Gabriel Martinelli
Igli Nikolli15:15 | 25/03/2020
Gabriel Martinelli është një ndër lojtarët më premtues për të ardhmen. Sulmuesi i Arsenal, i cili ka shënuar 10 gola këtë sezon, nuk ka mbushur akoma 19 vjeç dhe është një pasuri e madhe për klubin londinez.
Italo-braziliani po kërkohet me ngulm nga Real Madrid, por preferon të qëndrojë tek Arsenal. Në një prononcim për FourFourTwo, Martinelli refuzon kalimin në Spanjë dhe zbulon ambicien e tij të madhe.
“Real Madrid? Unë dua të fitoj Champions League dhe shumë trofe të tjerë këtu tek Arsenali. Kjo është mënyra për t’i bërë të lumtur tifozët tanë, ata meritojnë më të mirën, njësoj si stafi i klubit. Dua t’i rikthej diçka mbrapsht Arsenalit pas gjithçkaje që kanë bërë për mua”, deklaron sulmuesi i talentuar. /abcnews.al
Klejdi Kaimi13:05 | 31/01/2020
E ardhmja e futbollit duket se është në duar të sigurta. Yje si Messi, Ronaldo apo Ibrahimovic, të cilët janë në vitet e fundit të karrierës priten të zëvendësohen shumë shpejt nga brezi i ri. Emra si Mbappe, Haaland, Sancho apo dhe Werner janë gati të shkruajnë historinë.
Në ketë sezon janë vetëm katër adoleshentë në 5 ligat më të forta, të cilët kanë arritur të shënojnë më shumë se 10 gola në të gjitha kompeticionet. Në vendin e katërt renditet anësori i Dortmund, Jadon Sancho. Anglezi numëron 14 gola në 2075 minuta lojë me fanellën e gjermanëve. Pas Sanchos vjen sulmuesi i Manchester United, Mason Greenwood. Ky i fundit e ka gjetur rrugën e rrjetës plot 10 herë në 1417 minuta lojë.
Në vendin e dytë pozicionet i riu i Arsenalit, Gabriel Martinelli. Ashtu si Greenwood dhe Martinelli ka arritur të shënojë 10 gola, por është aktivizuar 297 minuta më pak se ai. Në krye të kësaj liste është sulmuesi i Dortmund, Erling Braut Haaland. Norvegjezi ka shënuar plot 13 gola në vetëm 433 minuta lojë. Statistika të frikshme për Haaland, pasi imagjinoni nëse ai do të ishte aktivizuar që në fillim të sezonit në një nga pesë top kampionatet e Europës. /abcnews.al
Only four teenagers in Europe’s top five leagues have scored 10+ goals across all competitions:
🏴 Jadon Sancho
🇳🇴 Erling Håland*
🇧🇷 Gabriel Martinelli
🏴 Mason Greenwood*UCL and the German Bundesliga only. 🙃 pic.twitter.com/1dDPxBH9C4
— Squawka Football (@Squawka) January 27, 2020
Igli Nikolli09:13 | 27/01/2020
Gabriel Matinelli është surpriza më e bukur e Arsenalit për këtë sezon. 18-vjeçari italo-brazilian po paraqitet mirë dhe po shënon gola. Deri tani ia ka dalë të realizojë 10 gola dhe Ronaldinho nuk i kursen elozhet për të.
Në një prononcim për The Mirror, legjenda braziliane e krahason djaloshin e artë të Arsenalit me Ronaldon dhe shpreson që ai të ndjekë rrugën e fenomenit duke u bërë lojtari më i mirë në botë.
“Ne brazilianët jemi shumë të lumtur për Martinellin dhe të ardhmen e tij. Të kesh talent është një gjë, por të kesh besimin që ka ai te vetja në moshën 18-vjeçare është diçka tjetër. Më kujton Ronaldo fenomenin. Në sezonin e tij të parë në Europë shënoi 30 gola dhe njerëzit pyesnin: ‘Kush është ky brazilian 18-vjeçar?’
I pëlqente të luante me topin dhe të nisej drejt portës kundërshtare pa frikë prej kujt i dilte përballë. Shoh të njëjtat cilësi te Martinelli. Gabriel dëshiron të ketë topin dhe të shënojë gola. Ronaldo u bë futbollisti më i mirë në botë, mendoj se ky është edhe objektivi i Martinellit“, deklaron Ronaldinho. /abcnews.al
Igli Nikolli19:59 | 23/01/2020
Arsenal po zhvillon një sezon larg pritshmërive të tifozëve dhe problemet në ekip janë të shumta. Një ndër gjërat e pakta të bukura të “Topçinjve” është Gabriel Martinelli. Sulmuesi italo-brazilian është surpriza më e bukur e këtij sezoni dhe 18-vjeçari ka shënuar 10 gola deri tani.
Paraqitjet pozitive kanë tërhequr vëmendjen e klubeve të mëdha europiane, mbi të gjitha atë të Real Madrid. Arsenal nuk ka ndërmend të humbasë shërbimet e tij dhe ka gati planin për ta “blinduar”. Daily Mail raporton se drejtuesit e klubit londinez do të refuzojnë çdo ofertë në drejtim të lojtarit të talentuar.
Jo vetëm kaq, Arsenali po përgatit një ofertë fantastike për 18-vjeçarin. Martinelli përfiton aktualisht 1.2 milion euro në sezon, ndërsa kontrata e re (aktualja i përfundon në verën e vitit 2024) do ia trefishojë rrogën vjetore. /abcnews.al
Igli Nikolli17:27 | 01/11/2019
Të marrësh një kompliment nga Jurgen Klopp është gjithmonë kënaqësi e madhe, aq më tepër kur je në fillimet e një karriere që premton shumë. Arsenali ka në duar një talent të madh që quhet Gabriel Martinelli.
18-vjeçari me origjinë braziliane dhe pasaportë italiane shënoi një dygolësh në sfidën spektakolare të Carabao Cup mes Liverpool dhe Arsenal, që përfundoi në barazim 5-5. “The Reds” u kualifikuan në çerekfinale pas penalltive, por Kloppit i ka mbetur mendja te sulmuesi i “Topçinjve”. Trajneri i Liverpoolit nuk i ka kursyer elozhet për të në një prononcim të dhënë për sajtin e klubit të kuq.
“Gabriel Martinelli është një talent që lind njëherë në 100 vjet, çfarë sulmuesi i jashtëzakonshëm“, është shprehur trajneri gjerman i kampionëve të Evropës. Për Martinellin ka nisur një garë e fortë mes Brazilit dhe Italisë. Të dy kombëtaret e mëdha duan të sigurojnë shërbimet e tij dhe po bëjnë të pamundurën për ta bindur. /abcnews.al
Igli Nikolli15:46 | 08/10/2019
Gabriel Martinelli është surpriza e radhës nga Arsenal. “Topçinjtë” njihen për zbulimin e talenteve dhe kanë goditur sërish në shenjë. 18-vjeçari i ardhur nga Ituano ka shënuar 4 gola deri tani me ekipin e ri.
Lojtari i bën të gjitha rolet e repartit të sulmit dhe po i befason të gjithë. Për të ka nisur edhe një “luftë” e rëndë midis Brazilit dhe Italisë. Martinelli ka lindur në Brazil, ndërkohë që origjina e tij është italiane.
Daily Mail raporton se të dy kombëtaret duan ta afrojnë në gjirin e tyre, por adoleshenti nuk ka vendosur ende. Gjithçka pritet të zgjidhet shumë shpejt dhe fjala e fundit i takon sulmuesit të talentuar. /abcnews.al
ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.
NUIS/NIPT K01711004FKontaktTelefono
