10 plumba kallashnikovi u zbrazën sot mbi trupin e Tauland Gjikajt në Vlorë nga një person me maskë anti-covid që e qëlloi teksa po ecte në këmbë.
Për ngjarjen deri tani një person është në kërkim, ndërsa njëri është arrestuar, të cilit iu sekuestrua edhe një kallashnikov. Në dëshminë e parë para hetuesve, i arrestuari Hans (Andi) Jonuzaj ka mohuar autorësinë. “Nuk e kam kryer unë krimin” mësohet se ka qenë 44-vjeçari pas arrestimit.
Por cila është pista ku po hetohet? ABC mëson se pista e parë në tavolinë është ajo e trafikut të drogës, ku i riu ka qenë i dënuar më parë. Pazaret e drogës dyshohet se janë arsyeja që sollën përplasjet mes grupeve duke i marrë jetën të riut.
Viktima ishte person me precedent penal i përfshirë në disa ngjarje kriminale (lexo ketu). Viktima përdorte disa identitete, njihej edhe si Taulant Beqiraj dhe Taulant Manaj.
31-vjeçari është djali i një ish-punonjësi policie. Pas vrasjes, në momentin e këqyrjes së vendit të ngjarjes policia i ka gjetur në brez edhe një armë zjarri tip pistoletë/ db/ Abcnews.al
