Një ngjarje të rëndë ka raportuar gazetari Artan Hoxha, të ndodhur pak minuta më parë në Tiranë. Dy efektivë në Komisariatin 3 janë përplasur me armë dhe për pasojë njëri prej tyre është plagosur rëndë.
“Në komisartian 3 sa ka ndodhur një ngjarje e rëndë, një oficer policie sapo ka qëlluar kolegun e vet. Më nisën një video ku po transportohet polici në spital. Ata janë oficerë të patrullës, dy policët kanë qëlluar njëri-tjetrin në komisariat. Është një ngjarje e rëndë, shpresojmë mos ketë pasoja me humbje jete”, tha Hoxha në “Log.”.
Burime për ABC bëjnë me dije gjithashtu se në spital është dërguar në gjendje të rëndë C. S., i cili është futur në sallën e operacionit. Ndërsa autori L. Z ndodhet në komisariat.
Priten në vijim detaje për ngjarjen e rëndë. Abcnews.al do t’ju mbajë të informuar. /abcnews.al
