Loading ...
Një 73-vjeçare, e cila ishte shpallur në kërkim prej muajit korrik 2026, është gjetur e pajetë në fshatin Potgorcë, Maqellarë, në Dibër.
Sipas informacionit paraprak të Policisë, rreth orës 14:50, në një sipërfaqe toke djerrë është gjetur pjesërisht i dekompozuar trupi i shtetases Z.D., 73 vjeçe.
E moshuara ishte shpallur në kërkim pasi ishte larguar nga banesa e saj. Sipas të dhënave paraprake, ajo dyshohet se vuante nga skleroza.
Në vendngjarje ndodhet grupi hetimor, i cili po kryen veprimet për dokumentimin e rastit dhe sqarimin e plotë të rrethanave të ngjarjes.
Pritet që hetimet të përcaktojnë rrethanat dhe shkakun e vdekjes së 73-vjeçares.
