Evropës

287622-1280x720.jpg
eri Ida14:49 | 15/02/2020

Sekretari i Përgjithshëm i NATO-s Jens Stoltenberg u ka bërë thirrje aleatëve evropianë dhe Shteteve të Bashkuara që të punojnë më shumë së bashku.

Nga Konferenca për Siguri në Mynih, Stoltenberg  është shprehur se nga 29 aleatë të ndryshëm, nga pjesë të ndryshme të Altantikut, tashmë është arritur që të gjithë këto dallime të sheshohen.

Nga ana tjetër presidenti i SHBA-së, Donald Trump vazhdimisht ka deklaruar se aleatët evropianë të NATO-s nuk po shpenzojnë sa duhet për të mbështetur aleancën.

Më herët Stoltenberg deklaroi se aleanca është e përkushtuar në promovimin e vlerave demokratike dhe prosperitetit.

“Ne nuk e kemi humbur rrugën dhe vlerat tona nuk kanë humbur vlerën e tyre. Liria, demokracia dhe sundimi i ligjit kanë sjell prosperitet. Nuk besoj vetëm në Evropë, nuk besoj vetëm në Amerikë. Unë besoj në Evropën dhe Amerikën së bashku”, tha Stoltenberg.

Në ditën e parë të Konferencës në Mynih, presidenti gjerman, Frank-Ëalter Steinmeier sugjeroi se Rusia dhe Kina, së bashku me SHBA-në po shkaktojnë paqëndrueshmëri globale, duke paralajmëruar në rrezikun që këto tri shtete mund të çojnë në një garë për fuqi më të madhe dhe garë për armë bërthamore./abcnews.al

FUTBOLL-1280x716.jpg
ad min14:00 | 24/07/2019

Serbët bojkotojnë sërish ndeshjet ndaj skuadrave të Kosovës. Dy lojtarë dhe një trajner të Sllovanit të Bratislavës refuzojnë të luajnë ndaj Feronikelit në Ligën e Evropës.

Kanë mbërritur dhe janë gati për ndeshjen, ndërsa telashet nuk ndahen.

Nëse je ekip nga Kosova, kombëtare apo klub, në ndeshje të veçanta të ndjekin problemet, siç ndodh edhe me sfidën e Feronikelit në Sllovaki ndaj Sllovanit të Bratislavës.

Dy futbollistë dhe një ndihmës trajner i skuadrës sllovake kanë refuzuar të luajnë ndaj shqiptarëve të Kosovës, dhe kjo për shkak se janë serbë.

Presioni nga vendi i tyre apo ndoshta edhe mendimi personal i bënë që t’i kërkojnë drejtuesve që të pranojnë bojkotimin e tyre për dy ndeshjet e radhës në kontinent.

Ata janë lojtarët Aleksandar Çavriç e Dejan Drazhiç, si dhe ndihmës trajneri Vladimir Radenkoviç, ndërsa ndeshja luhet sot në orën 18:00.

“Çavriç e Dragiç nuk do të luajnë ndaj skuadër nga Kosova, Sllovani respekton vendimin e tyre, – titullon media e Beogradit, “B92”, – futbollistët serbë si dhe ndihmëstrajneri Vladimir Radenkoviç, refuzojnë të luajnë për Sllovanin kundër Feronikelit të Kosovës”.

Tabloidi “Kurir”, siç pritej, ishte më i ashpër, dhe sulmon presidentin e Federatës së Malit të Zi, Dejan Saviçeviç, që e ka mbështetur Kosovë.

“A fle I qetë Dejan Saviçeviç, – shkruan e përditshmja bulevardeske, – serbët refuzojnë të luajnë ndaj klubit shqiptar nga Kosova, të cilit ti I dhe mbështetje të plotë. Një bravo e madhe për Sllovanin e Bratislavës”.

Mediat në Kosovë, po ashtu I bëjnë jehonë vendimit të futbollistëve dhe trajnerit serb.

“Gazeta Ekspres”: Feronikeli përballet sot me Bratislavën, të cilin lojtarët e saj serbë duan ta refuzojnë, shkaku i Kosovës!

“Koha Ditore”: Nikli i gatshëm, Sllovani në telashe me serbët në skuadër, dhe me tifozët racistë!

Një gjë e tillë ndodhi kur Kosova luajti ndaj Malit të Zi, në eliminatoret e Evropianit.

Trajneri Ljubisha Tumbakoviç u shkarkua pasi nuk pranoi të drejtonte ekipin, ndërsa dy lojtarë me origjinë serbe, Mirko Ivaniç e Filip Stojkoviç, nuk dolën në fushë./ABC News Albania 24/7

zgjedhje-3-1280x717.jpg
ad min14:30 | 27/06/2019

Këshilli i Europës njeh 30 Qershorin si datë zgjedhjesh. Zëdhënësi i Sekretarit të Përgjithshëm thotë se zgjedhjet duhet të zhvillohen me standard.

Këshilli i Europës po ndjek me vëmendje situatën përpara zgjedhjeve të 30 Qershorit në Shqipëri. Këtë e bën të ditur zëdhënësi  i Sekretarit të Përgjithshëm në një deklarate në faqen zyrtare te institucionit ku thotë:

“Ne ndjekim nga afër situatën përpara zgjedhjeve vendore të 30 qershorit në Shqipëri, të cilat duhet të bëhen në përputhje me të gjitha detyrimet dhe standardet relevante ndërkombëtare për zgjedhjet demokratike, si dhe me ato të legjislacionit kombëtar”.

Këshilli i Evropës gjithashtu iu thotë institucioneve shqiptare:

“Në këtë kontekst, ne kujtojmë marrëdhëniet e qëndrueshme dhe të besueshme të Këshillit të Evropës me OSBE / ODIHR, që ka vendosur një mision vëzhgimi afatgjatë në Shqipëri.”

Kështu e përfundon deklaratën e tij për zgjedhjet e 30 Qershorit në Shqipëri zëdhënësi i Sekretarit të Përgjithshëm të Këshillit të Evropës./ABC News Albania 24/7

bashahaaa-933x445.jpg
ad min22:15 | 21/06/2019

Ashtu sikur ishte thirrja e Lulzim Bashës, protestuesit marshuan drejt Parlamentit e më pas drejt selisë blu aty ku përfundoi edhe protesta e sotme.

“Mirënjohje që i falët sot Shqipërisë shpresën e bukur dhe të vërtetë të ndryshimit që po vjen dhe nuk ka forcë ta ndalë sepse ka forcë të na ndalë sepse kemi forcën e shpirtit tuaj, ndihmën e Zotit dhe misionin hyjnor kombëtar!  Mirënjohje për ju vëllezër dhe motra që sonte shkatërruat  një plan djallëzor për të hequr nga qafa e Edi Ramës kularin që i ka venë Edi Ramës, kularin që i ka vënë Evropa pas skandalit të publikuar nga gazeta gjermane “Bild”.

Ju nuk e ndihmuat Edi Ramën për të hequr këtë kular me skenarin sepse nuk ratë pre e provokimit për të mbytur këtë skandal me zhurmën e provokimeve të provokatorëve të Edi Ramës,  por e bëtë të pakthyeshëm fatin politik të kufomës politike të Edi Ramës dhe organizatës së tij kriminale të rilindjes.  Mirënjohje për të gjithë qytetarët e Tiranës dhe  për të gjithë qytetarët shqiptarë që mu bashkuan dhe u derdhën sonte në atë që ata do njihet e do mbahet mend si oqeani i shpresës që sjell ndryshimin e madh. Asgjë nuk na ndal dhe asnjë hap pas nuk hedhin dhe 30- Qershori është varreza politike e Edi Ramës.

Zgjedhje pa opozitën nuk ka e nuk do të ketë kurrë! Por sonte me bekim dhe kërkesën tuaj dhe qëndrimin tonë politik për zgjedhjen e kësaj krize përmes kushtit të panegociueshëm të largimit të Edi Ramës, të një qeverie tranzitore që do të përgatisë kushtet për zgjedhje të lira dhe të ndershme, i shtohet një tjetër kusht i panegociueshëm: arrestimi dhe çuarja para drejtësisë e hajdutëve të vota tuaja. Nga i pari tek i fundit. Nuk ka paqe pa drejtësi. Nuk do ketë në Shqipëri zgjedhje të lira pa çuar para drejtësisë hajdutët e zgjedhjeve.

Dhe së fundmi duke përkujtuar me mirënjohjen dhe respektin tim më të thellë çdo liberator të arrestuar dhe të mbajtur padrejtësisht në burg si të burgosur politikë të Edi Ramës, nga Bardh Spahia e me shokë dua edhe një herë t’i them kupolës mafioze të gjithë veglave qorre, nga Sandër Lleshaj tek polici më i fundit i cili shkel ligjin dhe dhunon opozitën se shumë shpejt do ta zëvendësoni Bardh Spahinë në qeli. Ju do të shkoni atje sepse liberatorët janë krenaria jonë dhe frymëzimi ynë. Beteja do të vazhdojë ditë për ditë, orë për orë: Rama ik!”, tha Basha. 

Por duhet të theksojnë se në protestën e sotme, e cila ishte edhe protesta e 9 kombëtare e opozitës  nuk u përdorën molotovëve, fishekzjarrëve dhe lëndë piro-teknike. Ka pasur një mungesë totale të tyre gjatë protestës së mbrëmjes së sotme të mbajtur para Kryeministrisë dhe më pas u stacionuan për pak minuta tek Parlamenti, ku në fund u mbyll tek selia blu./abcnews.al

ff.jpg
ad min08:45 | 14/06/2019

“Shqipëria, shtëpia e emigrantëve në dyert e BE”, me këtë titull e hap media franceze “France 3” reportazhin kushtuar pikës kufitare të Kapshticës, aty ku patrullojnë edhe efektivë të Frontex.

Në Kapshticë, në pika më e vjetër e kalimit midis Shqipërisë dhe Greqisë, vepron një oficer finlandez i Frontex i specializuar në luftën kundër trafikimit të qenieve njerëzore. Objektivi: “lufta kundër krimit të organizuar dhe imigracionit të paligjshëm, i cili po rritet ndjeshëm”. Autoritetet në Tiranë kanë regjistruar në vitin 2019 gati 750 stuhia, kryesisht personat që tentonin të kalonin ishin sirianë, pakistanezë dhe irakianë.

Emigrantët mirëpriten në Shqipëri

Rojet kufitare nga shtetet e BE-së po rrisin patrullat në kufi. Kur një emigrant arrestohet, ai dërgohet në Qendrën e Refugjatëve në Tiranë, e cila mund të strehojë 450 persona. Emigrantët qëndrojnë atje për disa ditë , sa për të fituar energjitë e shteruara dhe më pas do të vazhdojnë rrugën e vështirë. Pak nga emigrantët duan të qëndroj në Shqipëri, edhe pse aty janë shumë të mirëpritur. Duke qenë prej kohësh një vend emigrimi, duke shijuar një traditë të mikpritjes së lashtë, Shqipëria dëshiron të jetë një vend pritës./abcnews.al

celsi.jpg
ad min11:00 | 29/05/2019

Luhet sot, në orën 21:00, finalja e Ligës së Europës. Arsenali dhe Çelsi përballen në kryeqytetin e Azerbajxhanit, Baku, ndërsa atmosfera është tensionuar

Finalja angleze do të luhet këtu.

Arsenali dhe Çelsi ndeshen sonte në orën 21:00, në stadiumin “Olimpik” të Bakusë, për trofeun e Ligës së Europës.

Tifozë londinezë të të dyja skuadrave kanë vërshuar në kryeqytetin e Azerbajxhanit, edhe pse e patën shumë më të vështirë sesa kudo tjetër.

Udhëtuan nga 5 orë e gjysmë deri në 27 orë, në varësi të biletave, ndërsa me ta u bashkuan edhe përkrahës nga vende të tjera.

Një tifoz I Çelsit udhëtoi gati 5 700 kilometra, përmes tre vendeve të ndryshme për të mbërritur në Baku.

Futbollistët e të dyja skuadrave kanë detyrimin të japin maksimumin dhe të fitojnë, edhe për të shpërblyer sakrifica të tilla.

Gjithsesi, për Çelsin punët nuk shkuan shumë mirë në seancën e fundit stërvitore në stadiumin e finales.

David Luiz e Gonzalo Higuain u përplasën gjatë gjithë kohës, në dyluftime të ashpra fizike dhe me nerva, diçka që duket se acaroi edhe trajnerin Mauricio Sarri.

Italiani, që e ka postin në dyshim, u largua duke protestuar nga fusha, ndonëse Çelsi sqaroi se kjo nuk ndodhi për shkak të zënkës së lojtarëve.

Blutë kanë në dyshim mesfushorin Kante, ndërsa mungojnë Hadson-Odoi, Loftus-Çik dhe Rydiger.

“Ne jemi gati për ta luajtur këtë finale, – ishin fjalët e trajnerit, – unë kam 22 lojtarë të bashkuar dhe të cilët unë I dua fort. Fillimisht e pata shumë të vështirë të kuptoja mentalitetin në Angli, por tani është ndryshe. Nuk dua të flas për të ardhmen, por vetëm për finalen”.

Nëse Çelsi dëshiron trofeun, për Arsenalin finalja ka edhe më shumë rëndësi, pasi vetëm fitorja do ta kualifikonte për në Champions sezonin e ardhshëm.

Presioni, pra pritet të jetë tepër I madh mbi të besuarit e trajnerit Unai Emeri.

“Topçinjtë” nuk do të kenë sulmuesin Mkitarian, që nuk udhëtoi dot në Baku, dhe të dëmtuarin Aron Ramsej, një problem I madh taktik për ta.

Një tjetër motiv për trofe për Arsenalin është edhe sedra, sidomos tani që skuadra e femrave u shpall kampione e Anglisë, diçka që djemtë kanë kohë që nuk e bëjnë.

“Kualifikimi për në Champions nuk do të na pengojë të luajmë futbollin tonë, – u shpreh trajneri Emeri, – synojmë titullin, dhe synojmë që shpejt të jemi ndër ekipet më të mirë të botës. Arsenali duhet të kthehet tek mentaliteti fitues, pasi kohët e fundit ka pasur vetëm futbollin e bukur”.

Disa tifozë të Arsenalit patën një të papritur në rrugët e Bakusë, pasi u ndalën nga policia azere.

Shkak duket se u bë fanela e armenit Mkitarian që mbanin veshur, duke pasur parasysh marrëdhëniet e tensionuara mes Azerbajxhanit dhe Armenisë.

Për fat, oficerët e policisë, nuk I penguan gjatë tifozët, pasi morën udhëzime në radio.

E gjitha kjo nuk e pengoi atmosferën entuziaste, që krijohet para çdo finaleje.

Tifozë të Arsenalit e të Çelsit, banorë vendas dhe tifozë të ardhur nga gjithë bota, e kthyen në festë pragun e ndeshjes./ABC News Albania 24/7

53181557_2288724141178754_2830881655680401408_o-1280x960.jpg
ent ela09:30 | 27/02/2019

Kreu i Partisë Demokratike, Lulzim Basha, pas protestës së djeshme të opozitës, shprehet i bindur se beteja e nisur është pa kthim dhe ajo do të përfundojë me rrëzimin e qeverisë.

 “Beteja që kemi nisur për një Shqipëri si gjithë Europa është pa kthim! Kjo betejë do të përfundojë me shporrjen e kësaj qeverie të krimit dhe me triumfin e shqiptarëve. Udhëtimi ynë drejt Europës është i dhimbshëm dhe kalon përmes sakrificash, por ky udhëtim është shpëtimi ynë, është çlirimi nga e keqja që i ka zënë frymën shoqërisë, është rruga e sigurt drejt mirëqënies për njerëzit”, shkruan Basha.

seeee.jpg
ent ela15:06 | 21/02/2019

Sekretari i Përgjithshëm i Këshillit të Evropës ka shprehur shqetesimin per diegien e mandateve nga deputetet e opozites.  Thorbjørn Jagland u shpreh se;  “Në një demokraci legjislatori është shkalla e parë ku çështjet politike që prekin të gjithë vendin duhet të debatohen dhe ku duhet të kërkohen zgjidhjet. Opozita shqiptare nuk duhet të braktisë parlamentin”. Ndërkohë që opozita po protestonte përpara parlamentit Sekretari i Përgjithshëm i Këshillit të Evropës apeloi për protestë paqësore. Ndërsa iu bëri thirrje palëve të përmbahen nga retorika e dhunshme dhe dhuna në rrugë./abcnews.al

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono