Kryeministri i Mbretërisë së Bashkuar Boris Johnson ka deklaruar se Rusia po planifikon të pushtojë Ukrainën.
Gjatë një vizite në Skoci, ai ka deklaruar se grumbullimi i trupave në kufirin ukrainas dhe shumë prova të tjera tregojnë përgatitjen e Rusisë për luftë. Sipas tij, situata është shumë e rrezikshme por presidenti rus Vladimir Putin ka ende kohë të tërhiqet.
Johnson bëri thirrje për dialog, duke i kërkuar Rusisë të heqë dorë nga pushtimi i Ukrainës. Kryeministri gjithashtu ka theksuar se Perëndimi tani më shumë se kurrë duhet të jetë i fortë dhe i bashkuar kundër agresionit rus.
Ndërsa vazhdojnë përpjekjet diplomatike globale për të lehtësuar tensionet në Ukrainë, Downing Street thotë se nuk ka shenja se Rusia do të tërhiqet, duke shprehur shqetësimin se një pushtimi të afërt rus.
Zëdhënësi i kryeministrit Boris Johnson nga ana tjetër ka deklaruar se Mbretëria e Bashkuar do të eksplorojë “çdo rrugë të mundshme” për ta detyruar Rusinë të heqë dorë nga pushtimi i Ukrainës.
/abcnews.al
