ABC News ka zbardhur detaje të reja nga dosja e megaoperacionit “Tempulli” dhe përgjimet që çuan në qeli 10 persona në qytetin e Elbasanit që merreshin me shpërndarjen e lëndëve narkotike.
Agjenti me emrin e koduar “Koli” është takuar më 8 shtator me Saimir Rexhepin, i njohur ndyshe si “Ujku” i Cërrikut, pranë një lavazhi në aksin rrugor Elbasan – Cërrik. Rexhepi, pasi bisedon pak momente me agjentin, i dorëzon atij një sasi kokaine në qese.
Pjesë nga përgjimet:
Agjenti (K) : Hë ujk, e more ? Gjysëm është ?
Saimir Rexhepi (U) : Tall k…ti, e ke k..derre fare
K : E ke mall të mirë lali?
U : Nuk të bëj be kot ty unë
K : A është i mirë të paktën o vlla ?
U : Ore qafsha të gjithë e merr gjithë Cërriku.
Ndërkaq, agjenti “Koli”, më 12 shtator ka shkuar në afërsi të kryqëzimit të rrugës Cerrik-Gostimë me rrugën “Pazhoku”, duke ndaluar pranë karburant “Kastrati”. Pas reth 5 minutash, pranë tij është afruar shtetasi Françesko Braho, i cili udhëtonte me automjetin me tarag AA-287-GK.
Francesko ka ndaluar në krah të rrugës, ka zbritur nga automjeti dhe është takuar me agjentin. Pasi janë takuar kanë biseduar për pak sekonda dhe përpara se të largohej Francesko i ka dhënë dicka në dorë, dyshohet kokainë.
Pjesë nga përgjimet
K : Po kshu per bidon del kjo?
F : Nuk e kam provu po besoj se po
K : Desha bjer edhe një zero dyshe mu
F : Ok se gati e kam un ja sa ti jap leke e kafes
K : A i do leket ti jap?
F : Po jo e ska gja
Më 9 shtator, agjenti ka shkuar në rrugën që të dërgon në “Llixha” dhe ka ndaluar në afërsi të lavazhit “Çoku” dhe pranë tij është afruar shtetasi Endrit Kovaçi, ky i fundit pasi ka biseduar për pak sekonda me agjentin e autorizuar i ka dhënë diçka në dorë dhe është larguar në drejtim të lavazhit, dyshohet kanabis.
Pjesë nga përgjimet:
Endrit Kovaçi (E) : Ktu ke 10-çen?
Agjenti (K) : Ti mos e mçif, ti lene me i ven që të duket.
E : Ke katër-pesë cigare të mira lale.
K : E po m’pëlqeu mua imen?
E : Është i mir ai lal, maj içik er maj.
Me datë 8 shtator, agjenti ka shkuar në afërsi të kryqëzimit të Cërrik-Elbasan, konkretisht në rrugën “Çajupi” ku ka ndaluar në parkimin e një pallati. Pas rreth 5 minuta pranë tij është afruar shtetasi Ervis Duzha dhe pasi kanë biseduar për pak sekonda, ky i fundit i ka dhënë diçka në dorë agjentit, dyshohet kokainë dhe më pas është larguar në drejtim të pallatit.
Pjesë nga përgjimet
Agjenti (K) : O Ervis hë o la?
Ervis Duzha (E) : Ça ban?
K : Bjer i gjysëm mu, e po shiko të jet për bidon. E mirë është?
E : E mirë.
