devoll
ad min16:20 | 29/10/2019
Ka marrë përmasa më të mëdha dhe intensifikohet zjarri në masivet pyjore të Nikolicës. Flakët e zjarrit, të favorizuara nga era e fortë kanë dëpërtuar në thellësi të pyllit, duke djegur pishat e zonës së mbrojtur.
Forca të shumta zjarrfikëse dhe ato të Ushtrisë e kanë të vështirë të mbajnë nën kontroll zjarrin, i cili prej mesditës së kësaj të marte është bërë me intensiv.
Kërkesës së autoriteteve lokale për ndihmë nga ajri si e vetmja mundësi për të fikur zjarrin, autoritetet greke ende nuk i kanë dhënë përgjigje pozitive. Ndërkohë afër vatrës janë gjetur dhe fishekë shumë prej të cilëve nga shpërthyer. Punonjësit e Pyjores dhe zjarrfikëset kanë tre ditë që po përballen me këtë situatë./ABC News Albania
ent ela09:48 | 29/10/2019
Vijojnë të mbeten aktive prej tri ditësh vatrat e zjarrit në masivet pyjore të Nikolicës. Burime nga Emergjencat Civile bëjnë të ditur se flakët janë vënë nën kontroll dhe po punohet për të penguar përhapjen e tyre në sipërfaqe të tjera.
Mbi 100 forca të shërbimeve zjarrfikëse të bashkive të Qarkut dhe forca të ushtrisë janë në terren duke u përpjekur të izolojnë flakët e zjarrit.
Prefekti i Korçës Dhori Spirollari tha për ABC Neës se i ka kërkuar ndihmë prefekturës së Selanikut, për të mundësuar ndërhyrjen nga ajri, në pamundësi për të ndërhyrë me mjete zjarrfikëse, në kushtet e një terreni të vështirë.
Edhe pse dje njëra prej vatrave është fikur, mbetet problematike aktivizimi i vatrave të tjera, sidomos atyre që janë në afërsi të kufirit me Greqinë. /abcnews.al
ent ela08:42 | 28/10/2019
Zjarri masiv në pyjet e Nikolicës së Devollit po vazhdon me ritme të shpejta dhe vendorët kërkojnë ndërhyrje nga ajri.
Për zjarrfikëset puna është e bërë e vështirë për shkak të terrenit malor. Siç raporton gazetarja Daniela Zisi, flakët janë intensive dhe rrezikojnë të përhapen edhe në pyllin e Kozelit.
Deri tani janë shkrumbuar 20 ha me pisha në zonën e mbrojtur dhe 30 ha kullota dhe bimësi e ulët. Gjatë natës punonjësit e shërbimit pyjor të bashkisë së Devollit janë përpjekur të mbajnë flakët nën kontroll.
Sipërfaqja e djegur nga flakët llogaritet në disa hektarë. Mbrëmë u tha që në vendin e ngjarjes do të shkonin dhe forcat e ushtrisë të batalionit të Drenovës, por situata është jashtë kontrollit. Sipas burimeve nga emergjencat civile, flakët e zjarrit janë përhapur në një gjatësi lineare prej 1.5 kilometrash në brendësi të pyllit me pisha. /abcnews.al
nev ila18:02 | 27/10/2019
Flaket e zjarrit përfshijnë prej mëngjesit masivin pyjor të Nikolicës. Zjarri fillimisht ka rënë në bimësi të ulët dhe më pas era ka favorizuar përhapjen e tij në kurorën gjelbër të pyllit, që ka statusin e zonës së mbrojtur.
Flakët janë intensive dhe rrezikojnë të përhapen edhe në pyllin e Kozelit.
Terreni i vështirë e bën të pamundur ndërhyrjen me mjete zjarrfikëse, ndërsa punonjësit e shërbimit pyjor të bashkisë së Devollit, po përpiqen të mbajnë flakët nën kontroll. Flakët e zjarrit janë shtrirë në një gjatësi lineare prej 1.5 kilometrash në brendësi të pyllit me pisha.
Burime nga Emergjencat Civile bëjnë të ditur se të hënën në mëngjes do të fillojë ndërhyrja me forca zjarrfikëse dhe mjete nga Korça, Maliqi, Kolonja dhe Pusteci. Pritet që në ndihmë të tyre të vijnë edhe forcat e ushtrisë të batalionit të Drenovës./abcnews.al
ent ela13:37 | 15/10/2019
Policia kufitare dhe misioni Frontex ndalojnë 22 klandestinë nga vendet e Lindjes. Grupi i refugjatëve , midis të cilëve edhe 10 fëmijë janë të kombësisë kurde, afgane dhe siriane.
Sipas Policisë Kufitare refugjatët janë ndaluar në thellësi të tokës shqiptare dhe në afërsi të Trestenikut dhe Vërnikut në Devoll.
Pas intervistave, familjarët u dërguan në qendrën e pritjes në Babrru të Tiranës, kurse pjesa tjetër është kthyer mbrapsht në Greqi.
Çdo ditë policia kufitare ndalon mbi 20 klandestinë që hyjnë ilegalisht nga Greqia dhe kanë synim vendet e BE. /abcnews.al
ad min12:05 | 01/08/2019
Vijojnë lëkundjet e tërmetit në Korçë. Pas tërmetit 4.7 ballë pasditen e së mërkurës, të tjera lëkundje janë ndjerë edhe gjatë mbrëmjes së kaluar dhe në orët e para të mëngjesit të kësaj të enjte.
Në orën 2:09 lëkundja e regjistruar në fshatin Arrëz ka qenë 2.7 ballë, ndërsa në orën 03:20, një tjetër lëkundje 3 ballë ka goditur fshatin Nikolicë të Devollit. Dridhjet e tokës kanë shkaktuar frikë dhe panik tek qytetarët, një pjesë e tyre kanë kaluar natën jashtë.
Nuk raportohet për dëme materiale, pasi magnituda e goditjeve ka qenë e vogël. Por banesat e prekura nga tërmeti i fuqishëm i 11 Qershorit, janë dëmtuar edhe më shumë nga lëkundjet e fundit./ABC News Albania 24/7
ad min12:39 | 29/07/2019
Numri dy i socialistëve, Taulant Balla komenton përplasjen politike në Devoll duke thënë se Këshilli Bashkiak dhe Kryetari i Bashkisë të sapozgjedhur vijojnë punën normalisht, duke ofruar shërbimet bazë për qytetarët, “sepse populli sovran i ka zgjedhur institucionet e veta përfaqësuese në pushtetin vendor të bëjnë detyrën. Për llafe dhe zhurmë kemi Lulzim Bashën që nuk ka nevojë të zgjidhet edhe brenda të vetëve”.
Balla shton se “30 Qershori ishte dita e mësimit historik se fjala sovran nuk është një fjalë boshe dhe askush më kurrë s’do të tentojë t’ia marrë popullit sovranitetin për interesa të ulëta dhe hesape të turpshme politike”./ABC News Albania 24/7
ad min11:08 | 29/07/2019
Ish-deputeti demokrat Ervin Salianji deklaroi se opozita nuk do të tërhiqet nga Bashkia e Devollit. Jashtë ambienteve të Bashkisë përkrah ish-kryetarit Nallbati, Salianji dhe tha se Eduard Duro do kallëzohet për përvetësim të titullit.
“E keni parë dhe e keni dëshmuar nëpërmjet pamjeve. Kanë dalë për të mbështetur kryetarin e ligjshëm të Bashkisë së Devollit, të zgjedhur sipas një procesi kushtetues dhe ligjor të fituar me pothuajse 60% të votave të qytetarëve të Devollit. Kandidati apo personi i vetëshpallur si kryebashkiak do të kallëzohet për përvetësim të titullit ashtu siç i takon për të ndjekur procedurën ligjore, por siç e shikoni dhe qytetarët nuk po tërhiqen dhe nuk do të tërhiqen në mbështetje të kryetarit të ligjshëm të bashkisë, por edhe të institucionit, i cili sot nuk është publik, i cili është mbushur nga frika e personit i cili e ka zaptuar me policë jashtë, por edhe me forca të ndërhyrjes së shpejtë në çdo zyrë të administratës publike”, tha Salianji./abcnews.al
nev ila10:09 | 29/07/2019
Pas situatës së tensionuar në Bashkinë Devoll, mëngjesin e sotëm ka reaguar Kryetari i Partisë Demokratike Lulzim Basha.
Përmes një statusi në rrjetet sociale, kreu i PD shkruan se pushteti i paligjshëm po uzurpon me dhunë qeverisjen lokale. Më tej kreu i PD ka paralajmëruar se pushtetarët do të kenë fatin që meritojnë, duke i etiketuar hajdutë dhe mercenarë.
“Pushteti i paligjshëm i 6% po uzurpon me dhunë qeverisjen lokale, kundër vullnetit të popullit. Ky regjim kriminal dhe plaçkitës po hyn në rrugën e verbër të përplasjes me popullin e tij. Sot hajdutët në pushtet ndjehen të mbrojtur se kanë polici speciale, gaz lotsjellës dhe mercenarë, por nesër do të kenë fatin që meritojnë hajdutët dhe banditët!”, shkruan Basha./abcnews.al
ad min08:37 | 29/07/2019
Situatë e tensionuar në Bashkisë e Devollit, godina e të cilës është blinduar prej mëngjesit të sotëm nga forca të policisë. Rreth 30 Forca të Ndërhyrjes së Shpejtë kanë hyrë brenda ndërtesës e po aq janë të pozicionuara jashtë saj.
Kryetari i ri i bashkisë Eduard Duro, që u betua të premten ka mbërritur në zyrë prej orës 06:30, për të shmangur përplasjet me mbështetës të opozitës, të cilët kishin paralajmëruar protestë.
Një orë më vonë ka mbërritur në bashki ish kryetari Bledion Nallbati me mbështetësit e tij.
Edhe ish-kryetari Bledion Nallbati, edhe kryetari Eduard Duro deklarojnë se kanë të drejtë të jenë në zyrën e kryetarit të bashkisë, i pari I shoqëruar me mbështetës, i dyti me polici.
“Unë jam kryetari i ligjshëm i Bashkisë, i zgjedhur me votat e 59 % të qytetarëve të Devollit në një proces legjitim, ku devollinjtë kanë shprehur vullnetin e vet për njerëzit që do i drejtojnë për katër vite. Siç e shikoni tashmë në një proces ku partia shtet ka vendosur ta marrë me dhunë këtë institucion e kanë rrethuar me polici dhe e mban të uzurpuar”, mësohet të jetë shprehur Nallbati për mediat.
Nga ana tjetër Eduart Duro tha se “nga ana e ish-kryetarit të Bashkisë, zoti Bledion Nallbati është njoftuar që do kishte një grumbullim njerëzish, të cilin siç e shikoni ju ka disa punonjës bashkie dhe familjarët e tyre, të cilët me urdhër nga ish-kryetari janë mbledhur para godinës së bashkisë, ndërkohë që tani në këto momente duhet të ishin në zyrat e tyre”./abcnews.al
ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.
NUIS/NIPT K01711004FKontaktTelefono
11:39 | 30/03/2020
