Jose Mourinho i kthen përgjigje Antonio Cassanos në mënyrë të ashpër.
Tekniku portugez ishte tepër i ashpër në deklaratat e tij dhe kjo gjë kuptohej mirë nga fjalët, por edhe nga ironitë e tij. Gjatë javës, ish-sulmuesi italian ka kritikuar lojën e Romës duke thënë: “Mourinhos nuk i intereson aspak për futbollin, është vetëm kinema”.
“Special One” është kundërpërgjigjur në konferencën për shtyp pas fitores minimale kundër Torinos me ironi.
“Secili është i lirë të ketë preferencat e tij dhe të bëjë kritika. Por kur flitet për të tjerë, si Antonio, gjërat ndryshojnë. Ai argëtohet, të tjerët punojnë në mënyrë serioze. Nëse kritikojnë Romën ose Mourinhon, ata argëtohen dhe nuk u intereson. Cassano ka luajtur te Roma, tek Interi por edhe te Real Madrid.
Në Madrdi mbahet mend për veshjen e tij, me Romën ka fituar një Superkupë të Italisë pa luajtur, tek Interi nuk ka fituar as kupën e Lombardisë. Ju e dini se çfarë kam fituar unë me Interin, me Realn dhe me Romën. Ai mund të ketë një problem me mua, unë nuk kam asgjë me të. I them vetëm një gjë, kujdes Antonio, je 40 vjeç dhe unë 60, ndonjëherë vijnë lojtarë si Marko Livaja dhe më pas është e vështirë”, është shprehur ashpër dhe me ironi Mourinho për Cassanon./ h.ll/abcnews.al
