Presidenti i Turqisë, Rexhep Tajip Erdogan, njoftoi se do të ndërtohen 200 mijë ndërtesa banimi në njëmbëdhjetë provincat e goditura nga tërmeti shkatërrues i 6 shkurtit.
“Asnjë nga këto ndërtesa nuk do të jetë më e lartë se tre ose katër kate,” tha Erdogan gjatë një vizite në provincën Hatay, e cila u godit rëndë nga tërmeti 7.8 ballë që vrau më shumë se 41,000 njerëz në Turqi. Vlerësohet se të paktën 118,000 ndërtesa u shkatërruan plotësisht ose u dëmtuan rëndë.
“Të gjitha ndërtesat do të ndërtohen nga e para në tokë të fortë dhe me mjetet e nevojshme,”theksoi presidenti turk, duke sqaruar se ndërtimi do të fillonte në mars. Siç tha ai, këto banesa do të ndërtohen larg thyerjeve tektonike dhe “më afër maleve, për t’i mbrojtur nga problemet e krijuara nga tokat e buta”.
“Ne do të ndërtojmë Antakinë e re, Iskenderun dhe Arsuz. Ne do t’i rindërtojmë ato nga e para”, vazhdoi ai, duke iu referuar tre qyteteve kryesore në provincën Hatay. “Ne do të fillojmë t’i zhvendosim bashkëqytetarët tanë, të cilët tani jetojnë në kampe çadrash dhe kontejnerësh, në shtëpitë e tyre (të reja) brenda një viti,” premtoi gjithashtu Erdogan, në deklaratat e tij publike.
130,000 nga shtëpitë që ai premtoi do të ndërtohen në provincat Hatay, Kahramanmaras dhe Malatya, tre zonat më të prekura nga tërmeti.
Erdogan siguroi se do të ndërtohen edhe xhami dhe objekte të tjera kulti.
Presidenti turk, raportoi se më shumë se 114,800 njerëz janë shpëtuar nga rrënojat, tha gjithashtu se bankat shtetërore do të përfshijë borxhet e tërmetit.
Siç pohoi ai, deri më tani janë plotësuar nevojat për strehim të 1.69 milionë njerëzve. Rreth 375,000 viktima të tërmetit u zhvendosen në qytete të tjera. /abcnews.al
