Loading ...
Zbulohet identiteti i personit që e dërgoi në spitalin e Lezhës të plagosur, Vinçens Pirolin mbrëmjen e djeshme. Ai është kushëriri i tij, Mark Nika, i cili është shoqëruar për t’u marrë në pyetje në komisariatin e policisë Shkodër.
Nika ka rrëfyer para grupit hetimor momentin kur 34-vjeçari zbriti nga makina e tij dhe u qëllua dhe më pas dërgimi në spitalin e Lezhës. Pasi e futi në spital Nika u largua me shpejtësi me makinën tip “Ford”, por është identifikuar nga kamerat e sigurisë.
Lexo edhe: I plagosuri: Si më qëlluan pas shpine. Misteret e atentatit në Shkodër
Ndërkohë që ditën e sotme efektivët e policisë dhe specialistët e grupit hetimor janë rikthyer sërish në vendin e ngjarjes, pranë urës së Bahçallëkut në Shkodër në kërkim të provave të reja. Gazetari i “ABC”-së Simon Shkreli sjell pamjet kur grupi hetimor kontrollon zonën. Kamerat e sigurisë pranë vendit të ngjarjes kanë kapur momentin kur qëllohet me silenciator Vinçens Piroli.
Lexo edhe: Kronologjia e atentatit kundër vrasësit: E ndoqën dhe e qëlluan sapo vuri këmbët në tokë
34-vjeçari Vinçens Piroli ndodhet në spitalin e Traumës në Tiranë për mjekim më të specializuar, ky sot i është komunikuar masa e ndalimit. Përpos hetimit për ngjarjen ku mbeti i plagosur, për Pirolin ka një urdhër arresti nga Mali i Zi për vrasje, por Shqipëria nuk ka marrëveshje ekstradimi me fqinjin verior./ Abcnews.al
