Policia e Beratit arrestoi 20 vjeçarin që të mërkurën përplasi me motor një turiste nga Nepali. 33 vjeçarja u godit ndërsa po kalonte nga njëra anë e rrugës në tjetrën.
Ajo ka marrë dëmtime në fytyrë, hundë dhe nofull, por ndodhet jashtë rrezikut për jetën dhe po trajtohet në shërbimin e neurokirurgjisë në Spitalin e Traumës në Tiranë.
Pacientët që paraqiten çdo ditë në urgjencën e këtij spitali janë shtuar. Traumat janë të ndryshme, por në 20- 30% të rasteve shkak janë aksidentet rrugore.
“Para 3 – 4 muaj kemi qenë diku 150 vetë në ditë mestarisht u bë 2-3 muaj që ne kalojmë 190 në ditë. Kjo për vetë faktin se është shtuar lëvizjë e njerëzve sidomos në ditë të pushimit, dhe e dyta nga ajo që i pyesim ka shkelje flagrante të rregullave të qarkullimit. Përdormi i alkoolit, ka dhe raste personash të droguar që sjellin pasoja fatale jo vetëm për vete, por dhe për persona të tjerë.”
Kryesisht janë pacientë në moshë të mesme një pjesë e të cilëve kanë nevojë për ndërhyrje kirurgjikale dhe shtrim në spital.
“Nga traumat pasojat janë të paparashikueshme, invalidizuese për gjithë jetën ose humbje jete në disa raste. Numri i pacientëve që shtrohen është rreth 25 – 30 në ditë. Numër shumë i madh për një spital si ne, afërsisht shtrohet një pavion në ditë.”
Rehabilitimi për shumë prej tyre sipas mjekëve kërkon kohë duke i shtuar kështu kostove shëndëtësore dhe ato financiare./abcnews.al
