Pedri është një nga sensacionet e Euro 2020 dhe të sezonit të shkuar me Barcelonën. Ai ka luajtur në çdo ndeshje dhe ka fituar komplimentat e të gjithëve dhe tashmë merr bekimin e Andres Iniestas, i cili ka elozhe për yllin nga Ishujt Kanarie.
“Është shumë e vështirë të luash në atë nivel që e ka bërë Pedri në moshën 18-vjeçare. Më e rëndësishmja është se Pedri vazhdon të përmirësohet dhe të rritet si lojtar, me klubin dhe me kombëtaren.
Shumë shpejt ai do bëhet një nga pikat e referimit te Spanja dhe te Barcelona. Ai duhet të vazhdojë të mësojë nga njerëzit përreth tij. Barça është klubi i duhur për të”, u shpreh Iniesta. /abcnews.al
