Përballë Aulona Mustës dhe Fatma Haxhialiut këtë të shtunë në emisionin “Thumb” ishte këngëtarja e dashur për publikun, Eli Fara. Ajo rrëfeu në emision disa nga të rejat më të fundit nga jeta e saj personale.
Eli iu përgjigj një pyetjeje për të cilën shumë fansa janë kuriozë, pse është mjaftuar me një fëmijë. Ajo tregoi se gjithnjë ka dashur më shumë se një fëmijë, por për ta realizuar këtë dëshirë duhet të kesh në krah personin e duhur.
“Absolutisht po. Të paktën thoja më parë dua të kem 3 fëmijë. Nuk kam dashur kurrë që të kisha vetëm një fëmijë. Ndoshta profesioni, koha kalon shpejt. Njeriu mendon që ka kohë për gjërat, por s’ndodh kështu. Pastaj është edhe problemi tjetër që fëmijën duhet ta bësh me njeriun e duhur. Nuk është aq e lehtë të bësh një fëmijë. Ndoshta nuk më doli përballë ndonjë njeri i duhur që të bëja një tjetër fëmijë”, u shpreh këngëtarja duke shtuar se madje edhe tani do të donte të bëhej nënë nëse në krah do të kishte partnerin ideal.
Këngëtarja e njohur ka një vajzë nga martesa e saj, Marina Farën e cila po ashtu është personazh i njohur për publikun./abcnews.al
