Gjykata e Elbasanit ka momentalisht vetëm 4 gjyqtarë, nga 18 që duhet të kishte normalisht. Kjo ka ardhur si pasojë e Vettingut, ku disa u shkarkuan dhe disa të tjerë dhanë dorëheqjen.
Kjo është reflektuar në mungesë të theksuar stafi. Dosjet që janë duke shqyrtuar janë të një numri të konsiderueshëm, raporton gazetarja e ABC News, Edisona Skenderi.
Një gjyqtar do duhet të shqyrtojë rreth 1300 dosje. Një numër i konsiderueshëm, çka nga aspekti njerëzor është e pamundur të përfundohen brenda afateve ligjore.
Kjo ka ndikuar edhe tek personat që kanë për të zgjidhur një çështje në gjykatë.
Kreu i Dhomës së Avokatisë në Elbasan, Demir Çiftja thotë se janë klientët ata që po vuajnë pasojat e mungesës së gjyqtarëve. Një pjesë e tyre janë duke u tërhequr nga kërkesat e bëra, pasi kanë kaluar mbi 3 vite.
Kjo ndikon edhe në aspektin financiar të qytetarëve, pasi shpesh ka shtyerje të seancave dhe ata janë të detyruar të paraqiten herë pas here.
Po ashtu edhe në cilësinë e seancave gjyqësore dhe në vendimin e drejtë nga gjyqtarët.r.t/abcnews.al
