Loading ...
Një person është plagosur me thikë në Shkodër. Gazetari Simon Shkreli raporton se ngjarja ka ndodhur në qendër të qytetit pranë Drejtorisë së Tatimeve, ku dy persona janë konfliktuar me njëri-tjetrin. Sipas të dhënave të para, shtetasi Bledar Troshani është qëlluar me thikë dhe ka marrë plagë të rënda.
Ai është transportuar në spitalin e Shkodrës dhe aktualisht ndodhet në sallën e operacionit. Burime pranë bluve të Shkodrës bëjnë me dije se dyshohet se autor i kësaj ngjarjeje është një i afërm i Troshanit. Policia po punon për zbardhjen e plotë të kësaj ngjarjeje.
“Plagosi me mjet prerës (thikë) një 44-vjeçar, kapet menjëherë dhe shoqërohet në Komisariat, autori i dyshuar. Rreth orës 18:15, në lagjen “Qemal Stafa”, shtetasi Z. Sh., ka plagosur me mjet prerës (thikë), shtetasin B. T., 44 vjeç, të dy banues në lagjen “Kongresi i Përmetit”.
Falë veprimeve të shpejta policore, është bërë e mundur kapja e menjëhershme dhe shoqërimi në ambientet e Komisariatit të Policisë Shkodër, i shtetasit Z. Sh., me qëllim kryerjen e veprimeve të mëtejshme procedurale. Grupi hetimor vijon punën për zbardhjen e plotë të rrethanave të kësaj ngjarjeje.”, njofton policia.
/abcnews.al
