimin e 40 të burgosurve të dalin me leje shpërblyese, nuk është i vërtetë.

Për të parandaluar fenomene të së kaluarës, me urdhër të Drejtorit të Përgjithshëm të Burgjeve (më datë 07.06.2019, nr. 5211) është vendosur pezullimi i të gjitha lejeve shpërblyese për të gjithë të dënuarit. deri në një urdhër të dytë.

Duke vlerësuar maksimalisht rastin e denoncuar nga emisioni Stop, sot në datë 21 Qershor, Ministria e Drejtësisë me të gjitha strukturat e saj SHKBB dhe ato të Drejtorisë së Përgjithshme të Burgjeve kanë kryer hetime dhe verifikime dhe nuk rezulton asnjë i dënuar me leje shpërblyese, jo vetëm për IEVP Fier por në të gjithë IEVP-të në vend.

Bazuar në urdhrin e Ministrit të Drejtësisë dhe planit të masave të Drejtorit të Përgjithshëm, si pasojë e zbatimit të regjimit të posaçëm të të dënuarve dhe të paraburgosurve, janë marrë masa shtesë për sigurinë në sistemin penitenciar. /abcnews.al

 

lleshaj1.jpg
ad min09:15 | 12/06/2019

Mbështetje nga eurodeputetët për hapjen e negociatave Ministri i Brendshëm Sandër Lleshaj dhe Ministrja e Drejtësisë Etilda Gjonaj morën pjesë në një veprimtari kushtuar integrimit europian të Shqipërisë, e cila u zhvillua në Parlamentin Europian, nën kujdesin e grupit parlamentar të Aleancës Progresive të Socialistëve dhe Demokratëve (S&D) në PE.

Veprimtaria u moderua nga eurodeputeti Knut Fleckenstein dhe në të morën pjesë deputetë të Parlamentit Europian, përfaqësues të trupit diplomatik të akredituar në Bruksel, përfaqësues të agjencive të ndryshme europiane, studentë etj. Ministrat Lleshaj dhe Gjonaj prezantuan progresin e Shqipërisë në procesin e integrimit europian, me fokus luftën kundër krimit te organizuar dhe korrupsionit, frenimin e migracionit të paligjshëm si dhe reformën në drejtësi.

Në pyetjet dhe diskutimet e pjesëmarrësve u evidentua dhe u vlerësua progresi i dukshëm i bërë nga Shqipëria si dhe u shpreh mbështetje pa ekuivoke për hapjen e negociatave të anëtarësimit të saj, sipas rekomandimit të Komisionit Europian. Pas veprimtarisë në Parlamentin Europian, ministrat Lleshaj dhe Gjonaj iu përgjigjën pyetjeve të gazetarëve gjatë një konference të përbashkët për mediat./abcnews.al

GJONAJ-ME-HOMOLOGEN-NE-FRANCE.mpg_snapshot_00.08-1280x720.jpg
ent ela13:30 | 07/05/2019

Reforma në drejtësi është e thellë dhe kërkon vullnet politik. Përgëzimet për çfarë është arritur deri më tani në sistemin e drejtësisë ministrja e drejtësisë Etilda Gjonaj i ka marrë nga homologia e saj franceze  Nicole Belloubet.

Që reforma në drejtësi të realizohet kërkohet vullneti politik. Është ministrja e drejtësisë franceze që e dha këtë mesazh pasi takoi homologen e saj shqiptare.

“Sapo pata një taim me ministren e drejtësisë Etilda Gjonaj. Më informoi për reformën në drejtësi e cila është e thellë dhe e gjerë për të cilën duhet vullnet politik të cilin ne e përshëndesim”.

Të dyja ministret theksuan rëndësinë e vazhdimësisë të bashkëpunimit mes Shqipërisë e Francës.

E shoqëruar edhe nga Kreu i Këshillit të Lartë të Prokurorisë, Gent Ibrahimi dhe anëtari i këshillit të lartë Gjyqësor Erjon Muharremaj, ministrja e drejtësië Etilda Gjonaj mori konfirmin e homologes franceze për firmosjen në Tiranë të një Memorandumi për Forcimin e Bashkëpunimit në fushën e Drejtësisë për të Miturit dhe ofroi mbështetjen e qeverisë franceze në ngritjen e Qendrës së Ekselencës, sipas modelit francez, për formimin profesional në këtë fushë.

Një tjetër çështje për të cilën dy homologet u dakordësuan për të thelluar bashkëpunimin është ndryshimet në legjislacionin e Kodit Civil shqiptar. /ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono