Një shqiptar, i cili u kap duke ujitur më shumë se 600 bimë kanabisi në një “shtëpi bari” në Angli u përpoq t’i ikte policisë duke vrapuar mbi një çati.
Por oficerët e gjetën atë të fshehur në një shkurre.
Mediet britanike raportojnë se Aurel Cahani, personi i cili u gjet në fermë, kishte shkuar në Angli 3 vite më parë, dhe i ishte ofruar punë në ndërtim. Cahani paguhej nga trafikantët 1000 £ në muaj për tu kujdesur për fermën.
Vlera e bimëve narkotike arrinte në 300.000 £.
Ai u përfaqësua në gjykatë nga avokati Mizan Abdulrouf, i cili tha: “Ai pranoi të vinte sepse i duheshin paratë.”
Cahani u dënua me 30 muaj burg dhe do të paguajë një gjobë prej 190 £.
Gjykatësi tha se nëse nuk bën apel për të qëndruar në Mbretërinë e Bashkuar, ai do të deportohet në Shqipëri nga Zyra e Brendshme pas përfundimit të dënimit./Abcnews.al/
