Loading ...
Tre persona, përfshirë një vajzë 10 muajshe, kanë vdekur të dielën kur erërat e forta rrëzuan një pemë në Gjermaninë veriore gjatë një gjuetie vezësh të Pashkëve, ka njoftuar policia.
Rreth 50 persona nga një ndërtesë banimi aty pranë për nëna të reja, gra shtatzëna dhe fëmijë, po merrnin pjesë në event në pyllin pranë qytetit Satrupholm rreth orës 11:00 të mëngjesit, kur një pemë 30 metra e lartë ra mbi grupin, ka thënë policia në një deklaratë.
Katër persona u zunë nga një pemë, sipas autoriteteve, një grua 21-vjeçare dhe një vajzë 16-vjeçare u trajtuan nga ndihmësit e parë, por ndërruan jetë në vendngjarje, ndërsa vajza 10-muajshe e gruas ndërroi jetë më vonë në spital.
Një grua 18-vjeçare pësoi lëndime të rënda dhe është dërguar në spital me helikopter.
Struktura është pjesë e sistemit të mirëqenies së fëmijëve të financuar nga shteti dhe mbështet gratë shtatzëna dhe nënat e reja që kanë nevojë për ndihmë, sipas faqes së saj të internetit.
Fotografitë nga vendi i ngjarjes të publikuara nga faqja e lajmeve Bild treguan disa vezë Pashkësh të shpërndara në tokë dhe dy nga viktimat e mbuluara me çarçafë të bardhë.
Zona kishte qenë nën një paralajmërim për erëra të forta nga shërbimi meteorologjik gjerman.
