Neymar ishte protagonist me shumë raste të humbura në takimin e djeshëm kundër Atalanta. PSG vetëm në fund ia doli ta përmbyste rezultatin dhe të siguronte kualifikimin në gjysmëfinale të Champions League.
Braziliani gjithsesi, ashtu sikurse edhe trajneri Thomas Tuchel, në çdo moment kishte menduar për kualifikimin dhe është i bindur se PSG do të kalojë edhe në finale. Për këtë duhet të mposhtë fituesin e çiftit RB Leipzig-Atletico Madrid.
LEXO EDHE: Gabimi i Gjimshitit në fillim, Neymar e Mbappe s’u besojnë syve (VIDEO)
Pas ndeshjes, Neymar deklaroi: “Asnjëherë nuk e kam menduar eliminimin dhe asgjë nuk mund të më ndalojë të mendoj se do të arrijmë finalen. Ishte e vështirë, por ne jemi një ekip i shkëlqyer dhe një familje e vërtetë. Ishte e pamundur të mendoje se ne mund të ishim eliminuar”.
Neymar nuk doli pa “gol”, pasi shënoi jashtë fushe. Ai u shpall njeriu i ndeshjes kundër Atalanta, por çmimin vendosi t’ia dhuronte shokut të skuadrës, Eric Maxim Choupo-Moting, kamerunasit që shënoi golin e fitores kundër italianëve. /abcnews.al
