Loading ...
Pas një telefonate të një qytetari, policia e Vlorës zbuloi një person të vdekur brenda një automjeti i cili u përfshi nga flakët në Qafën e Llogarasë. Mjeti tip BMW në pronësi të Artjon Xhelos u dogj plotësisht, ku u desh kohë të identifikohej edhe viktima.
Nga informacionet policore, 27-vjeçari Artjon Xhelo i dha fund jetës së tij duke spërkatur makinën me benzinë e më pas duke u future vetë në të. Nga kamerat e sigurisë shihet se Xhelo ishte i vetëm, ndërkohë që më parë ka punuar si ish efektiv policie në drejtorinë e policisë në Berat. Viktima mendohet se vuante prej tre vitesh nga depresioni.
Nga hetimet paraprake, pista kryesore e policisë është vetëvrasja ndërkohë që pritet përgjigja e ekspertizës dhe AND-së.
“Sot, më datë 15.12.2025, rreth orës 14:00, është marrë njoftim se në vendin e quajtur “Qafa e Llogarasë”, Vlorë, po digjej një automjet.
Menjëherë në vendngjarje kanë shkuar shërbimet e Policisë, të cilat konstatuan se një automjet tip BMW, me targa AA 169 YX, ishte djegur plotësisht.
Nën drejtimin e Prokurorisë është ngritur grupi hetimor, i cili ka kryer veprimet e para hetimore. Gjatë këqyrjes së automjetit, në sediljen e drejtuesit të mjetit u gjet trupi i pajetë i një personi, i djegur plotësisht dhe ende i paidentifikuar.
Nga këqyrja paraprake e automjetit dhe e trupit të pajetë nuk janë konstatuar shenja të dukshme dhune apo dëmtime të shkaktuara nga faktorë të jashtëm, përveç atyre të shkaktuara nga zjarri.
Nga verifikimet e kryera rezulton se automjeti është në pronësi të shtetasit Artjon Isa Xhelo, datëlindja 22.02.1998, lindur dhe banues në Berat. Sipas deklarimeve të familjarëve, ky shtetas rreth orës 11:00 ka dalë nga banesa e tij me automjetin në fjalë, pa bërë me dije destinacionin dhe nuk është kthyer më. Po sipas familjarëve, shtetasi vuante prej rreth tre vitesh nga ankthi dhe depresioni, për të cilat ishte në trajtim mjekësor.
Trupi i pajetë është dërguar në morgun e Spitalit Rajonal Vlorë, ku për identifikimin përfundimtar pritet përgjigjja e analizave biologjike (ADN).
Nga hetimet e kryera deri në këtë fazë, dyshohet se kemi të bëjmë me një rast vetëvrasjeje, ndërsa, nën drejtimin e Prokurorisë, vijon puna hetimore për sqarimin e plotë të rrethanave dhe dinamikës së ngjarjes.”, njofton policia.
