Një 38 vjeçar ka rënë në prangat e policisë së Durrësit për armëmbajtje pa leje. Qani Hysa nga Dibra u arrestua pas një kontrolli të befasishëm që ushtruan Forcat e Posaçme “Shqiponja” me policinë Manzë, në banesën e 38 vjeçarit në fshatin Vardardhë-Sukth, ku gjeti disa armë që i mbante pa leje.
Gjatë kontrollit, shërbimet e policisë gjetën dhe sekuestruan në cilësinë e provës materiale: 2 armë zjarri pistoleta, 1 pushkë sportive, 1 thikë dhe municion luftarak. Materialet procedurale i kaluan Prokurorisë pranë Gjykatës së Shkallës së Parë Durrës për veprime të mëtejshme./abcnews.al
