SHKODËR – I është vënë tritoli një biznesi në qytetin verior të Shkodrës. Gazetari i ABC, Simon Shkreli raporton se biznesi është në pronësi të policit Ndrek Rrasa.
Ngjarja ka ndodhur rreth orës 02:20 të mëngjesit të kësaj të premteje në fshatin Grudë e Re në Shkodër.
Nga sa mësohet, autorët fillimisht i kanë vënë flakën furgonit të Ndrek Rrasës dhe më pas kanë shpërthyer edhe tritolin që i kishin vendosur tek lokali i tij. Dëmet materiale janë të konsiderueshme, ndërsa kanë nisur hetimet për kapjen e autorëve.
/abcnews.al/
