Presidenti turk, Erdogan tha se është Netanyahu ai që duhet të dënohet i pari, duke folur për zhvillimet në Lindjen e Mesme dhe frontin e ri të Izraelit dhe Iranit.
“Që nga 7 tetori, qeveria e Izraelit ka ndërmarrë hapa provokues dhe po përpiqet të përhapë zjarrin në të gjithë rajonin. Sulmi i Izraelit ndaj ambasadës së Iranit në Damask, i cili shkeli ligjin ndërkombëtar dhe Konventën e Vjenës, ishte pika e fundit ”, tha presidenti turk, duke shtuar:
“Përveç një apo dy vendeve, nuk ka pasur asnjë tjetër që ka reaguar ndaj kësaj mizorie të Izraelit. Ata që nuk thanë asgjë për qëndrimin e ashpër të Izraelit u rreshtuan për të dënuar reagimin e Iranit.
Ndërsa është vetë Netanyahu që duhet të akuzohet dhe të dënohet fillimisht. Personat përgjegjës për tensionin e 13 prillit, që na shkaktoi frikë, janë Netanyahu dhe qeveria e tij, e cila ka gjak në duart e saj.
Dhe ky realitet duhet të pranohet”, shtoi Erdogan.
/abcnews.al
