fëmijët

mother-and-daughter-1280x640.jpg
So Nila12:43 | 03/01/2020

Megjithëse fëmijët e rritur shpesh fajësojnë prindërit për problemet në jetën e tyre, psikologët zbulojnë se kjo nuk është qasja më e shëndetshme dhe produktive. Por prindërit ende kanë frikë se metodat e prindërimit të tyre mund të shkatërrojnë të ardhmen e fëmijës së tyre.

Epo, prindërimi është me të vërtetë një nga punët më të rëndësishme, por nuk është shkencë dhe ka gjëra të thjeshta që prindërit mund të bëjnë mirë për t’i bërë fëmijët e tyre të lumtur.

Ne e kuptojmë se çdo prind mund të ketë nevojë për siguri herë pas here, kështu që do t’ju paraqesim një listë të gjërave që bëjnë prindërit e mirë për të treguar se ju jeni duke ecur në drejtimin e duhur.

1.Ata u japin fëmijëve të tyre mjaftueshëm kohë të lirë

 

Shumë prindër dëshirojnë që fëmijët e tyre të kenë sukses aq shumë saqë ata fillojnë t’i mbikëqyrin në aktivitete jashtëshkollore.

Ndërsa fëmija juaj mund të marrë pjesë në mësimet e pianos, kursin e matematikës, praktikën e futbollit dhe kurset e tjera të vallëzimit mund të jenë të dobishme për zhvillimin e tyre të përgjithshëm, por duke pasur shumë gjëra për të bërë i vendos ata nën një stres të madh.

Fëmijët janë individë, kështu që ata duhet të kalojnë si të duan kohën e tyre të lirë dhe thjeshtë të luajnë. Duke i privuar nga koha e lirë bën që ata të ndjehen të mbingarkuar dhe mund të çojnë shpërthime emocionale dhe probleme me sjelljen.

2.Ata nuk përpiqen shumë të jenë prindërit e përsosur

 

Prindërimi mund të jetë i vështirë dhe ne duhet të përpiqemi të bëjmë çmos për t’i bërë fëmijët tanë të lumtur. Sidoqoftë, ekziston një ndryshim i madh në mes të “përpjekjes për t’u bërë më të mirë” dhe “të qenit të përsosur”.

Kur prindërit vendosin standarde të pamundura për veten e tyre, ata privojnë fëmijën e tyre nga përvojat e vlefshme. Ktij stili prindërimi shpesh i mungon origjinaliteti, pasi prindërit kurrë nuk i shprehin emocionet e tyre të vërteta dhe përpiqen të kenë gjithçka nën kontroll.

Prindërit ndihen fajtorë për mos përmbushjen e pritshmerive të pamundura dhe përfundojnë duke sjellë zhgënjime në marrëdhëniet që kanë me fëmijën e tyre.

3.Ata nuk e ndëshkojnë fëmijën e tyre, por përkundrazi ata u japin atyre mësime

 

Fëmijët imitojnë sjelljen e prindërve dhe mësojnë nga veprimet e tyre. Pra, nëse fëmija bën diçka të gabuar, prindërit duhet të përdorin metoda pozitive të prindërimit dhe t’u shpjegojnë atyre pse kjo sjellje është e papranueshme.

Ndëshkimi i fëmijës nuk do të bëjë punë sepse fëmija nuk i kupton pasojat e sjelljes së tyre dhe pse është e gabuar. Është më mirë t’i siguroni një fëmije një mundësi për të kuptuar dhe rregulluar gabimin e tyre me ndihmën e prindërve.

4.Ata krijojnë kujtime të lumtura për fëmijët e tyre

 

Kujtimet e fëmijërisë na ndihmojnë të kuptojmë se si duhet të reagojmë ndaj ngjarjeve të caktuara dhe të perceptojmë botën. Hulumtimet kanë treguar që fëmijët që kanë shumë kujtime të lumtura rriten më të shëndetshëm dhe më të kënaqur me jetën.

Ata kanë tendencë të kenë një këndvështrim më pozitiv për jetën dhe aftësi më të mira të përballimit të stresit. Këta fëmijë kanë më pak të ngjarë të vuajnë nga depresioni dhe janë më të prirur për të krijuar marrëdhënie më të shëndetshme me njerëzit.

5.Ata i mësojnë fëmijët e tyre të njohin emocionet e tyre

 

Prindërit mund të inkurajojnë emocionet pozitive dhe të përpiqen t’i shtypin ato negative. Sidoqoftë, injorimi i emocioneve negative nuk i bën ato të largohen. Është më mirë t’u shpjegoni fëmijëve se është normale dhe e shëndetshme të ndjejnë një varg emocionesh, por është e rëndësishme të kuptoni se çfarë i ka shkaktuar ato emocione.

Prindërit duhet t’i mësojnë fëmijët e tyre se si të reflektojnë në përvojat e tyre dhe si t’u përgjigjen emocioneve të tyre në një mënyrë të pjekur dhe të shëndetshme.

6.Ata krijojnë lidhje të forta emocionale brenda familjes

 

Fëmijët kanë nevojë për një mjedis të sigurt për t’u ndjerë të sigurt dhe për të eksploruar botën përreth tyre. Gjithashtu i ndihmon ata të përballen me stresin dhe u jep më shumë mundësi për sjelljen e ideve të tyre në jetë.

Fëmijët fitojnë aftësi sociale që i ndihmojnë ata të krijojnë marrëdhënie të shëndetshme me njerëzit e tjerë në të ardhmen. Ata nuk kanë frikë nga refuzimi dhe bashkëveprojnë më hapur me njerëzit përreth tyre. Këta fëmijë tregojnë rezultate më të mira në shkollë pasi kanë mbështetje familjare dhe besim.

7.Ata bëjnë dallimin midis fëmijës së tyre dhe sjelljes së tyre

 

Një fëmijë duhet ta dijë se prindërit e tyre do t’i duan ata pa marrë parasysh çfarë ndodh dhe sjellja e tyre nuk mund ta ndryshojë atë. Por nëse sillen keq, prindërit duhet të shpjegojnë pse i mërzit kjo sjellje ata dhe cilat janë pasojat e veprimeve të tyre.

Qëllimi kryesor nuk është të kontrolloni fëmijën përmes fajit dhe turpit, por t’i bëni ata një individ të përgjegjshëm që kontrollon sjelljen e tyre, jo nga frika, por për shkak të empatisë së tyre ndaj të tjerëve./abcnews.al

 

femijet-1-1280x720.jpg
Autor E12:41 | 31/12/2019

Edhe pak orë na ndajnë nga viti 2020 ku të gjithë janë duke bërë bilancet, por edhe planet për vitin e ardhshëm.

Nga studimet e ndryshme rezulton se të bërit të gazetarisë është një ndër punët që kërkon mjaft impenjim duke bërë që prindërit të qendrojnë më pak në shtëpi dhe në prani të fëmijëve.

Abc News ka bërë një kolazh të veçantë me video amatore ku përmblidhen urimet në forma të ndryshme të fëmijëve të stafit të televizionit.

Aty gjenden çastet pikante në ambientet familjarë si edhe jashtë, recitime, kërcime dhe këngë.

Ju ftojmë të ndiqni videon më të veçantë të kësaj dite:

 

 

 

nm-talking-to-your-child-about-cancer-feature.jpg
So Nila14:50 | 14/12/2019

Edhe mund të keni dëgjuar ndonjë këshillë të tipit “dashuria e tepërt nuk i bën mirë fëmijës”, me idenë që fëmijët përkëdhelen e bëhen tekanjozë prej dashurisë pa kufi që prindërit kanë dhe ua shprehin, gjë që i fut në mendime prindërit nëse janë duke i dhënë më shumë sesa duhet dashuri fëmijës, por kjo pyetje është e vemja që nuk duhet t’ju shqetësojë. Nuk ka asnjëherë një sasi dashurie që është e mirë dhe një tjetër që është e keqe për fëmijën. Ja disa këshilla psikologësh.

1.Jepni dashuri të pakushtëzuar

Nuk është e mundur ta dëmtosh një njeri duke i dhënë shumë dashuri. Dëmtimi zakonisht vjen si pasojë e dhënies së objekteve, dhuratave, në vend të dashurisë. Kur fëmijët ndjehen vërtet të dashuruar zhvillojnë një ndjesi të fortë sigurie sa bëhen gjithnjë e më pak nevojtarë.

2.Shprehni afeksion fizik

Ne jemi qenie që kemi nevojë për kontakt fizik me të tjerët. Fëmijët kanë nevojë për shumë afeksion fizik nga prindërit e tyre, jo vetëm kur janë foshnja, por dhe përgjatë fëmijërisë dhe adoleshencës.

3.Lavdëroni arritjet e fëmijës

Disa prindër shqetësohen se lavdërimi i shpeshtë i bën ata të ndihen se dashuria e tyre është e kushtëzuar. Por kjo nuk përbën problem nëse ju i shprehni dashurinë dhe afeksionin në të gjitha mënyrat dhe kohë të ndryshme dhe jo vetëm kur fëmija ka arritur sukses në diçka.

Për këtë duhet së pari të lavdëroni arritje specifike, por jo të lidhni dashurinë tuaj me arritjet e tij.

4.Fokusojeni lavdërimin te lidhja midis arritjes dhe përpjekjeve të fëmijës

Këtë gjë lidheni  me cilësinë e arritjes dhe së fundmi, nëse ndieni se duhet t’i krahasoni arritjet e fëmijës, bëjeni këtë me arritjet e tij të mëparshme dhe jo me të të tjerëve.

5.Përgjigjjuni nevojave emocionale të fëmijës

a.Gjatë foshnjërisë, mendoni si mund ta bëni fëmijën të ndihet më i sigurt?

b.Gjatë fëmijërisë së hershme, si mund ta ndihmoni fëmijën të ndihet më i pavarur?

c.Gjatë shkollës fillore, si mund ta ndihmoni fëmijën të ndihet më i aftë?

6.Siguroni një ambient pozitiv

Kushtojini shumë rëndësi atmosferës emocionale në shtëpi, e cila nënkupton mënyrën se si ju bashkëveproni me bashkëshorten/in tuaj dhe fëmijët e tjerë./abncews.al

 

brad-1.jpg
So Nila10:50 | 12/12/2019

Jeta e Brad Pitt pas ndarjes nga Angelina Jolie është komentuar gjatë. Për herë të parë, ai ka treguar sa të vërteta janë historitë e përfolura të dashurisë që kur i dha fund romancës disa vjeçare në vitin 2016.

“Nuk e di me sa femra kanë thënë se jam në lidhje për dy apo tre vitet e fundit dhe asnjë nuk është e vërtetë. Unë thjesht lëshoja ndonjë sinjal, por ndoshta nuk thoshte asgjë”, tha ai për New York Times.

Hera e fundit që u përfol se ka nisur një histori të re dashurie me Alia Shawkat, por rezultoi se janë thjesht miq.

Lidhja më e gjatë e Brad ishte me Angelinën, të cilët u dashuruan në vitin 2004 pasi bashkëpunuan për filmin “Mr & Mrs Smith”.

Ata ishin çifti më i komentuar në Hollywood dhe gëzojnë gjashtë fëmijë bashkë, tre janë të adoptuar, Maddox, 18 vjeç, Pax, 16 vjeç dhe Zahara, 14 vjeçe; ndërsa tre i kanë fëmijët biologjikë, Shiloh, 13 vjeçe dhe binjakët Knox dhe Vivienne, 11 vjec./abcnews.al

femijet-goilem-1280x707.jpg
nev ila11:20 | 03/12/2019

Një familje 4 anëtarëshe në Golem të Kavajës fle në makinë prej një jave, për shkak të panikut nga tërmeti. Dy djemtë e familjes, 10 dhe 12 vjeç nuk pranojnë të kthehen në banesë, ku përjetuan tmerrin e tërmetit të 26 nëntorit. Ndërsa i ati pret një vlerësim nga ekspertët mbi gjendjen e pallatit.

“Duam të jetojmë në një shtëpi të fortë me nja bazament të fortë  mos të lëvizë nga tërmeti dhe mos të tronditemi më nga tërmeti”.

Kështu e nis rrëfimin Orgeni nga Golemi i Kavajës. Pallati në të cilin banon 12 vjecari me familjen e tij është shpallur i pabanueshëm. Dy  vëllezërit Sallaku, 10 dhe 12 vjeç rrëfejnë për ABC News përjetimin e tmerrshëm të mëngjesit se 26 nëntorit.

“Mbaj mend babin që na kapi prej krahësh, ishte tepër errësirë, pashë mamin dhe babin të trembur. Ne kaluam direkt hekurat, na tha babi, dhe ne kaluam, tjetër nuk mbaj mend”.

Babai i dy djemve tregon se ata nuk mund të kthehen në shtëpinë ku kaluan moment ankthi e paniku.

Gazetarja: Keni frikë të ktheheni në shtëpi?

“As bëhet fjalë të kthehem më këtu. Siç e shikoni po flemë në makinë bashkë me nusen dhe dy fëmijë. Plus që edhe po të shkoj në shtëpi të tjera, fëmijët nuk shkojnë se janë të trembur, nuk pranojnë, vetëm në makinë rrinë”.

Bujari është njëkohësisht edhe administrator i pallatit. Ai kërkon nga ekspertët  të vendosin sa më parë çfarë do të bëhet më këtë objekt.

“Ne kërkojmë të paktën të vijnë personat kompetentë dhe të na thonë banohet në këtë pallat apo nuk banohet. Siç e shihni, ky ka marrë dëmtime në kollona, në mure, kjo është anuar në një krah, që s’ke as çfarë ti riparosh më. Jemi munduar ta përforcojmë me ca mentela por prapë është e paarritshme”.

Ky  pallat ne Golem kishte pasur dëmtime qe nga tërmeti i 21 shtatorit, por banoret i kishin  riparuar vete ato./abcnews.al

shpend-ahmeti_8124.jpg
nev ila11:57 | 02/12/2019

Kryetari i bashkisë Prishtinë, Shpend Ahmeti vendosi që fëmijët nga Shqipëria që janë të strehur në Prishtinë, të kenë mundësinë e vijimit të shkollimit në kryeqytet. Për këtë plan, Komuna e Prishtinës shumë shpejt do të dalë me një plan konkret.

“Shkollat e Prishtinës janë të hapura për të gjithë fëmijët të larguar nga Shqipëria për shkak të tërmetit, e të strehuar në Prishtinë“, thuhej në deklaratën për media të bashkisë Prishtinë.

“Së shpejti, Drejtoria e Arsimit do të tregojë detajet e sistemimit të fëmijëve që mos të humbin orë të mësimit” shkruan ndër të tjera Ahmeti në njoftim./abcnews.al

testi-femijet-1280x638.jpg
nev ila18:45 | 01/12/2019

Një pjesë e madhe e fëmijëve të Thumanës, të zhvendosur me familjet e tyre nëpër hotelet e Shëngjinit po argëtohen nën mbikëqyrjen e psikologëve.

Këta të fundit përmes pikturave kanë nisur të kuptojnë mbi gjendjen psikologjike të të vegjëlve pas lëkundjeve të forta të tërmetit të 26 nëntorit.

Këta nuk janë fëmijë të zakonshëm. Ata janë nga Thumana dhe Kurbin që u prekën nga tërmeti. Në sytë e tyre ka ende trishtim.

Të vegjlit me familjet e tyre janë zhvendosur në Shëngjin në disa hotele dhe pranë tyre ka shkuar një grup psikologësh që po përpiqet që përmes argëtimit të mësojë më shumë për atë çka ata ndjejnë pas lëkundjeve që i zgjuan nga ëndrrat. Psikologja Enkeleda Vranoci tregon se si e kuptojnë gjendjen e tyre përmes një testi.

Një pjesë e fëmijëve do të duan kohë të largojnë nga mendja shtëpitë e tyre që janë kthyer në gërmadha, klithmat e nënave dhe lotët e tyre. Gjithsesi lojërat argëtuese po i aktivizojnë imagjinatën dhe po ju kthejnë buzëqeshjen qoftë dhe për pak çaste./abcnews.al

glidona-shkozet-termeti-1280x535.jpg
nev ila17:10 | 29/11/2019

Të shumta janë rastet që raportohen për banesa të dëmtuara në Durrës dhe në gjithë perimetrin ku lëkundjet e tërmetit janë ndjerë fuqishëm.

Në Shkozet të Durrësit, banorët thanë se përpos vështirësisë që kanë për të përballuar gjendjen e frikës, dhe panikut ndaj tërmeteve, kanë patur probleme edhe në dhënien e ndihmës nga autoritetet e emergjencave civile.

Disa banorë të Shkozetit thanë për ABC News se, janë duke jetuar në rrugë, dhe nuk kanë marrë asnjë lloj ndihme. Ndërkohë në banesë nuk mund të hyjnë për shkak të dëmtimeve të shumta që kanë marrë shtëpitë e tyre.

Ata thanë se përveç banesave kanë humbur edhe bizneset e tyre. Edhe pse ata kanë njoftuar autoritetet e komunës së tyre, për dëmtimet në banesa, askush nuk ka ardhur ti shohë, dhe ti vlerësojë ato a janë të banueshme apo jo.

Të pyetur nga gazetarja e ABC News Glidona Daci, se nëse kanë marrë ndonjë ndihmë, këto ditë që kanë mbetur jashtë, ata thanë për abcnews.al se, askush nuk i ka ndihmuar, madje as ushqime nuk janë shpërndarë për ta.

“Sonte do të qëndrojmë jashtë, ishim dy ditë te çadra askush aty nuk na siguroi asgjë. Të nesërmen na thanë do ikni në Kosovë. Pastaj as nuk janë interesuar fare për ne. Në çadër s’mund të rrinim, ishte lagështirë, as batanije nuk na dhanë”.

Përse nuk ju dhanë, përse nuk ju kanë dhënë ushqim, ndihmat kanë qenë të bollshme?

“Ndihma janë të bollshme por nuk kemi marrë gjë. I kanë marrë ata që i leverdisin, kanë marrë nga 50 batanije dhe i shesin në treg”.

Vetëm një pjesë kanë marrë ndihmë?

“Po, ne nuk kemi marrë asnjë ndihmë. E pyetëm Kryetaren e Komunës se ku do shkojmë sot, na tha që ishte duke folur me biznesmenët por s’ka asnjë tha”.

A jeni ankuar?

“Jo nuk jemi ankuar se ndihma është për ata që janë të fuqishëm dhe janë të zotë, nuk jemi ankuar, se është e kotë, nuk është se do na dëgjojë njeri, nuk gjen zgjidhje në asnjë vend”.

Ndërsa shohim dy fëmijët e kësaj familje kuptojmë  që lodhja dhe frika u lexohet në sy. Aurora vogëlushja 8 vjeç na tregon se e ka marrë malli për shtëpinë dhe se do të kthehet sa më shpejt atje.

A kalove mirë te çadra, a ju sollën lodra atje?

“Jo nuk kishte lodra, na sollën vetëm molto dhe çokollata”.

Çfarë lojërash luanit te çadra dy ditë që ishit atje?

“Asgjë, luaja me vëllain”.

Çfarë dëshiron në këto momente?

“Dua të shkoj te shtëpia që kisha, kam lodrat e mia dhe librat e shkollës. Edhe babi ka gjërat e veta”.

Kjo tragjedi pas tërmetit të 26 nëntorit, ka prekur më së shumti, nga ana psikologjike, edhe fëmijët, ku duhet një asistencë e jashtëzakonshme, ndoshta për të plotësuar traumën që ata kanë pësuar por jo vetëm. Problem ende ka mbetur keqmenaxhimi, dhe mos organizimi i situatës, për strehimin dhe ushqimin e këtyre familjeve, të cilët ende nuk e kanë një zgjidhje./abcnews.al

mother-comforting-child.jpg
in a15:04 | 28/11/2019

 Të gjithë fëmijët janë të ndryshëm dhe mënyra si reagojnë ndaj situatave stresuese nuk është e njëjtë, sepse varet nga forca e lëkundjes, mosha, shpjegimi që iu është dhënë nga prindërit, ekspozimi në media etj.

Në vijim shpjegohen disa nga shqetësimet e zakonshme të fëmijëve dhe mënyra si duhet reaguar nga prindërit, kujdestarët ose mësuesit.

Fëmijët ndihen konfuzë në lidhje me situatën:

1.Jepini shpjegime të qarta sa herë që ju pyesin.

2.Shmangini detajet që mund t’i frikësojnë.

3.Korrigjojini informacionet që i dinë gabim në mënyrë që të mos jenë të hutuar për rrezikun.

4.Mos ja trajtoni tërmetin si gogoli, por përshtatni me fjalë fëmijësh fenomenin natyror.

Për shembull, mund t’u thoni: “Në fund të planetit tonë tokë, ndodhen disa pllaka të mëdha si pllakat që kemi ne në shtëpi. Ato lëvizin dhe përplasen me njëra-tjetrën. Ndonjëherë përplasen pak fort dhe planeti dridhet.”

Fëmijët kanë frikë nga përsëritja e tërmetit:

1.Ndihmojini të kuptojnë diferencën mes tërmetit dhe pasojës që ndodh më pas.

2.Mos i gënjeni. Shpjegojini se mund të ketë të tjera lëkundje të lehta, por bëjini të ndihen të sigurt.

Fëmijët panikohen:

1.Ndaloni me çdo kusht që të jenë në kontakt me mbulimin mediatik, pasi do të kenë më tepër frikë.

Fëmijët flasin gjatë gjithë kohës për tërmetin:

1.Lejojini që të flasin për tërmetin; është mënyra e tyre për t’u shprehur.

2.Përpiquni t’i mbani të zënë me aktivitete, si lojrat dhe vizatimet.

Fëmijët shfaqin probleme me gjumit:

1.Janë të larta mundësitë që të kenë ëndrra, makthe dhe frikë.

2.Shpjegojini se ëndrrat e këqija janë normale dhe do të ikin.

3.Bëjani të qartë që na ndodhin të gjithëve. Nëse e shihni të arsyeshme, flini me ta derisa të qetësohen.

Fëmijët ndryshojnë sjellje:

1.Pas tronditjes fizike dhe emocionale, ndodh që ndryshojnë sjellje dhe bëhen më agresivë.Në fakt, është një sjellje e zakonshme, ndonëse shqetësuese.

2.Bëni të mundur që fëmijët të jenë në kontakt me aktivitete kreative dhe argëtuese.

Fëmijët ankohen për dhimbje koke, stomaku, dhëmbësh etj:

1.Zbuloni nëse kanë nevojë vërtet për vizitë te mjeku, ose në të kundërt është një mënyrë e tyre për më shumë vëmendje si pasojë e frikës.

2.Sigurohuni që kanë fjetur, kanë pirë dhe kanë ngrënë mjaftueshëm./abcnews.al

femijet-thumane-1280x706.jpg
nev ila23:51 | 27/11/2019

Fëmijët janë më të traumatizuarit nga tërmeti. Një pjesë e madhe e tyre bashkë me familjet janë strehuar nëpër çadra.

Për një atmosferë pak më ndryshe pranë atyre në Thumanë kanë shkuar kllounët. Fëmjët kanë nisur të argëtohen dhe kanë kërcyer e kënduar.

Për pak minuta të vegjlit kanë harruar traumën që pësuan nga tërmeti dhe për pak çaste atyre iu kthye buzeqeshja. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono