Kryetari i Bashkisë së Tiranës, Erion Veliaj ka qëndruar për pesë orë në ambientet e Prokurorisë së Posaçme (SPAK).
Kryebashkiaku u mor në pyetje, lidhur me disa veprime hetimore ndaj tij dhe familjarëve të tij, lidhur me verifikimin e pasurisë. Ai nuk ka pranuar të flasë për mediat pasi la ambientet e SPAK/
“Do të japë sqarime për disa veprime hetimore për të cilat Prokuroria e Posaçme po kryen veprime në drejtim të kryetarit të bashkisë dhe familjarëve të tij. Hetimet e prokurorisë janë ende në fazën e verifikimit. Veliaj është paraqitur për herë të dytë në SPAK”, raportoi ndër të tjera, gazetari i ABC News, Ermal Vija./abcnews.al
