Loading ...
Drejtori sportiv i Dortmund, Michael Zorc, ka konfirmuar se sulmuesi, Paco Alcacer, ka munguar në seancën e fundit stërvitore. Klubi gjerman me anë të një postimi në “Twitter” shkruan se spanjolli me shumë mundësi do të rikthehet në Spanjë.
“Po është e vërtetë që Alcacer nuk ka qenë pjesë e stërvitjes së sotme. Arsyeja është se ai është në hapat e fundit për të realizuar një rikthim në Spanjë,” janë fjalët e Zorc të publikuara nga Borussia në rrjetet sociale. Mediat në Spanjë raportojnë se 26-vjeçari më shumë mundësi ka të transferohet te Vilareall se sa të rikthehet tek ish-ekipi i tij, Valencia.
Alcacer numëron 528 minuta lojë këtë sezon në Bundesligë, ku e ka gjetur dhe 5 herë rrugën e rrjetës. Pas mbërritjes së Erling Haaland në skuadër, vendi në formacion për spanjollin do të bëhet gjithmonë dhe më i vështirë dhe një rikthim në Spanjë mund të jetë zgjidhja më e mirë për të, pasi ai dëshiron të jetë pjesë e Spanjës në Euro 2020.
