Një profil i hapur ne rrjetin social “tik tok” dyshohet se çoi në aktin ekstrem të vetëvrasjes një 41 vjeçare nga Sukthi.
Bedrie Loka ndërroi jetë në datën 2 janar të këtij viti në spital pasi kishte konsumuar fotoksinë.
41 vjecarja ishte punonjëse në një kompani fasonerie në zonën e Fllakës dhe paraprakisht dyshohet se adresën në rrjetin social që mban foton dhe emrin e saj ja kanë hapur kolegët.
Burime nga policia e Durrësit thanë për ABC News se 41 vjecarja kishte denoncuar rreth një vit më parë ne polici se persona te paidentifikuar i kishin hapur adrese false per ta bullizuar e denigruar.
Për ngjarjen e rëndë policia ka marrë në pyetje të gjithë punonjësit e fasonerisë me qëllim për të zbuluar personin apo personat që kanë hapur adresën fallco. Ndërkohë prokuroria e Durrësit ka nisur hetimet për vepren penale “shkaktim vetëvrasjeje”.
Pervec profilit fals ne tik tok prokuroria po heton edhe pista të tjera që mund të kenë çuar në vetëvrasje nënën e katër fëmijëve nga Sukthi. /abcnews.al
