Loading ...
Pasi zbuloi emrin e kandidatit për President, kryeministri Edi Rama do të takohet mbrëmjen e sotme me Shefin e Shtabit të Përgjithshëm të Forcave të armatosura, Bajram Begaj.
Takimi do të zhvillohet në orën 20:30 në kryeministri.
“Në orën 20:30 Kryeministri Edi Rama takon në Kryeministri Shefin e Shtabit të Përgjithshëm të Forcave të Armatosura, Bajram Begaj, njëherësh kandidat të propozuar për President.”, thuhet në njoftimin e Kryeministrisë.
Ishte vetë kryeministri Rama ai që bëri publik emrin e Begajt pas përfundimit të mbledhjes së kryesisë, e cila zgjati rreth 2 orë.
Në orën 10:00 të ditës së nesërme, deputetët do të japin firmën e tyre dhe në orën 12:00 do ta çojnë kandidaturën zyrtarisht në Kuvend. Në orën 16:00 do të mblidhet Komisioni i Ligjeve i cili do të verifikojë nëse kandidatura i përmbush kushtet./abcnews.al/
