Loading ...
U deshën 12 vjet për t’u kthyer, por ia vlejti. Tri herë kampionia e Afrikës, Bregu i Fildishtë, bëri një paraqitje shumë të mirë në ndeshjen e parë në Kupën e Botës në truallin amerikan, edhe pse gjithashtu pati fat.
Një skuadër që nuk ishte në 2018 në Rusi e në 2022 në Katar, fitoi 1-0 ndaj Ekuadorit në grupin E, ku do të masë forcat ditët e ardhshme me Gjermaninë.
Përballja ishte e fortë në stadiumin e Filadelfia, ku ishin gjithashtu mbi 68 000 spektatorë, një shifër që duket e njëjtë për të gjitha ndeshjet në Shtetet e Bashkuara.
Bregu i Fildishtë, ekip që kurrë nuk ka kaluar fazën e grupit në kupat e botës, këtë herë duket më imponues me emra mjaft të mirë.
Jo vetëm autori i golit, Amad Diallo i Mançester Junajtidit, që u la në stol fillimisht, por edhe Boni i Interit, Kesi apo Diomande i Lajpcigut, një adoleshent që kërkohet nga të gjithë klubet e mëdhenj të Europës.
Po Ekuadori?
Amerikanolatinët nuk mund të mateshin dot me shpejtësinë apo forcën fizike dhe atletike të afrikanëve, por bënë lojën e tyre.
Futbollistë teknikë, të fortë në mbrojtje dhe luftarakë, e padyshim dinakë.
Disa herë e zunë në befasi kundërshtarin e ashpër, duke goditur tri herë shtyllën.
Ky grup duket tepër I fortë, e padyshim që Gjermania nuk ka asgjë të sigurt.
Pritet me shumë kërshëri dueli I katër herë kampionëve të botës me Bregun e Fildishtë në 20 qershor.
