Një makinë e tipit BMW është qëlluar me breshëri arme teksa ka qenë në lëvizje në fshatin Papër në Elbasan.
Abc mëson se ajo është qëlluar me kallashnikov nga një tjetër makinë që ishte në lëvizje. BMW-ja është gjetur nga policia disa metra larg vendit ku u qëllua, poshtë urës së zezë dhe rezulton me targa të vjedhura në Durrës. Policia njofton se personat që kanë qenë në mjetin tip BMW e kanë brakisur mjetin dhe janë larguar.
Lexo edhe: Të shtëna me armë në Elbasan, qëllohet makina në lëvizje
Ne vendngjarje ka mbërritur dhe drejtori i policisë se Elbasanit Ardian Çipa. Si pasojë e të shtënave ka pasur vetëm xhama të thyer.
Burime për Abc bëjnë me dije se nuk ka asnjë person të lënduar, ndërkohë që policia ka nisur hetimet. Grupi hetimor, nën drejtimin e Prokurorisë, po vijon punën për sqarimin e rrethanave të ngjarjes, identifikimin dhe kapjen e autorëve.
Njoftimi i policisë:
Rreth orës 17:35, në aksin rrugor Elbasan-Peqin, në rrethana ende të paqarta, dyshohet se është qëlluar me armë zjarri në drejtim të një mjeti tip BMW, targat e të cilit rezultojnë të vjedhura në Durrës, në prill të vitit 2021. Personat që kanë qenë në mjetin tip BMW, e kanë brakisur mjetin dhe janë larguar. Shërbimet e Policisë ndodhen në vendngjarje dhe po krehin zonën me qëllim kapjen e personave të përshirë në këtë ngjarje.
/abcnews.al
